July 17, 2005

Dadweyne aad u farro badan oo tartankan si xamaasadeysan garoonka u camiray ayaa wejiyadooda ka muuqatay farxad kuwaaso dhamaantoood muujinayey taageerada ay hayaan kooxda magacooda ku ciyaareysa ee Al Hijra UK.

Tartanka Ciyaaraha Kubada Cagta 7aad Ee Uro-Som Oo Si Habsami Ah Uga Furmay Magaalada London

“Kooxaha Norway iyo Birimingham oo goolal farro badan dhabarka lo saaray”

Maanta waxaa magaalada London ee dalkan Ingiriiska si habsami ah uga furmay tartanka ciyaaraha kubada cagta 7aad ee Euro-Som. Xafladdii furitaanka tartankan oo ahaa mid si heer sare looga soo shaqeeyey, ayaa waxaa halkaasi ka hadlay wasiirka dhaqanka ee dalkan Ingiriiska David Lammy, isagoo aad ugu faraxsan ciyaarahan lugu martiqaaday “waxaan ugu faraxsanahay inaan ka qeygalo ciyaar ay abaabuleen dad madow ah, gaar ahaan dad Soomaaliyeed mana aheyn wax aan riyo xitaa ku filanayey si weyn beyna ii farxadgelineysaa anigoo ah nin madow” ayuu yiri mr David oo muujinayey sida ugu faraxsan yahay isagoo ah wasiir madow ah inuu ka qeybgalo tartan noocan oo kale ah. Markaa kadib waxaa mikroofanka lugu wareejiyey aabaha ciyaaraha Soomaaliyeed Nuur Jeenyo oo isagu hdalo dhiiragelin ah u soo jeediyey dhalinyaraddii Soomaaliyeed ee tartanka ka qeybgaleysay. Wuxuuna sheegay in haddii ay da daalkooda sii wadaan ay berito noqonayaan kuwa bad baadiya ciyaaraha Soomaaliyeed gaar ahaan kubada cagta oo uu sheegay in loo baahan yahay jiil qibrad leh oo qaranka wax tara.

Axmed Nuur Maxamed Xaashi, (Seyga Ruusha) ayaa isagana hadalo kale oo dhiiragelin ah u jeediyey dhalinyaraddii ka qeybgalayeysa tartankan, kuwaasoo u sheegay iney yihiin kuwii berito loogu fadhiyey iney wax ka badalaan ciyaaraha gaar ahaan kubada cagta oo aan ku tilowsan hormar la taaban karro.

Dhanka suugaanta waxaa maanta marti ku ahaa tartanka fanaankii reer London ee C/xakiin Geedi Faraye iyo Biyoonde oo labaduba maanta si weyn u maqsuudiyey dhamaan intii ciyaarahan u soo daawasho tagtay.

Markey dhamaatay xafladii furitaanka tartanka ayaa maanta waxaa wada ciyaray kooxaha Holand iyo kooxda Birmingham ee dalkan Ingiriiska oo iyadu guul darro aad u weyn maanta kala hoyatay kadib markii looga adkaaday 4-2. Ciyaartan oo aheyd mid aad u xiiso badan dadweynihii ka soo qeybgalay aad u maqsuudisay ayuu macalinka kooxda Birming Khaalid Ibraahim sheegay in aad uga xun yahay guul darrada kooxdiisa soo wajahday wuxuuna ku tilmaamay ineysan kuwo xagga farsamada ah balse sheegay in nasiibka ka hiilayey.

Ciyaarta labaad ee tartanka waxaa isku arkay kooxaha Norway iyo Waaberi oo ka tirsan London ee dalkan labada kooxood oo soo bandhigay ciyaar aad u heer sareysa, hadana wax maanta kooxda Waaberi oo ay ka dhex muuqdeen dhalinyarro qibradooda ciyaareed sareyso ayaa shabaqa kooxda Norway ku hubsaday afar gool oo aad u qurux badan, halka kooxda Norway ay dhalisay hal gool oo qura. Intii ay socotay ciyaartan ayaa mid kamid ah laacibtiinta kooxda Norway la siiyey kaar gaduudan kadib markuu ku dhaqaaqay fal anshax xumo ah. Sidaasna niyad jab ku abuurtay kooxda oo awalba la rafaneysay guulasha tiradda badan ee lugu raray.

Maalinta berito ayaa haddii Alla idmo waxaa lugu wadaa iney ciyaaraan afar kooxood, kuwaasoo kala ah Gothenburg- Sweden, Kanava Filand, Alhijra- Uk iyo Liecester.

Ugu dambeyntii gudoomiyaha Euro-Som mudane Maxamed Diini oo aad ugu faraxsanahay sida quruxda badan ee reer London tartankan u martigeliyeen ayaa dhalinyarada ciyaareysay u sheegay in yihiin kuwa laga rabo iney isbadal weyn sameeyaan ogaadana iney yihiin buu yiri kuwa u maqan qaranka Soomaaliyeed ee maanta meel halis ah ku jira.

Ikraam Cali-kaar
London- Uk
ikraam@journalist.com

Isku Aadka Cayaaraha Eurosom 2005: Eeg halkan (PDF) ama Eeg halkan (.DOC)