::: SomaliTalk.com :::

Daabaco Boggan | Print

Filimada anshaxa xun, ruugidda Qaadka
iyo isticmaalka Daroogadu Saamayn intee le'eg Bay ku Leeyihiin Faafidda Cudurka AIDSKA ee Soomaaliya.. Guji...

XAMAR DAAWO DACALLADA.. SAWIRRO

Fadeexada Paltalkga: iyo Dulmiga Walaasha Muslimada ah....... GUJI....

Qaabka Loo Qoro Wararka, Faalooyinka iyo Ra'yiga

Maalinkii masawirkiisa asaga iyo sadex kale laga sii daayey warbaahinta dalka Ingriiska qofwalba oo soomaaliyeed ee daawaday wuxuu isweydiiyey su'aalo dhawr ah, Ma Soomaalibaa mise nin isku dhiibay magaca soomaalida, maya ee masawirkii ugu danbeeyey ee kaamaradu qabatay buu ku soo hagaagay wakhtigaas ee ma ahayn Soomaali isqarxinayey ama wax qarxinayey,sidee suurtogal u tahay nin Soomaali ah in uu naftiisa u huro asagoo aaminsan mabda'a aanan qabiil ahayn, maya waa la khalday oo lacagfaro badan baa la siiyey loomana sheegin waxa loo dhiibay,qaar waxay yirahdeen masawir colaadeed ee loo abuurayo shacabka Ingriiska ayaa la balaarinayaa oo Soomaalida oo horay looga bartay in aysan lahayn qadiyad midaysan oo difaaci karta weerarada lala beegsado sumcadooda ayaa qurbaan looga dhigayaa qaraxaan danbe haddii la waayo faldanbiilayaalkii dhabta ahaa.

Si kastaba ha ahaato warbaahinta Ingriiska ee maqal iyo muuqaal waxay ku qireen in uu yahay nin jinsiyadiisu tahay soomaali kana mid ah ragga lagu tuhmayo in ay isku dayeen qarxinta dhuumaha tareenada hoosta mara ,waxaa la sii raaciyey in uu dalka soogalay 92dii asagoo lagu keenay wiil 11-jir da'diisu ahayd sabab la xiriirta xubno ka tirsan qoyskiisa oo qaxooti loo aqoonsaday, kadibna la siiyey sharciga joogitaanka Ingriiska, iyo in uu qaato cayr guriga uu degenyahayna dawladu ka bixiso, labadaan arimood oo danbana horey baa dhawr jeer joornaalo qaar ka mid ah kuwa Ingriisku Maqaalo dhaleecayn ah ugu soo jeediyeen bulshoweynta Soomaali ee U.K ku nool sanado horay loo soo dhaafay jawaab qoraal iyo mid fikradeed oo radida ama lidi mudac ku noqotana aysan dhicin.

Waxaa yaab leh U.K Soomaalida ku nool oo boqolaal comunity {URURRO} leh midwalbana isku diiwaangaliyey in uu wax u qabto bulsho-weynta Somaali ee U.K, xaqiiqduse taas ka duwantahay oo qofwalba qaraabo-qabiil magacyadooda ku furtay, dhaqaalaha loo siiyey adeega bulshadana hantidiisa gaarka ah ka dhigtay, qaarkoodna ilaa iyo 92dii cadaymo u samaynayey jinsiyado kala duwan oo aan soomali ahayn, isla markaasna ku dhiibayey magaca soomalida ayagoo dhaafsanaya dhaqaalo si sahlan ku soo gala, taas oo keentay in kumanyaal jinsiyado kala duwan oo aan soomaali ahayn lagu dhiibo magaca soomaaalida isla markaasna boqolaal kale oo soomaali sax ah loo diido xuquuqdooda caaadiga ah oo ay lahaayeen qaaarkoodna ay iska joogaan ayadoo maxkamadihii ugu danbeeyey ee rafcaan ay ku xukumeen iska noolaada.

Maadaama aysan jirin dalad midaysa Ururada Qaraabo-qabiil ee U.K, aysana lahayn cid aqoon u leh tilmaamida waxa bulshadu xaqa u leedahay kana soo jeediya warbaahinada kala duwan ee u baahan in la siiyo masawirka saxda ah ee jaaliyadda Soomaalida ee ku nool U.K sida kuwa Ingriiska iyo kuwa carabta sida Aljaziira, una hadla xuquuqda jaaliyadaan difaacana karaamadeeda iyo khusuusiyaadkeeda ama habnololeedkeeda u gaarka ah si aan sumcadeeda meel looga dhicin ayadoo lagu halqabsanayo magaceeda jinsiyadeed, waxaa caado noqotay in aqoonyahano ku takhasusay geeska afrika oo kale ay difaacaan qadiyada Soomalida sida khabiir Ingriis ah oo laga waraystay sky-news iyo bbcda uu u xaqiijiyey in shacabka Soomaalidu uusan cadaawad u qabin shacabka Ingriiska uuna ka duwanyahay macnaha shacabka Soomaalidu ka qabo kan maraykanka oo ciidamada maraykanku hal habayn ku dilay Muqdisho dhexdeeda kunqofood,wuxuu ka digay in arintaan aanan la siin fogaan dawladeed ee loo arko faldanbiyeed aanan lahayn magac jinsiyadeed si aanan waxyeelo aan ku talo gal ahayn loo gaarsiin jaaliyadaha magacooda la sumado.

Madaxweynaha Pakistan Gen. Perverz Musharraf oo siweyn uga hor yimid in dad reer Pakistaan ah ay ka dambeeyeen qaraxyadii London iyo Masar

Waxaa xusid mudan qaraxii ka horeeyey midkaan danbe ee 7/7 jaaliyada Pakistaan iyo mida Asiya dhamaantoodba waxay u guntadeen sidii ay masawirkooda sumcadeed u badbaadin-lahaayeen waxaa Taleefishinada ka hadlay xubno kala duwan oo isugu jira culimaaudiin, askar, qareeno, madxda ururadooda, waxay sameeyeen banaaanbax ay ku cabirayaan sida ay uga soo horjeedaan faldanbiyeedkaan waxay cadeeyeen in dhalinta is miidaamisay aanan loo arkin Pakistaan ee loo arko Ingriis maadaaama ay haystaan dhalashada wadankaan, Tony Blair dhowr munaasabadood wuxuu ku nuuxnuuxsaday in aanan loo saarin arintaas jaaliyad gaar ah oo loo arko danbiilayaaal, waliba la isweydiiyey in loo isticmaalo magaca Terroriste {argagixiso} iyo in kale.

Charles de Menezes Ninka reer Brazil ee Booliska London toogteen.

Sidoo kale ninkii u dhashay dalka Brazil oo sida khaldan lagu dilay isla markaasna sideed xabadood lagu dhuftay asagoo la hayo oo dhulka yaala arintaasuna furtay isweydiimaha ah heerka ay ku tilaabsan karaan askarta la dagaalanta argagixisada oo hadda loo fasaxay qaabka ah toogo oo dil oo {shoot to kill} oo ka duwan kii hore oo ahaa toogo oo ha dilin iyo awooda balaaran ee loo fasaxay sida ay ula isticmaali doonaan jaaliyadaha lagu suntayo faldanbiilada argagixiso, waxaa dawlada ingriisku dhamaanteed ka bixisay cudurdaar heer qaran ah dhimashada ninkaas waxaa dalka yimid xubno heer wasiir ah oo ka socda Brazil waxaana la filayaa in qaan loo raacdo askartii falkaas gashay,meesha ilaa iyo hadda qaraxyadaan arimo la xiriira iyo kuwo kalaba ay ku naf waayeen ilaa shan qofood oo Soomaali ah nafta Qofka Soomaaliga ah ma ka duwantahay kuwa dadka kale?

Hadaba ma waxaan isweydiinaa sida caadadu noo ahaan jirtay Yaasiin Xasan Cumar qabiilkee buu Soomaali ka yahay, oo mar haddii uusan qabiilkaaga ahayn dadka ingiriiska ah waa ku yaqaaanaan aflagaadada iyo waxyeelada kaa soo gaari karana waxay ku koobnaan doonaan qabiilka loo saariyo Yaasiin,mise tani waxay noo noqotaa darsin balaaran oo noo celiya midnimadeena meelkastoon joogno una guntanaa sidii aan ku difaaci lahayn sumcadeena iyo qadiyadaheena midaysan uguna gorgortami lahayn ruuxii Soomaali ah oo loo gaysto waxyeelo dhimasho iyo dhaawacba una baraarujin lahayn dhalinteena soo koraysa una badali lahayn idiolajidada am mabda'a qabiil oo ku salaysan qaybi uguna badali lahayn mabda'a midaynta iyo isku duubnaanta.

Ururka Crisis Group oo Qoraal Dheer Ka Qoray Soomaaliya iyo Sida la Isugu Cayrsanayo.....

Qoraal ka kooban 29 bog oo bishan July 11, 2005 uu soo saaray ururka lagu magcaabo Crisis Group ayuu ku falanqeeyey Soomaaliya iyo ururada ka jira iyo sida dalka gudihiisa la isugu cayrsanayo, qoraalkaas oo aad u dheer oo ku qoran luqadda Ingiriiska waxaa laga soo rogan karaa Halkan... Guji... [PDF-- waxaad u baahan tahay "Adobe Acrobat Reader" si aad qoraalkaas u daalacatid]