BAAQ KU SOCDA DADKA
GAALKACYO IYO IIMAY BARI
Waxaa beryahan ka socday
degaanka Iimay Bari dagaallo lagu hoobtay, halkaas waxa ku
dhimanaya dad Soomaali ah oo walaalo ah, kuwaas oo
dhiiggooda iyo maalkooduba kala xaaraansan yahay. Haddaba
waxaan dhinacyda colaaddu ka dhex oogan tahay ka codsanayaa
inay Illaahay dartii colaadda u joojiyaan, inay dhiigga
barbaarta le’anaysa ku hagoogtaan, inay aakhiro iyo xisaabta
danbe ka fekeraan, inay colaadda walaaltinimo iyo nabad ku
bedeshaan. Waxaan si gaar ah uga codsanayaa masuuliyiinta
labada dhinac inay hanbbada dadka badbaadiyaan. Illaahayna
waxaan ka baryeyaa inuu labadaa dhinac dabka ka dhex shidan
nabad ugu beddelo. Aamiin.
Waxa iyana naxdin ah in
maalmahan magaalada Gaalkacyo laga soo sheegayey dilal iyo
xiisado sababay dhimasho iyo dhaawacba. Waxaan ka baryeyaa
dhinacyada khilaafku u dhexeeyaa inay miyirka iyo caqliga
adeegsadaan kuna daaweeyaan wixii dhibaato ah ee jira.
Walaalayaal, qofkii dhintay
dhimay, ee qof iminka nool baa in la badbaadiyo u baahan.
Waxaan masuuliyiinta labada dhinac ugu baaqeyaa inay ku
dadaalaan siday ugu hiilin laheeyeen nabadda iyo wadajirka
dadka walaalaha ah, isla markaana ay khilaafaadka jira ugu
dhammayn lahaayeen wada hadal iyo walaaltinimo. Illaahay
waxaan ka baryeyaa inuu dadka halkaa ku nool beerkooda
burcad isku mariyo. Aamiin.
Waxa kale oo aan guud ahaan
dadka Soomaalida ku abtirsada ugu baaqeyaa inay ka jeestaan
colaadaha iyo khilaafaadka aafeeyey, kuna beddelaan nabad,
walaaltinimo iyo kalgacal.
- Intee baynu balaayo
- Iyo baase u joognay
- Intee buu baqtigeenna
-
Bahal uu
guranaayey
-
Taladeenna
baroon iyo
-
Intee
boobe hagaayey
-
Waa sidee
badankeenu
-
Waa
beergooyiyo ciile
-
Hadhaaggeenna badbaashoo
-
Halla
baajiyo dhiigga.
Maxamed yusf
Xaaji Cabdi(kayse)
maale22000@yahoo.com
Afeef: Aragtida qoraalkan
waxaa leh qoraaga kusa xiixan
Faafin: SomaliTalk.com |
July 26, 2005
Booliiska London oo
Magcaabay Labo Nin oo Lagu Tuhunsan Yahay Qaraxyadii
Muktar Said Ibrahim iyo Yasin Hassan Omar ayey
Booliska London magcaabeen waxayna uga shakiyeen in...
Guji..
Dugsi wax Lagu Barayo
indhoolayaasha oo laga Furay Muqdisho
»Yemen:
Shidaal Soomaliya loo tahriibinaayey oo la qabtay.
»Ra'iisul
Wasaare Geedi oo Dhambaal tacsi ah u Diray Britain
Wararka oo dhan ka
Akhri Halkan.. Guji..
| 
Daabaco
Boggan | Print
Fadeexada
Paltalkga: iyo Dulmiga Walaasha Muslimada ah....... GUJI....