Daabaco Boggan | Print

• Beesha Mareexaan oo kalsoonidii  kala laabatay dowladda federaalka
• Eedeyn loo jeediyay  C/llaahi Yuusuf, Cali Max’ed Geedi iyo Xuseen Caydiid..
• Kulan ay isugu yimaadeen Xuseen Caydiid, Qanyare, Muuse Suudi, Xaaf iyo Ilqayte
• Wargeys Cusub oo Ciyaaraha oo Laga Furay Hargeysa

Beesha Mareexaan oo kalsoonidii  kala laabatay dowladda federaalka

“Duunyo dadbaa ilaaliya, doqonna dadkiisaa ilaaliya”

• W/D Amiin Yuusuf Khasaaro | Muqdisho

            Kulan ay Shalay Magaalada Nairobi ku yeesheen waxgarad, odoyaal, siyaasiyiin, iyo slaadiin ayaa waxaa si aad ah looga hadlay xariga siyaasiga lagu magacaabo Jaamac Aadan Dheere oo dhawaan xabsiga uu u taxaabay gudoomiyaha Gobolka Sh/dhexe Max’ed Cumar Xabeeb (Max’ed Dheere) waxayna sheegeen waxgaradkaasi in ay kalsoonidii kala laabteen dowladda federaalka iyo waliba aqoonsigii dowladnimo kaddib markii mas’uuliyiinta sare ee dowladda ay wax ka qaban waayeen xariga loo gaystay Jaamac Aadan Dheere.

            Waxay sheegeen in Dowladda Federaalka ay noqotay mid dhibaateynaysa bulshada Soomaaliyeed waxayna ka talaabsadeen waxyaabihii lagu soo doortay in ay si caddaalad ah ugu adeegaan bulshada Soomaaliyeed, “Jowhar waxaa degan dad qabiili ah iyagoo gacan ka helaya xubno ka tirsan SRRC waxayna isku bahaysteen jahwareerka ummadda Soomaaliyeed” ayay qaar ka mid ah xubnihii ka qaybgalay kulankaasi sheegeen, waxayna intaasi sii raaceen “Beesha Mudulood meel hadday ku xoog badan tahay meel baa looga xoog badan yahay” waxayna ka dalbadeen waxgaradka beesha Mudulood in si shuruud la’aan ah loo sii daayo Jaamac Aadan Dheere, waayo ayay yiraahdeen “Duunyo dadbaa ilaaliya, doqonna dadkiisaa ilaaliya,  ee Max’ed Dheere waxa uu wax ku dhibaateenayo waa magac beeleed”.

            Ugaas Ma’xed Weli, afhayeenka beesha Daarood, ayaa wuxuu cambaareeyay xariga Jaamac Aadan Dheere, waxa uuna ku tilmaamay mid xaq daro ah “Soomaaliya waa qabaa’il mana lahan illaa iyo hadda dowlad dhexe oo mas’uul ka ah ummadda, qabiilna qabiil mas’uul kama noqon karo umana dowladeyn karo” ayuu yiri Ugaas Max’ed Weli, waxa uuna ka codsaday beesha Abgaal in ay gacan ka gaystaan siideyn Jaamac Aadan Dheere.

Eedeyn loo jeediyay  C/llaahi Yuusuf, Cali Max’ed Geedi iyo Xuseen Caydiid..

            Shir jaraa’id oo ay saakay xarunta gobolka Banaadir ku qabteen Ibraahim Cumar Sabriye (Shaaweeye) iyo C/llaahi Xasan Ganey (Firinbi) oo sheegay in ay kala yihiin Duqa Magaalada iyo gudoomiyaha gobolka ayaa waxay eedeyn kulul ugu jeediyeen Madaxweyne C/llaahi Yuusuf Axmed, Ra’isul wasaare Cali Max’ed Geedi iyo wasiirka arrimaha gudaha Xuseen Caydiid, waxayna sheegeen in jahweerar ku rideen arrimihii gobolka Banaadir kaddib markii gudoomiyaasha 16-ka degmo ee gobolka Banaadir ay kala aadaan subax walba Hotel Ramadaan iyo xarunta gobolka Banaadir taas oo ay sheegeen in ay wiiqeyso arrimaha gobolka Banaadir.

            “Waxaan u soo jeedineynaa mas’uuliyiintaas in ay dib ugu laabtaan shuruucdii lagu soo dhistay Magaalada Nairobi ayay yiraahdeen Shaweeye iyo Firinbi oo sheegay in ay kalsoonida kala laaban doonaan dowladda Federaalka, waxaa kalloo ay sheegeen in aysan xaq u lahayn in ay faragashadaan arrimaha gobolka Banaadir waayo haddii la doonayo in wax la dhiso waa in marka hore ka soo bilaabaan gobolada dalka, waxayna xubnahaasi shirkaa jaraa’id shalay ku soo bandhigeen Dukumintii ay saxiixeen mas’uuliyiita sare ee dowladda oo ay ku leeyihiin mas’uuliyiintii hore ee gobolka waa inay sii wadaan maamulka gobolka Banaadir.

Kulan ay isugu yimaadeen Xuseen Caydiid, Qanyare, Muuse Suudi, Xaaf iyo Ilqayte

            Kulan albaabadu u xirnaayeen ayay maanta Hotel Saxafi ku yeesheen Ra’isul wasaare ku xigeenka Dowladda Federaalka Xuseen Max’ed Caydiid, wasirika amniga qaranka Max’ed Qanyre Afrax, wasiirka ganacsiga Muuse Suudi Yalaxow iyo ganacsatada kala ah Xildhibaan Axmed Ducaale Geele (Xaaf) iyo C/rashiid Shire (Ilqayte) waxaana kulankaasi looga hadlay sidii loo dhameystiri lahaa barnaamijkii isbaaro qaadista ee gobolka Banaadir, iyadoo mas’uuliyiintaan qaarkood ay yihiin kuwa ugu badan ee isbaarooyinkoodu yaaliin Muqdisho iyo nawaaxigeeda.

            Xuseen Caydiid oo isagu doraad sheegay in aan la waqtigaan la qaadi Karin isbaarooyinka yiila Muqdisho ilaa la meeleeyo dhalinyarada halkaasi ku sugan, hase yeeshee kulankii maanta ayuu Xuseen Caydiid ka sheegay in muddo afar maalmood gudahood ah la qaadi doono isbaarooyinka haray ee yaala Magaalada Muqdisho, waxaa kalloo uu sheegay in loo baahan yahay in siyaasiyiinta Muqdisho ay ka shaqeeyaan sidii nabad loogu soo dabaali lahaa Muqdisho waxaa kalloo uu sheegay Xuseen Caydiid in uu dhex dhexaad ka yahay is haysiga u dhexeeya xubnaha dowladda ee ku kala sugan Muqdisho iyo Jowhar isagoo sheegay in uu dadaal u gali doono sidii la isugu soo dhaweyn lahaa xubnaha dowladda ee khilaafku u dhexeeyo.

W/D Amiin Yuusuf Khasaaro
E-Mail  amiinkhasaaro@hotmail.com  
Muqdisho, Soomaaliya

Wargeys Cusub oo Ciyaaraha oo Laga Furay Hargeysa

• Shiine Cilmi Kaahin | Hargeysa 

Wasiirka dhalinyarada iyo ciyaaraha Md.Maxamuud Siciid Maxamed ayaa shalay ka qayb galay xaflad loo sameeyay  wargaysa Cusub oo la yidhaahdo Olympic kaas oo wax katari doona  Horamarinta ciyaaraha Somaliland. 

Xafladaa oo lagu qabtay Hutelka  Mansoor waxa kale oo kaqayb galay xafladii furitaan ka wargaysakaasi Gudoomiyaha xidhiidhka Kubada cagta C/rashiid Caydiid Yaasiin ,Axmed Sandoon Xasan kamid ah Mudanayaasha qolaha deegaanka Hargeisa , Hassan Waraaba Cadde iyoGudoomiyaha Ururka HYDA Mr. Maxamed Culimo iyo Agaasimaha Ururka Mr. Khaalid Adan  oo  iyo marti sharaf kale. 

Wasiirka dhalinyarada iyo ciyaaraha oo halkaa hadal kajeediyay ayaa dhalinyarada soo saaraysa wargayska ku tilmaamay qaar mutadawiciin ah waxaana uu uuga mahadnaqay dadaalka ay ugaleen in ay aasaasaan war gayska khaas u ah arimaha Ciyaaraha maxaliga ah iyo kuwa caalamiga ah . 

Wasiirku waxa uu sheegay in Wargayskaasi aanu dhex gali doonin arimo la xidhiidha Siyaasada .mudane Maxamuud siciid waxa uu maamulka Wargeyskaasi ugu baaqay inay ciyaaraha dalka aad wax uuga qoraan , isgoo wasiirku daboolka ka qaaday in wixii ay dhalinyarada soo saaraysa wargayska ay diyaar utahay wasaaradu inay wax kala qabato . 

Tifaaftiraha wargaysakaasi Mr C/qaadir Cilmi (shiine-yare ) oo halkaasi ka hadlay ayaa sheegay markii ay arkeen baahida balaadhan ee loo qabo in dalku yeesho wargeys gorfeeya arimaha Ciyaaraha ay go’aansadeen in ay hirgliyaan wargeys Ciyaareed . 

Mr: shiine wuxuu xusay in wargeyskoodu uu Todaabkiiba hal mar soo bixi doono oo uu gooni u noqon doono ciyaaraha Caalamiga ah iyo kuwa dalka ,wargeyskan oo isla maalinta soo baxay  ayaa dhalinyaradda  reer hargeysa ay aad u farxeen ,wargeyskan waxa la gaadh siin doona Goboladda Somaliland oo dhan  

Shiine Cilmi Kaahin
Shiinenet@yahoo.com  
Hargeysa Somaliland  

Faafin: Aug 30, 2005

Ra'iisul wasaaraha Australia oo Ka Hor Yimid Soo Jeedintii Mamnuucida Khimaarka
John Howard ayaa ganafka ku dhuftay soo jeedintii in... Guji

Puntland oo ka Jawaabtey Hadalkii Cali Maxamed Geeddi ee Shirkadaha Shiidaalka
DGPL ayaa raali gelin degdeg ah ka dalbatay ra'iisul wasaaraha DFKMG in uu ka bixiyo hadalkii uu dhowaan ka... Guji....

Shariif Xasan Sh. Aden oo helay Fiisada dal ku Galka Mareykanka
»C/laahi Yuusuf oo beeniyey in loo diidey Fiisihii USA
»Jaamac Aadan Dheere oo lagu xiray Jawhar...
»Wakiilkii warfaafinta ee maamulka Max’ed Dheere  oo la xiray
Wararka oo dhan ka akhri halkan... Guji... Aug 29

Wasiirka Waxbarashada Australia oo Difaacey Khimarka Gabdhaha Muslimiinta
»Australia: Xildhibaano soo jeediyey in lamamnuuco Khimaarka
»Australia: Dadka soo gelaya diinta Islaamka oo aad u kordhay
»Kenya: Muran weyn oo ka taagan Dastuurka Cusub...
»Tirakoob: Muslimiinta Adduunka oo gaarey 1.6 billion....
Wararka oo dhan ka akhri halkan... Guji.. Aug 29

Heshiiska shirkada Australia iyo Puntland waa "Sharci darro, aan la aqabali karin"
Sidaa waxaa yiri Cali Maxamed Geedi, asagoo si kulul uga hor yimid in wax heshiis ah ay shirkado shisheeye la.. Guji...

»» Xaflad Lagu Soo Bandhigay Buugga "Xasuus Qor" oo Lagu Qabtay Minneapolis...

Ra'iisulwasaare Geeddi oo u Guuri doono Muqdisho Bisha Septembar
»Geeddi: Waxaan la kulmi doonaa Wasiirada mucaaradka
»Qahira: Xisbiga SYUP oo soo saaray warsaxaafadeed
Warka oo dhan ka akhri halkan.... Guji... Aug 28

Maxamed Qanyare Afrax Waa Masiibo Na Loo Soo Diray.. GUJI..

Sh. Aways: "arrimihii Argagixisada waxay noqdeen Arrimo ganacsi iyo mid siyaasadeed"
»Muqdisho: Kulankii Baarlamaanka FKMG oo markale baaqday
»Wasiir: Sucuudiga waxaan iska kaashaneynaa Argagxisada
»Saddex qof oo u dhimatay saddex kun oo shillin Somaali ah
»"Eng. Muunye waxa uu bedalay 5 markab Magacyadooda"
»Sanad guuradii 3aad: Mu’asasada Banaadir ee tacliinta sare
»Kismaayo: Saxaafada Jubada hoose kama tirsana tan Xamar
Wararka oo dhan ka akhri halkan... Guji... Aug 27

19-jir Soomaali ah oo Lagu Toogtey Minnesota
USA: Wiilka Soomaaliyeed waxaa la toogtey asagoo dhex fadhiya gaari taagan meel gaaska laga qaato oo... Guji... Aug 26

"Dalkaygu Waa Ubucda Argagaxisada" Sidaas waxaa yiri Wasiirka Arimaha Dibada DFKMG
»Madaxweyne C/Laahi Yuusuf oo ku soo laabtay Jawhar...
»Haya'd ka dayrisay Xaalada Soomaaliya (Caafimaad, Ammaan
»Q/Midoobey oo Weli Wada Dhexdhexaadinta Soomaalida
»Wasiir Soomaaliyeed oo Soomaaliya ku eedeeyey Argagixiso
Wararka oo dhan ka akhri halkan... Guji... Aug 26

»Muqdisho: Wiilashii wiilal baas baa ka hadhe’eey! | Kayse
»Filimka, Feerar iyo Dagaal maku Jiraan | C/Waaxid
»NABADI WAA NOLOL | Faallo & Maanso | Nabaddoon
»“Suxufi qiiradeesan iyo qormooyin qeyrumasuulah”  | Farxaan-ceynte
»Kornayl Cabdullahi Yusuf Axmed iyo Doontii Caddaalad Darrada
»Dhanbaal Khuseeya Waxgaradka Beesha Madaxweynaha | Bashir
»JSL : Saxalkii Baxyoo Samaatay !! | Ducaale
»Ciidanka Somaliland noqon maayo sidii ciidamadii la jebiyey | Q.3aad
»Ficilada Jaahilnimada Soomaalida samayso | Maxamed Maxamuud
»Maxamed Qanyare Afrax Waa Masiibo Na Loo Soo Diray | Axmed
»Ma Ogtahay ::::: | Qormadii Zahra Abdi

BAARID | SEARCH