Daabaco Boggan | Print

Filimada anshaxa xun, ruugidda Qaadka iyo isticmaalka Daroogadu Saamayn intee le'eg Bay ku Leeyihiin Faafidda Cudurka AIDSKA ee Soomaaliya.. Guji...   XAMAR DAAWO DACALLADA.. SAWIRRO Fadeexada Paltalkga: iyo Dulmiga Walaasha Muslimada ah....... GUJI.... Qaabka Loo Qoro Wararka, Faalooyinka iyo Ra'yiga

• Baaqa oo kuqoran PDF | Baaqa oo ku qoran .DOC

BAAQ NABADEED Kasoo Baxay Culimaa'uddiinka dalka Mareykanka oo ku wajahan beelaha ku dagaalamaya Killilka 5aad.

xasanjaamici@yahoo.com      (612) 242-3273
burdhinle@yahoo.com           (612) 360-3182
shabraahin@yahoo.com        (612) 558-5389

July 19, 2005

Shir balaraan oo aay isugu yimaadeen culimaauddiinka Soomaaliyeed ee ku nool dalka Mareeykanka ayaa lagu lafa gurey xaalada dagaalada ka soo cusboonaaday deegaanada killilka 5aad ee u dhaxeeya beelaha, Soomaaliyeed ee walaalaha ah ee carigaas wada daga.

“Anagoo ah culimaa'udiinka Soomaaliyeed ee deggen dalka Mareykanka waxaan baaq nabadeed usoo jeedinaynaa dhammaan shacabka Soomaaliyeed meel kasta ay joogaanba.  Waxaan shacabka soomaaliyeed ugu baaqeynaa inay ka shaqeeyaan nabadeynta Soomaaliya iyo ka hortagga colaadda si loo soo celiyo walaalnimada iyo midnimada shacabka soomaaliyeed oo mudaba maqneyd.  Waxaan halkaa baaq nabadeed gaar ah u jeedinaynaa walaalaha soomaaliyeed ee maalmihii ugu dambeeyay ku dagaalamayay deegaanada kellinka 5aad waxaan usoo jeedinaynaa labada beelood ee walaalaha ah in dagaalka ay si dhaqso ah u joojiyaan oo ay wada hadal ka yeeshaan waxyaabaha ay kala tirsanayaan, waxaan kaloo u sheegaynaa in dagaalku uu adduun iyo aakhiroba khasaare yahay, dad kudhinta mooyee aysan cidi ku dhalan.

Anagoo ah, Culimaa'udiinka waxaan aad uga xunahay dhiiga ku daadanaya (sida sharci darada iyo micno darada ah ee aan waafaqsanayn shareecadeena suuban), sidaa darteed waxaan ku baaqaynaa in qof dhintay uusan soo noqonayn ee labadbaadiyo dadka haatan nool, beelaha dagaalamayana ay aqbalaan baaq nabadeedkaan, wixii khilaafad ahna lagu xaliyo nabad iyo wada xaajood.

Waxaan sidoo kale ugu baaqeynaa dhammaan shacabka Soomaaliyeed inay Ilaahay ka cabsadaan xusuustaan walaaltinimada Islaamka ee ka dhaxaysa, gacanna ka geystaan hirgalinta nabadda iyo ka hortagga colaadaha dhexmaraya ummadda walaalaha ah.

SI GAAR AH, WAXAAN  U  SOO  JEEDINEYNAA  TALLAABOOYINKAAN  IN DEGDEG  LABADA  BEELOOD  U  FULIYAAN:

1. In si shuruud la'aan ah loo joojiyo dagaalada soconaya.

2. In la furo wada xaajood si loo xaliyo khilaafaadka jira. 

3. In wadada la qaadayaa noqoto 'Shareecada Islaamka';  si deg deg loogu taago tiirarka nabadda loona hakiyo colaadda.

4. In dhaqso loo joojiyo hurinta iyo taakulaynta dhiilada colaadda. Lana ogaado lacagta lagu bixinayo hurinta dagaalku iney tahay midaan waafaqsaneyn shareecada Islaamka. Ciddii bixisana uu Ilaahey aakhiro kula xisaabtamayo.

5. In sidoo kale, dhaqso loo joojiyo dilka xaq darrada ah, lana ogaado dembiga weyn ay leedahay, Ilaahay Subxaanahu Watacaalaa Wuxuu ku yiri Aaayad Qur’aan ah oo loo tarjumi karo:

6. In waxgaradka labada beelood ee deggen Mareykanka iyo dhinacyada adduunka, ay u diraan guddi nabad raadin goobaha shidada colaadu ka aloosantahay si  loogu caqli celiyo walaalaha is-maan dhaafay oo is-dilaya.

7. Culimada iyo cuqaasha waxgaradka beelaha kale ee deriska la ah oo deggen Killilka 5aad: waxaan ka codsaneynaa inay abuuraan guddi nabad-raadineed oo walaalaha kala dhexgala.

8. Waxaan ka codsaneynaa dawladda dhexe ee Ethiopia iyo maamulka Killilka 5aad inay si deg-deg ah wax uga qabtaan joojinta dagaalkaas iyo nabadeynta labada beelood.

WAXAA  BAAQAAN  NABADEED  DIRAYA:- 

1. Sh. Xasan Cali Maxamud  (Jaamici) Imam St\Paul Minnesota
2. Sh. Cabdiraxmaan Sh. Cumar Axmad-Imam Minneapolis, Minnesota
3. Sh. Cabdiraxmaan-Shariif Muxammad Ibraahiim-Imam Minneapolis, Minnesota
4. Sh. Axmad-Taajir Sh. Cumar-Imam Minneapolis, Minnesota
5. Sh. Ibraahim Sh. Muxammad-Imam Washington-Seattle
6. Sh. Axmad Muxammad Buraale-Imam Minneapolis, Minnesota
7. Sh. Cabduraxmaan Maxamad Cumar-Haaguf-Imam Minneapolis, Minnesota
8. Sh. Maxamad Sh. Rashiid-Imam Mankato, Minnesota
9. Sh. Sacad Muuse-Imam Minneapolis, Minnesota
10. Sh. Cabdulqaadir Macallim Xuseen
11. Xaaji Abuubakar Sh. Axmad Xaydar
12. Sh. Axmad Nuur Shiikh Cabdi Foollo
13. Shariif Cabdulcaziiz Sayid Axmad-Imam Minneapolis, Minnesota
14. Sh. Muxammad Sh. Xasan
15. Sh. Cabdullaahi Sh. Xuseen
16. Sh. Xasan Cabdullahi Xuseen
17. Sh. Cabduraxmaan Mucallim
18. Maxamuud Shaafi Cali
19. Sh. Siidoow Cabdi Shariif Muxammad-Imam Minneapolis, Minnesota
20. Sh. Cabdifattaax Sh. Cali Bashiir
21. Sh. Cabdiraxmaan Sh. Ibraahiim Muxammad
22. Sh. Cabdi-Nuur Axmad Cabdille
23. Sh. Cabdifattaax Mursal
24. Sh. Axmad Mucallim Dayyib-Imam Minneapolis, Minnesota
25. Mustafa Muxamad Ibraahim
26. Sh. Shaafi Xuseen
27. Sh. Cabdullahi Cabdi Maxamuud (Maalinguur) -Imam Minneapolis, Minnesota
28. Cabdisamad Xuseen CabdiNaasir
29. Shariif-Maxamuud Shariif-Cali-Imam Minneapolis, Minnesota
30. Sh. Muxamad Cabdullaahi Muxammad-Imam Virginia-Richmond
31. Sh. Cabdisalaam Shariif-Cali Aadam-Imam Minneapolis, Minnesota
32. Sh. Muxammad Xanafi Maxamuud
33. Sh. Cabdiraxmaan Sh. Ismaaciil (Abuu Turaab) -Imam Minneapolis, Minnesota
34. Sh. Muxamad Khadar—Imaam- California-San Diego
35. Sh. Cabdirazak Xaashi—Imaam- Boston
36. Sh. Cabdishakuur Ibraahim—Imaam- Nashville
37. Sh. Aadam sh. Cabdullaahi Imaam-Ohio
38. Sh. Cabdinuur Xasan -Imam Portaland-Maine
39. Sh. Muuse Cumar axmad -Imam Ohio-Columbus
40. Shariif-Haashim Shariif-Cabdinaasir-Imam Fargo, North Dakota
41. Sh. Cumar-Faqiih Sh. Xasan-Cadde Fiqi Imaam-Minnesota     

Guud ahaan waxaan umadda Soomaaliyeed Ilaahay uga baryeynaa inuu ka dhigo kuwii nabad ku wada noolaada, kuna dhaqma shareecada Islaamka, weyneeyana walaaltinimada Islaamka.  

Baaqa oo kuqoran PDF | Baaqa oo ku qoran .DOC

Baaqan waxaa lagala xiriiri karaa:
xasanjaamici@yahoo.com      (612) 242-3273
burdhinle@yahoo.com           (612) 360-3182
shabraahin@yahoo.com        (612) 558-5389

Faafin: SomaliTalk.com | July 22, 2005

BAARID | SEARCH