Daabaco Boggan | Print

Waraysi: Taliyaha Ciidanka Booliska Soomaaliya, Gen. Cali Madoobe

cabdi qadar nuur maxamed filipiin
cabdiqadar84@hotmail.com
Kismaayo, Soomaaliya

Waraysi dhinacyo badan taabanayo oo ay maanta shabakada warbaahinta SomaliTalk  la yeelatay taliyaha ciidanka boliska somaliyeed jeneral cali madoobe ayadoo uu waraysigan kaga hadalayo socdaalkisii uu ku yimid gobolkan jubbada hoose iyo ilaa iyo haatan waxa u qabsoomay ayadoo la filayo in uu jeneralku uu u anba baxi gobolo kala oo dalka sida gobolka Gedo, jubbada dhexe, waxa uuna  waraysigii u dhacay sidatan . 

Gen. Cali Madoobe & C/Qadar Nuur

SomaliTalk: Mudane ku soo dhawoow shabakada warbaahinta ee SomaliTalk

Cali madoobe: Waan dhawahay adeer waadna mahadstahay 

SomaliTalk: Ugu horayn jenerale waxaad u timid gobolkan in aad daraasaad ku samaynayso islamarkaana aad diiwaan galinayso ciidankii booliska Soomaliyeed marka waxaad inooga warbixisaa waxa kuu suuroobay daraasaadkii aad ka waday gobolkan gaar ahaan magaalada kismaayo . 

Cali madoobe: Runtii Ilaahay ayaa mahad iska leh, howshii aan halkaan u inimidna wax badan ayaa nooga hagaagay, waxaan ugu mahad celinaynaa maamulka gobolkan oo runtii gacan weyn ka gayestay gaar ahaan wasiirka dib u dhiska iyo dib u dajinta dowlada FRKM ah ee soomaliyeed mudane Barre Aadan Shire "Barre Hiiraale" iyo dadka deegaanka sidii fiicnayd ee ay inoola shaqeeyeen howshii aan u nimidna si qurux badan ayayna runtii inoogu dhamaatay. 

SomaliTalk :Jenerale waxaad socdaalo ku tagtay meelo badan ama xeryo badan  oo muhiim u ah ciidankii booliska soomaliyeed marka laga reebo in aad soo indho indhayseen maxaa qorshe ah oo aad ugu tala gasheen in aad ka qabataan . 

Cali madoobe: Waxaan usoo indho indhaynaynay waxa ay ahayed sidii waxa looga qaban lahaa ayadoo ay isku kaashanayaan maamulka degmada ka jira iyo cidii kale oo gacan naga siinkarta ama muxuu ahaa wax ka qaban karta oo aan la kaashan karno waana rajaynaynaa in dhawaan wax nagala qabto sida wasiirka dib u dhiska iyo dib u dajinta uu inaga balan qaaday iyo mas'uuliyiin kale oo ka tirsan deegaankan anaguna aan u hawl galno sida ugu dhaqsiiyaha badan . 

SomaliTalk: Mudane jeneraale socdaalkaaga aad maanta kaga anba baxayso magaalada kismayao teer iyo xageebu soconayaa oo idiin qorshaysan . 

Cali madoobe: Saan marar badanba ku celceliyay anagu waxa uu socdaalkeenu ahaa in aan daraasad iyo dib u howl galin ku samayno ciidanka booliska soomaliyeed ee ku kala firirsan daafaha soomaaliya gobolada qaarkood baana maraynaa hada wixii ka danbeeyana  socodkii baa inoo bilowday waxaana maraynaa degmooyin ka tirsan Jubbada hoose, jubbada dhexe, Gedo ilaa iyo haday ii suurowdo waxaan rabaa in aan gaaro gobolo kale oo fara badan . 

SomaliTalk: Mudane maku jirtaan qorshahaaga in aad ku hakato gobolka jaarka la ah gobolka aad ka anba baxayso ee Jubbada dhexe. 

Cali madoobe: Haa adeer haa hadii ay ii suurowdo uu ilahay idmo saan kugu sheegayba waxaan soo mari doonaa oo aan socdaalo indho indhayn ah ku tagi doonaa gobolada aan kuu soo sheegay intooda uu waqtigu ii saabxo. 

SomaliTalk : Watahay, kadib marka aad jenerale soo gabagabayso socdaaladaadan aad ku marayso gobolada dalka qaarkood muxuu yahay qorshaha booliska ee ay dowlada ugu tala gashay in ay  ka fuliso deegaanadaas . 

Cali madoobe: Qorshaha dowladu waa mid iska cad waa midka aan hada ka shanqarinayay waa in ciidanka booliska soomaaliyeed dib loo howl galiyo, waa in loo helo qorshahii uu ku howl gali lahaa sida ugu haboon dee ayadiina  daraasad lagu sameeyo qorshahii lagu howl galin lahana la diyaariyo ayadaana hada mashquul kunahay sidii loo diyaarin lahaa ama gobolada waan wada tageynaa ama  kuwa aan tagnay baan waxaan ka dhiganaynaa noocii ama sidii looga howl gali lahaa ayaan u diyaarinayaa haduu ilahay yiraahdo .

SomaliTalk :Jenerale waxaad ogtahay oo aad la socotaa in  uu burbur waqti dheer ah uu ku dhacay dhamaan ciidankii iyo waxyahii kala duwanaa ee dowlada gaar ahaan kuwii booliska ayadoo ay jirto in ay qaarkood ku naafobeen dagaaladii  qaarkoodana ay ku dhinteen qaar kala ayku bara kaceen marka intee la egtahay tirade aad isleedahay way howl gali karaanba iminka oo booliskii hore ee soomaaliya ah . 

Cali madoobe: Walaahi su'aasha aad sheegayso ama arinta aad sheegayso waa wax jira waliba qaarbaa hadeer howl gab gaaray intaa markaan ka tango da' ahaan waxana  su'aashaas ka jawaabi karaa marka aan daraasada dhamaysano tirooyinka hada howl gali kara iyo inta diyaarsan la ogaado ayaan ka jawaabi karaa su'aashaas lakiin hada ma aan garan karo maxaa yeelay dalkiina ma aynaan wada tagin intii aan tagnayna kama qaadan karo qiyaasta dhabta ah . 

SomaliTalk: Mudane socdaalka aad maanta kaga anba baxayso magaalada kismayao waxaa kugu weheyliya qaar ka mid ah xildhibaanada dowlada FRMG marka ma wada socon doontaan inta aad soo gabagabaynayo howlahaagan daraasaadka ah mise ayagu meel kale ay ku sii jeedaan . 

Cali mdoobe: Maya adeer ragan xildhibaanada ah ee aan maanta israacayno waa kuwo aan isku lugdarsanay oo kaliya ee ayagu socdaalo kale ayay ku aadayaan gobolo kale ee dalka anigana socdaalkaygu waa gooni . 

SomaliTalk: Waatahay kaasi waxa uu ahaa taliyaha cidanka booliska soomaaliyeed jeneraal cali maxamed xasan  looyaan cali madoobe oo u waramayay shabkada warbaahinta ee SomaliTalk .

SomaliTalk: Waad mahadsanthay mudane  

Cali madoobe: Adinka ayaa mudan  

cabdi qadar nuur maxamed filipiin
cabdiqadar84@hotmail.com
Kismaayo, Soomaaliya

Faafin: SomaliTalk.com | July 12, 2005

Baaq kasoo Baxay Xarrunta Suldaan Hurre
Guluf Colaadeed Laguma Khayro.. Guji... July 11

"228 Gabdhood oo Lagu Kufsaday Gobolada Jubbooyinka - 1dii Janaayo ilaa 8dii July"
Sidaas waxaa shaaca ka qaaday hay'adda Xuquuqda aadamiga u dooda ee Faanoole, taas oo intaas ku dartay in sannadkan Jubbooyinka lagu diley ugu yaraan 64 qof ayadoo... Guji...

BAARID | SEARCH