Xaflad
Shahaado Master oo ka dhacday Qaahira
SomaliTalk.com | Qaahira
Waxaa magaalada Qaahira ka
dhacday, xaflad si heer sare ah loo soo agaasimay oo ay
kasoo qayb galeen Aqoon-yahanada, Ardayda, iyo qaybo ka mid
ah jaalliyadda Soomaalida ee Masar ku nool iyo Marti sharaf
kale oo fara badan.
Xafladaas ayaa waxaa looga
doodayay buuga master ah. Oo uu qoray C/Nuur Faarax Cali (Taano)
oo wax ku barta magaalda Qaahira. Wuxuu darajada Master-ka
ka qaadanayey Jaamacada AMERICAN OPEN UNIVERSITY, Laanteeda
Qaahira, Kulliyada shareecada Islaamka, qaybta dhaqaalaha
islaamka.
Qoraaga (C/Nuur Faarax Cali) o o soo gudbinaya Thesiska (buuga
qalin jebinta)
Waxaa qiimaynta buuga iyo doodda
ka qayb qaatay sadex Profisor oo macallimiin ka ah
jaamacadda Al-Azhar ee dalka Masar, kuwaasoo kala ahaa:
Prof. Diyaab Saliim Maxamed oo
ah madaxa qaybta Usuulul Fiqiga ee Kuliyadda Shareecada iyo
qaanuunka, oo asagu ahaa Mushrifkii Risaalada
Prof. Maxamed C/Sataar Al-jibaali
oo ah madaxa qaybta Fiqiga ee Kulliyadda shareecada iyo
qaanuunka.
Prof. C/Mudalib C/risaaq
Xamdaan oo ah Pofisor wax ka dhiga kuliyadda Shareecada iyo
Qanuunka ee Azhar.
Saddexda Profesor ee dood ka qayb qaatay
Profisoorada ayaa aad ugu
bogaadiyay qoraaga buuga dadaalka dheer ee uu bixiyay, iyo
sida cilmiyaysan ee uu usoo diyaariyay Risaalada ( Buug uu
ku qaatay Master-ka)
Dooda buuga ayaa socotay mudo
ku dhow 3 saacadood, ugu horeyn waxaa la dhagaystay Ardayga
isagoo fikrad guud ka bixiyey buugga uu qoray uuna uga
hadlayey qaybo kamid ah heshiis-yada ganacisga, gaar-ahaan
heshiis-yada wax kala iibsiga, sidoo kale wuxuu
faah-faahinayaa dhamaan wixii dhaqanka dhaqaale ku saabsan.
Waana cilmi baaris aan laga maarmin.
Intaas kadib ayey codsadeen
gudigu inay shir gaar ah qaataan si ay go’aan uga gaaraan
qiimaynta Buugga. Muudo gaaban kadib ayaa la’isugu soo
laabtay goobtii munaaqashadu ka dhacday si loo dhagaysto
go’aanka guddiga,.
Guddigii waxay ku dhawaaqeen
go’aan-kooda ayagoo sheegay in C/Nuur Faarax Cali uu
istahilo Shahaadada Masterka isagoo ku qadanaya Darajada
Mumtaaz, oo ah darajada ugu saraysa ee lagu bixiyo
shahaadada Masterka.
Dadweynaha xaflada kasoo qayb galay:::
Waxaa goobtii oo dhan hareeyay
sacab, farax iyo damaashaad kadib markii lagu dhawaaqay
natiijadii, taasoo ka farxisay Ardaygii darajada qaatay iyo
marti sharaftii ka soo qayb-gashay oo dhan.
C/Nuur Faarax Cali wuxuu shahaadadii
Jaamacadda ku soo qaatay dalka Suuriya, isagoo kasoo
qalin-jabiyey kuliyada Sharecada ee Dimshaq, hadana wuxuu
Qaahira ka dhiganayey laba Jamacadood oo labadaba uu ka
qadanayey Shahaadada Master-ka, hada wuxuu qaatay midii
koowaad, dhawaanna waxa uu gudbin-doonaa Buugii kale ee uu
ku qaadan-lahaa Master-kiisa labaad.
Hadaanu nahay Bahda Somalitalk waxaan u
hanbalyeyneynaa C/Nuur Faarax Cali anagoo rajayna in
aqoontiisaas ay qayb ka noqon doonto kobcinta maskaxda
bulshada Soomaaliyeed.
Haddii aad jeceshahay inaad tahinayad
u dirto, waxaad ugu hagaajin-kartaa cinwaan-kiisan oo ah
cabdi2067@hotmail.com
ama
caabid22@yahoo.com
Dadweynaha ka soo qayb galay xaflada qalin jebinta
Somalitalk Qaahira.
Faafin: Aug 25, 2005
| 
Daabaco
Boggan | Print