Ciyaaraha Kubada
Cagta iyo Kubada Koleyga ee ka Socda Minnesota
Waxaa wali si xiisan badan uga
socda Gobolka Minnesota ee cariga Maraykanka Gaar ahaan
Magaalooyinka Mataanaha ah ee Minneapolis iyo St. Paul,
ciyaarhii Kala duwanaa ee Kubada Cagta iyo Kubada Koleyga ee
lagu maamuusayey Somali American Independence Days.
Kubada cagta oo ay ku
tartamaayeen 16 kooxood loona kala qaybshay 4 qaybood ayaa
hada waxaa ka soo baxay qayb kasta 2 kooxood oo kala ah
Twin Cities, MN,
Communality, MN, Washington, DC, Seattle, WA, Boston, MA,
Marshal, MN Portland, ME iyo Kooxda Rochester, MN.
Sidoo kale kubada koleyga oo
ay ka soo qayb galeen 12 kooxoood loona kala qaybashay min 6
kooxood ayaa wareega labaad u soo gudbeen 4 kooxood oo kale
ah: Minnesota, MN, Eden Prairie, MN, Maine, ME iyo kooxda
Kooxda Dream team, MN
Waxaa iyaduna xusid mudan in
ciyaartooydii hore ee ciyaari jiray ciyaaraha kale duwan ay
iyaguna soo gaareen Gobolka Minnesota iyagoo ka kale yimid
adunka dacaladiisa kale duwan si ay halkaas u muujiyaan
dhiiri galinta ay la garab taagan yihiin dhalinyarada kale
duwan ee ka qayb qaadanaysa tartamadaas.
Waxaa kale oo Governorka iyo
labada mayor ee Magaalooyinka St. Paul iyo Minneapolis ay si
sharci ah u aqoonsadeen Somali National Week ama Somali
American Independence days.
Waxaa si doo kale soo
dhaweeyey dadaalkan geesinimada leh ay muujiyeen
ciyaartooydii hore ee soomaaliyeed ee ayagu qabanqaabiyey
suurtana geliyey in ay qabsoomaan Ciyaarahan, dhamaan
ganacsatada soomaaliyeed ee Gobolkan Minnesota oo uu ugu
horeeyo ganacsadaha weyn ee Urufey ee iska leh Via Roma
Fashion, dadweynaha iyo Waalidiinta soomaaliyeed ee Gobolka
Minnesota. Waxayna ku booriyeen in uu noqdo mid joogta ah ee
sanad walba laqabto.
Qore:-abdulkadir Hashi
(Dalmar)
Email:
dalmar3030@yahoo.com
Waxa soo tebiyey:
Faisal A
Mohamud
Email: fderi@yahoo.com
Faafin: SomaliTalk.com | July
6, 2005
| 
Daabaco
Boggan | Print
