C/casiis xildhibaan
“Waxaa naxdin nagu noqotay dilkii naxariisdarrada
ahaa ee lala beegsaday naxariistii Janno AllAh Ha
siiyee marxuum C/qaadir Yaxye Sh. Cali Cibaar
Xoghayaha Dhaqdhaqaaqa
Nabadda Soomaaliyeed C/casiis Cali Ibraahim (Xildhibaan)
ayaa war uu ka soo saaray dilkii loo geystay
agaasimihii hay’adda CRD C/qaadir Yaxye ku sheegay
in geeridaasi ay aheyd mid naxdin leh.
“Waxaa naxdin nagu
noqotay dilkii naxariisdarrada ahaa ee lala
beegsaday naxariistii Janno AllAHA siiyee marxuum C/qaadir
Yaxye Sh. Cali Cibaar oo dabley hubeysani ku
toogteen gurigiisa oo ku yaala Muqdisho, waxaan
hubnaa in dadka Soomaaliyeed ay waayeen xubin muhiim
ah oo waqti badan ku lumiyey nabadeynta Soomaaliya
si ay dadkiisa uga baxaan silica iyo darxumada ay
horseedka ugu noqdeen kuwa mas'uulka ka ah dilalka
aan loo meel dayin ee lala beegsaday shacbiga
Soomaaliyeed” ayuu lagu yiri qoraal uu ku saxiixnaa
C/casiis Xildhibaan oo ah xoghayaha dhaqaaqa nabadda
Soomaaliyeed, wuxuuna qoraalkiisa ku soo jeediyey
Xildhibaan in daba-gal & raad raac lagu sameeyo
dhagar-qabayaashii geystay dilka Marxuumka, lana hor
keeno maxkamad.
“Dilal-ka abaabulan
ee lala beegsanayo saraakiisha & aqoonyahanada
Soomaaliyeed waxaa fulinaya kuwa mas'uulka ka ah sii
socoshada dhibaatada aan xuduudaha laheyn ee
Soomaaliya, sidaas darteed waxaan shacbiga
Soomaaliyeed kula dardaarmeynaa haddii aysan ka hor
tegin falalka ay dhici doonto in meeshaba laga waayo
kuwa ka damqada falalka naxariisdarrada ah ee weli
ka sii soconaya magalaada Muqdisho” ayuu yiri C/casiis
Xildhibaan
“Waxaan shacbiga
Soomaaliyeed weydiineynaa halka ay doonayaan in ay
ku furaan hayaanka ay ku jiraan, mar haddii ay
maalin walba waayayaan xubno qaali ah sida
saraakiishii iyo aqoonyahannadii lagu dilay dalka
Soomaaliya, gaar ahaan magaalada Muqdisho, sow
nasiibdarro ma aha in wax la iska sii weysiin waayo,
sharcigana la hor keeni waayo kuwii ka dambeeyay
dilalkii loo geystay mas'uuliyiintan ay ka mid
ahaayeen Jen. Max’ed Cabdi, S/Guuto Yuusuf Max’ed
Sarinle, M. Warsame Cilmi (Majaweyne), C/qaadir
Yaxye & kuwa kale oo fara badan” ayuu yiri
Xildhibaan oo muujiyey sida uu uga xun yahay
dareenka shacabka Soomaaliyeed gaar ahaan kuwa
Muqdisho oo u muuqda in ay iska indha-saabeen sidii
ay xumaha isaga suulin lahaayeen.
Xoghayaha Guud
C/casiis Cali Ibrahim "Xildhiban"
xildhiban@hotmail.com