::: SomaliTalk.com :::

Saraakiil Soomaaliyeed oo siminaar uu uga furmay Kampala.

Canab Mumtaz| Somalitalk|kampala.| Aug 22, 2005
cmmumtaz@somalitalk.com

Saraakiil Soomaaliyeed oo ka kala yimid gobolada dalka Soomaaliya ayaa maanta siminaar waxa uu uga furmay hotelka Joka's ee bartamaha magaalada kampala,siminaarkan oo socon doona 20 maalmood oo xiriir ah waxaa soo agaasintay Hay'adda Qaramada Midoobay u qaabilsan horumarinta mashaariicda ee UNDP iyo Hay'addo kale oo caalami ah sida uu iigu waramay Taliyaha ciidanka Booliiska Dowladda Soomaaliyeed Cali Maxamad Madoobe waxaana gacan xoogan ka gaysan doona bixinta tabarka Saraakiil Ugandes ah.

Cali Madoobe oo siminaarkan furay ayaa ka hadlay ujeedada ugu wayn ee siminaarkani waxa uuna sheegay in ay tahay qibrad kororsi ay dowladda Ugandha ka dalbadeen in ay siiso qaar ka mida ah saraakiisha ciidanka xooga dalka Soomaaliyeed iyo kuwa booliiskaba ee la shaqaynaya dowladda FKMG ah ee Soomaaliya kana caawinaya dhinaca tababarida dhalinyarada hubaysan si ay uga qayb qaataan iyagana Amaan Gudaha Soomaaliya.

Saraakiishan waxaa loo diri doonaa marka ay dhamaystaan tababarka ayuu yiri Cali Madoobe Gobolada dalka oo dhan,halkaas oo lagu arruurin doono dhalinyaro loo diyaarinayo askarnimo iyo in daafacaan dalkoodaa dowladdana ay wax la qabtaan waxaa kale oo intaas ku daray in ay u mahadcelinayaan dowlada uganadha iyo saraakiisha Soomaaliyeed oo laftooda huraya waqti si dhalinyarada ugu sii gudbiyaan waxii waaya aragnimo ah ee ay hayaan.

Waxaa kale oo siminaarkan furitaankiisa ka hadashay Wasiirad ku xigeenka Wasaarada Arrimaha Gudaha Drs Fahma Axmad Nur oo sheegtay baahidda ay xiligan aqoon kororsiga u qabaan saraakiisha Soomaaliyeed maadamaa ayay tiri wax walba is badaleen oo xili cusub la marayo waa in aan helnaa wadiiqo cusub oo ah tan dunida ku shaqayso si da'yarta hubka ay iskood iskaga dhigaan,waxaa kale oo ay mahad elin balaaran u jeedisay madaxweynaha dowlada Ugandha Mr musseveni.

Xubnihii kale oo ka hadlay furitaankii siminaarka oo uu ka mid ahaa Madaxa UNDP ee mashruucan tababarka Saraakiisha Soomaaliyeed ayaa sheegay in aad u farxad galinayso in ay arkaan Soomaaliya oo dadkeedu ay iskood nabad ugu soo dabaalaan faragalin la'aan,waxa uuna intaas ku daray in shacabkana la siiyo mudnaan iyagoo ugu baaqaya dowladda FKMG ah ee Soomaaliya ay Kasbato dadkeeda si aan xoog ku jirin tabarbarkana ay rajaynayaan in uu guul soo kordhin doono oo saraakiishana ay wax badan ka badalaan tababarka dhalinyarada hubaysan.

Saraakiishan oo ku labisnaa dharka lagu yaqaano saraakiisha milatariga ayaa oo qaarkood ay figarado ka dhiibanayeen sida ay siminaarkani u arkaan mar aan kala hadlay dhinacaas ayaa sheegay in ay ku qanacsan yihiin sida uu u socdo,waxyaabaha ay ka bartaana ay u celin doonan dalkooda si ay ugu gudbiyaan dhalinyaradda Soomaaliyeed oo noqon doona xooga dalka ee badali doona iyaga,waxa ayna qaarkood ii sheegeen in si qaldan shacabka soomaaliyeed looga dhaadhaciyay in saraakiishan marka ay ku laabtaan dalka ay hoog isticmaali doonaan taasna waa arrin la yaab leh ayuu yiri mid ka mid ahaa oo ii diiday in magaciisa in aan sheegno.

Laakiin siminaarkan saraakiisha Soomaliyeed ayaan ahayn wali mid lagu wada qanacsan yahay sida ay ii shegeen qaarkood,waxaa jira xubno ka mid ah dowladda iyo baarlamaanka iyo saraakiil kale oo dalka ku maqan una arka siminaarkan mid wax lagu carqaladaynayo isla markaana aan loo marin waddadii saxda ahayd maadaama hal dhinac uu ka dhex muuqo aqoon kororsigan wali.

Wasiirka dib u dhiska iyo dib u dajinta, xildhibaan barre hiiraale, oo maanta dib ugu soo laabtay magaalada kismaayo

Wasiirka dib u dhiska iyo dib u dajinta dowlada FKG ah ee somaliyeed xildhibaan barre aadan shire ayaa maanta dib ugu soo laabtay magaalada kismayo kadib markii uu safar lagu macneeyay nabadeen uu ku soo kala bixiyay deeganada ceelwaaq ee gobolka Gedo.

Xildhibaan barre oo ka anbabaxay magaalada kismaayo 27 bishii july ayaa waxaa uu safar ku tagay deegaanka ceelwaaq oo ay ka aloosnayd xiisad ka u dhaxaysay labo beelood oo halkaa wada dagga ayadoo haatan ay dagantahay xiisadii colaadeed ee halkaa ka jirtay kadib markii ay wada hadal kafool kafool ah oo ay qayb ka qaaten xubno ka tirsan dowlada iyo odayaal dhaqameed ay halkaa isku horfariisteen islamarkaana loo qabtay in deegaankaa mar labaad shir la isagu hor fariisto.

Xildhibaan barre hiiraale ayaa maanta si weyn loogu soo dhaweeyay magalada kismayao ayadoo soo dhaweyntiisa ay ka qayb qateen xubno ka tirsan dowlada FKG ah ee soomaliyeed iyo waliba xubno sar sare oo ka tirsan maamulka isbahaysiga dooxada jubba oo uu ka mid ahaa taliyha ciidnka isbahaysiga dooxada juba mr maxamed rooble jimcaale goobaale, afhayeenka isbahsiga bille cabdule cabdi, gudomiyaha degmada daahir maxamed cilmi (daahir carabey) iyo waliba masuuliyiin kale.

Soo dhawn heer sare ah kadib ayaa waxaa loo soo galbiyey xildhibaan bare gudaha magaalada kismayao ayadoo uu ka cudur daartay in uu maanta la hadlo saxaafada balse uu sheegay in uu la hadli doono saxaafada waxaana uu imaatinka bare hiiraale ku soo beegmay xili magaalada kismaayo ay ka jirto hadal haynta maraakiib dhowor ah oo lagu haysto xeebaha gobolka jubbada hoose oo ay ku afduubteen maleeshiyo hubaysan oo aan cidna ka amar qaadan ayadoo ay dhicisoobeen dadaalo dhowr ah oo ay galeen mamaulka iyo waliba odayaasha dhaqanka ee ku haybta ah maleeshiyada haysata maraakiibtaas.

Gudoomiyaha Baarlamaanka oo codsay in Hogaamiyasha Muqdisho Wada-Xaajoodka lagu so daro...

Xuseen Yaasiin Gode-Gode

August 22, 2005 2:43:22 PM

Gudoomiyaha Baarlamaanka Mudane Shariif Xasan ayaa codsay in hadii la rabo in la helo wada-xaajood dhab ah markaas loo baahan-yahay in shirka lagu soo biiriyo qaar ka mid ah Hogaamiyaasha hubeysan ee ku sugan magaalada Muqdisho.

Wakiilada Beesha caalamka ee ku sugan magaalada Neyroobi ayaa iyagu isku taxa lujiyay in ay u kala dab-qaadaan Madaxda sar-sare ee Dawlada FKMG si loo soo af-jaro khilaafaadka yar ee ku dhex jira Madaxda gar-wadeenka u-ah Dawlada.

Kulan maanta ay soo qaban-qaabiyeen Wakiilka Qaramada Midoobey u qaabilsan arimaha Soomaaliya Mudane Froncois Lonelly iyo Dawlada Kenya oo uu metelayay, Wasiirka Iskaashiga Gobolka Mudane John Arap Koeh ayaa ka socdo Hotelka uu Neyroobi ka degan yahay Gudoomiyaha Baarlamaanka Mudane Shariif,warar hordhac ah oo ka soo baxaya kulanka ayaa tibaaxaya in Mudane Shariif uu kula taliyay in hadii la rabo wada-xaajood,dhab ah markaas loo baahan yahay in shirka lagu soo biiriyo Hogaamiyaasha awooda ciidan ku leh Magaalada Muqdisho.

Dhinaca kale Madaxweynaha Soomaaliya C/laahi Yuusuf iyo Reysalwasaare Geedi ayaa lagu guuleystay in ay dib u dhigaan safarkooda, si loo dhameeyo farqiga ku dhex jira iyaga iyo Afhayeenka Baarlamaanka.

Dhinaca kale Xildhibaan Cawad Amed Casharo oo u waramayey Jariirada Standard ee ka soo baxda Wadanka Kenya, ayaa laga soo xigtay in uu dhinaciisa wado xeer-ja-jab lagu dhameynayo khilaafaadka yar ee u dhexeeyo Dawlada, Ilo lagu kalsoon yahay ayaa sheegaya in Xildhibaan Cawad uu soo bandhigi doono Qorshe u cuntami doono labada geesood.

Madaxweynaha DG Puntland oo Maanta soo caga dhigtay Garoonka Boosaaso

Waxaa duhurnimadii maanta (Aug 22) soo caga dhigtay Garoonka Bender-Qaasim oo ku yaal duleedka Magaalada Xeebta ku taal ee Boosaaso Madaxweyniha Puntland Mudane Maxamuud Muuse Xirsi iyo Wafdi uu hogaaminayo.

Wafdiga ayaa garoonka ku soo dhaweeyay dadweyne iyo Madax ka tirsan maamul Goboleedka Puntland ,oo uu hoormuud u yahay Madaxweyne-kuxigeenka Puntland iyo Xildhibaano ka tirsan Maamulka Goboleedka Puntland.

Sidoo kale soo dhaweynta waxaa ka qayb-qaatay Madax ka tirsan Dawlada Federaalka Soomaaliyeed oo maalmahan booqasho ku joogay Puntland.

Wafdiga ayaa salaan sharaf ka qaatay Ciidamada Baambeyda, ka dibna waxaa loo soo gudbiyay Xarunta Madaxtooyada ee Boosaaso. Madaxweynaha ayaa inta uu ku sugnaa Dalka Jarmalka wuxuu la kulmay Jaaliyadaha Soomaaliyeed gaar-ahaan kuwooda ka soo jeeda Puntland, wuxuuna ku dhiirigeliyey inay maalgashi ku sameeyaan dhulkooda, sidoo kale Madaxweynaha ayaa baaritaan dheer oo dhinaca caafimaadka ah ku soo maray Wadanka Jarmalka.

Xuseen Yaasiin Gode-Gode

email: godegode_6@hotmail.com

Shirka Nabdaynta Qardho

20/08/2005

Waxaa in muddo ah oo kasoo bilaabata 1986dii ilaa maanta jiray dhiigag iyo ismaan dhaaf u dhexeeyay laba beelood oo wada daga degaanka Qardho, labadaas beelood oo kala ah C/raxmaan Harti (Kaski-Qabe) & Cismaan Max�ud, waxayse gun iyo caar bixisay markii la dilay C/qani Faarax Gaacshe oo Cismaan Max�ud ahaa looguna aar guday Mursal Max�ud Nuur Galow oo Kaski-Qabe ahaa dilalkaas oo sababay in lakala ufoodo lana kala guuro.

Markii arrini saas u dhabaqday ayaa waxaa is xilqaamay Culimaa�uddiin ku qabtay magaalada Qardho kulan cilmeey diini ah, waxayna culimadu go�aansadeen inay u kala dab qaadaan labada beelood, si loo gaaro nabad waarta loogana hortago inaan dhibta jirta mid kale lagu biirin, waxaa iyaduna xusid mudan in Dawlad Goboleedka Puntland ay bari taareen waan waanta Culimadu ay u keceen.

Culimadu waxay u kicitimeen tuulada Shaxda oo 40km u jirta magaalada Qardho oo ay daganyihiin beesha C/raxmaan Harti (Kaski-Qabe) taariikhdu markay ahayd 05/08/2005tii si ay uga codsadaan beeshaas in wada hadalsiiyaan beesha kale ee ay dhibaatadu dhextiil, ilaahay mahaddi waay aqbashay beesha Kaski-Qabe in lawada hadlo laba habeen kaddib waxay culimadu kusoo noqdeen magaalada Qardho waxayna u cid dirsadeen Duqayda Cismaan Max�ud, taariikhdu markay ahayd 08/08/2005tii ayaa waxaa is arkay Culimadii iyo beesha Cismaan Max�ud Culimaduna waxay beesha ka codsadeen in ay walaalohood madal isgu keenaan kana wada hadlaan wixii dhexmaray, ilaah mahddii beeshu qalbi furan ayay ku soo dhawaysay waanwaanta Culimadu horseedka ka tahay.

Mar haddii labadii beeloodba ogolaadeen waanwaanta nabadeed ee Culimadu ku baaqday waxay Culimadu madashii gunteen Taariikhdu markay ahayd 10/08/2005tii, waxaase maalintaa Shirkii u baaqday odayaal hawl u aaday magaalada Dhahar oo Kaski-Qabe ah, Culimadu markay arrintaas ogaadeen waxay buraashadaha u biyaysteen magaalada Dhahar si ay odayaasha ugu soo duwaan madasha wada hadalka ee Qardho Culimdu waa ku soo guulaysteen inay odayaasha soo kexeeyaan, isla markaa waxay Culimadu mar labaad u kicitimeen tuulada Shaxda si ay shirka ugu soo biiriyaan Horfiiq aan laga maarmi Karin oo ku baaqday halkaas iyadana Culimadu waa ku guulaysteen.

Taariikhdu markay ahayd 11/08/2005ta ayaa waxaa guntamay shirkii loo ballamay, wacdi iyo tusaalayn kaddib waxaa hadalkii qaatay beesha Kaski-Qabe waxayna codsadeen in maalinta taariikhdu tahay 12/08/2005ta ay soo gudbiyaan qoraal dacwadeed tifaf tiran shirkana maanta la xiro Culimada iyo beesha Cismaan Max�udna waa la qaateen go�aankaas maalintaas shirkii waa la xiray.

Waxaa dib lay sugu soo noqday sidii lagu ballamay maalintii labaad oo taariikhdu ahayd 12/08/2005tii, furitaan kaddib waxaa tiraabtii qaatay beesha C/raxmaan Harti (kaski-Qabe) waxayna goobtii ka akhriyeen qoraal dacwadeedkoodii oo ka koobnaa laba bog isla markaana waxay laba sawir kala siiyeen Culimadii guddiga ahayd iyo beesha Cismaan Max�ud oo dacwadu toos u khusaysay, intaa kaddib waxaa qaatay hadalkii beesha Cismaan Max�ud waxayna codsadeen in ilaa galabta ay qoraal jawaab ah ku soo gudbiyaan waana laga qabalay, isla galabtaas waxay beesha Cismaan max�ud soo gudbiyeen qoraal ka kooban sadex bog una qaybsan dacwad celin iyo dacwad , isla goobtiina waa laga akhriyay qoraalkii waxayna laba sawir kala siiyeen Culimada iyo beesha Kaski-Qabe.

Maaalintii sadexaad oo taariikhdu ku abbaarayd 13/08/2005ta ayaa Culimadu waxay labada beelood ka codsadeen inay soo gudbiyaan laba qoraal oo ay ugu gar dhiibanayaan culimada guddiga ah, ilaahay mahaddii labada beeloodba waa soo gudbiyeen qoraaladii laga codsaday.

Maalintii afraad oo taariikhdu ahayd 14/08/2005tii ayaa Culimadu bilaabeen dhagaysiga dacwadaha ayadoo loo qaadaa dhigayo mid mid loona cuskanayo Shareecada Islaamka, dacwadahaas oo ka koobnaa 14 qof dhiigood oo laysu sheeganayay waxaa dhagaysigoodu socday ilaa 17/08/2005ta ayadoo loo xalliyay si lagu wada qancay waxaana maalintaas la akhriyay go�aannadii ka soo baxay dacwadihii la dhagaystay.

Taariikhdu markay ahayd 19/08/2005tii ayaa waxaa lagu qabtay magaalada Qardho xaflad aad u ballaaran oo lagu gunaanadayo shirkii nabadda ee mudada loo fahdiyay waxana kazoo qayba galay labada beelood ee loo garnaqayay, dad wayne aad u fara badan iyo waliba Maamulka dawlad goboleedka Puntland, waxaa halkaas ka dhacay wacdi, gabayo, kaftan & xifaalo waxaana aad dadka uga muuqday farxad aad u ballaaran, waxaana laga akhriyay xafladda gunaanadka 13 go�aan oo culimadu ay gaareen, waxaana hal kaas looga ballamay in ay dhamaatay colaaddii mudada aloosnayd.

Waxaa halkaa aad loogu bogaadiyay Culimadii isu xilqaantay hawshaas adag kana mira dhaliyay Allaah ka sokow, Maamulkuna waxay sheegeen inay ayidsanyihiin go�aannada culimada ciddii jabisana laga qaadayo tallaabo adag, intaa kaddib waxaa lawada cunay casho loogu tala galay gunaanadka shirka.

Maalintii taariikhdu ahayd waxaa lala kala wareegay Magtii ugu horaysay maalinta khamiista ah ee foodda inaku soo haysana waxaa lala kala wareegi doonaa sadex Magood haddii ilaah idmo.

Culimadii ka qayb qaadatay waan waanta waxay ahaayeen culimo aad looga yaqaan dalka Soomaaliya gudihiis iyo dibaddiisaba waxayna kala ahaayeen.

Sh.C/qaadir Nuur Faarax
Sh.Daahir Aw-cabdi
Dr.C/qaadir Max�ed C/llaahi
Dr.Axmed Xaaji C/raxmaan
Sh.Axmed-daahir Xassan
Sh.Bashiir Jaamac Kite

Iyo Fu�aad Max�ud X.Nuur oo xoghayn u ahaa Culimadii waanwaanta wadday.

dacwah@hotmail.com