London iyo markale qaraxyada argagaxisadda
Toney
Blair:
"Dadku ha is dejiyaan!"
W/Diyaarisay: Ikraam
Cali-kaar
London- United Kindom
Magaalada
London ee xarrunta dalkan Ingiriiska ayaa sadex goob oo
kamid ah xarrumaha laga raaco gaadiidka la xiray ama la
isku gadaamay, kadib markii looga sheegay iney yaalaan
waxyaabaha qarxa. Booliska ayaa iminka waxey baaritaan
ku haya nin la sheegay inuu isku soo xiray kaasoo ku
meereysanaya agagaarka University College Hospital oo ku
taal wadada Warren street.
Wakaalada wararka AP ayaa
sheegay in ninkan lugu tuhunsan yahay inuu bamkan watay
uu xiran yahay dhar buluug ah Booliskana waxey ku
wargeliyeen dhamaan howlawadeenada Cisbitalkaasi iney
fiiro gaar ah u yeeshan ninkan oo dhererkiisa lugu
qiyaasay 180 cm, muuqaal ahaana u eg dadka Eeshiyaanka
ah. Booliska ayaa weli runsan in afar qarax oo kale la
dhigay goobo muhiim ah aaney qaraxin sababo la xiriiro
cilad farsamo.
Wadooyinka Warren street,
The Oval iyo Shepherd's Bush ayaa gebi ahaanba
dabdemisyada iyo booliska isku gadaameen, iyadoo xitaa
la xiray dhamaan wadadooyinka kale ee ku heereysan si
aaney kooxaha qarax doonka ahi aaney u soo gelin. Dadka
deegaanka ayaa sidoo kale lugu wargeliyey iney ka
dheeraadan goobahaas cabsi jirta awgeed. Telefeyshinka
Sky News ayaa ku soo waramaya in meelaha la tuhmay ay
haatan ku sugan yihiin kooxo qaburo ah oo taqasuskoodu
yahay maadada kiimilkaalka si haddi bamamkaasi noqdaan
kuwo sun ah ay wax uun gacan ah ka geysan karaan.Mid
kamid ah kuwa gar gaarka oo goobta ku sugan ayaa
wakaalada wararka ee Rueters u sheegay in qof dhaawa ahi
uu jiro, laakinse xaaladiisa caafimaad aaney aheyn mid
laga deyrinayo. Kadib markii ninkaas ku qaraxday boorso
la sheegay iney ku jirto waxyaabaha qarxa taalay meel la
sheegay iney kasoo baxday qiiq.
Tony Blair oo baajiyey la kulankii Ra'iisal wasaaraha
Australia
Ra'iisal wasaaraha dalka
Ingiriiska Tony Blair oo maanta lugu waday iney wadahal
la yeesho dhigiisa Australia John Howard, ayaa gebi
ahaanba kulankaasi baajiyey kadib markuu kulan deg deg
ah la yeeshay booliska magaalada London. Balse maanta
gelinkii dambe lakulmay John Howard, iyadoo amaanka
goobta ay shirka jaraa'id ku qabanayeen labadaasi
hogaamiye aheyd mid aad loo adkeeyey. Waxaase jira warar
sheegaya in ciidamada aminiga ay halkaaasi qasab uga ka
xeeyeen nin ku sugnaa goobta mase jirta warar madax
banaan oo sheegaya qabashada ninkaasi waxa ay salka ku
heyso.
"Kooxahan is baheystey
waxey doonayaan iney qal qal geliyaan nolosheena, mase
ka yeeleyno. Booliska ayaa shaqoodooda wacan gudanaya"
ayuu tiri Tony Blair oo dadka naxdinta wadnaha goysay
uga baaqayey iney is dejiyaan xaaladoodana ay u wataan
sidey ahaan jirtay. Labadan hogaamiye ayaa iyagu ku jira
isbaheyga uu Mareykanka hogaaminayo ee duulaanka
gardarada ah ku qaaday dalka Ciraaq. Dadka turxaan
bixiyo siyaasada caalamka ayaa maanta qaba in qaraxyada
London iyo kuwo kale oo la filan karro ay yihiin kuwo
jawaab u ah ka qeyb qaadashada ay ciidamada Ingiriiska
qeyb qateen dagaalka gardarada ah ee ay tacadiyada ka
baxsan bani'aadnimada geysteen.
Saameyn ma ku yeesheen qaraxyadda London
Soomaalida ku sugan?
Inkastoo aan si dhab ah
ugu kuura galay xaalada ay Soomaalida London ku nool
yihiin, hadana marka la eego dhacdooyinkii ugu dambeeyey
ee tan maanta ku jirto waxaa la oran karaa saameyn weyn
kuma yeelan Soomaalida ku dhaqan magaaladan, sababo la
xirriira inaaney aheyn dad sidaas u geynsan kara
dhibaato xoog leh ama looga cabsi qabo iney xirriir la
leeyihin kooxaha wax qarxiya. qaraxii ka dhacay 7-da
bishan julay ayaa la sheegay in la dilay labo wiil
soomaali ah kuwaasoo dilkooda ay ku lugu lahaayeen kooxo
burcad ah. Ganacsiga iyo meheradaha kale ee Soomaalida
ayaa si xowli ah ku socda, waxeyna dad badan oo aan
arrintan ka wareystay ay ii sheegeen ineysan saameyn
habayaraatee ku yeelan qaraxyada iska soo daba laa
laabtay ee London ka dhacay, marka laga reebo in
Soomaalida Islaam yihiin dhinacaasna ay waxkasta filan
karaan, balse aysan jirin cid si gaar ah farta ugu
fiiqday.
W/Diyaarisay: Ikraam
Cali-kaar
London- United Kindom
Faafin:
SomaliTalk.com | July 21, 2005
Ugaaski 11aad ee
Beesha Cayr oo La Caleema Saaray
»Caleemasaarka
oo lagu qabtay magaalada Guriceel...
»Xisbiga
S.Y.U.P oo Warsaxaafadeed kasoo saaray Qaahira
Wararka oo dhan ka
akhri halkan.... Guji.. July 21
Dhakhtar Muslim ah oo Dhalo Coca-Cola ah ka Helay Alcohol
"228
Gabdhood oo Lagu Kufsaday Gobolada Jubbooyinka - 1dii Janaayo ilaa 8dii July"
Sidaas waxaa shaaca ka qaaday hay'adda Xuquuqda
aadamiga u dooda ee Faanoole, taas oo intaas ku dartay in sannadkan Jubbooyinka
lagu diley ugu yaraan 64 qof ayadoo...
Guji...
|