Madaxweynaha DFKMG oo ku Dhawaaqay in uusan ku tala jirin in uu Awood wax ku maquuniyo....

Nairobi | August 21, 2005

• C/laahi Yuusuf Waxa uu sheegay in uu soo dhoweynayo shirkada Saliida ceeriin (Oil) baara....

Abdullahi Yusuf Ahmed  oo halka uu ka degan yahay Nairobi waraysi ku siinaya hay'adda Reuters |   August 21, 2005. Sawirka Reuters

Madexweynaha Dawlada FKG-ah ee Soomaaliya oo galabta u waramayey Wakaalada Wararka ee Reuters ayaa wacad ku maray,in xal mooyee aan xoog hubka looga dhigi doonin Maleeshooyinka hubeysan ee jooga gudaha Wadanka Soomaaliya, iyada oo Madaxwenuhu carabka ku dhuftay inay haboontahay in Hogaamiyaasha hubeysan iyo Ganacsataduba ay garwaaqsadaan in dantoodu tahay inay hubka ka dhigaan maleeshooyinka iyaga ka amarqaata.

Madaxwenaha oo la weydiiyay goorta uu ka hawlgeli doono magaalada Muqdisho ayaa xaqiijiyay in mustaqbalka dhaw uu rajeynayo in uu ku shaqeyn doono caasimada hadii ay nabad galyadeedu hagaagto.

"WAXAAN KU NABADAYN DOONAA GUUD AHAAN DALKA DIB-UHESHIISIIN IYO IN AAN IS QANCINO, IN QABAA'ILADA DAGAALAMAY 15KII SANO LA SOO DHAAFAY AAN HESHIISIINO"ayuu yiri Madaxwenaha oo ku sugan magaalada Neyroobi, balse safar ugu socda wadanka Sacuudiga oo ay suurta gal tahay inuu kala soo hadlo mas'uuliyiinta wadankaasi deeq sidii loo siin lahaa Dawlada uu Hogaanka u hayo.

Madaxweynaha oo ka jawaabaya su'aal ah inuu xoog adeegsanayo,ayaa ku jawaabay "XOOG KUMA NABADEYN  DOONO WADANKA, MANA DHICI DOONTO IN AAN ISTICMAALO" ayuu hadalkiisii sii raaciyay.

C/laahu Yuusuf oo ah 70jir horay ooga tirsinaa Ciidamadii Qalabka siday ee Soomaaliya laguna soo doortay shirkii nabada ee Wadanka Kenya,ayaa ka dhawaajiyay in uu Ciidamo amaanka suga ka dhisayo guud ahaan Soomaaliya.

Madaxweyne Abdullahi Yusuf Ahmed (bidix) oo la sheekaysanaya lataliyihiisa Yussuf Nur Hassan ayagoo jooga meesha ay kadegan yihiin Nairobi, August 21, 2005. Sawirka: REUTERS

"FARIINTA AAN U DIRAYO SHACABKA SOOMAALIDA WAA MID CAD": Waxaan doonayaa in Soomaalida iska ilawdo wixii dhacay waxaana oogu baaqayaa inay iska cafiyaan wixii dhacay 15kii sano ee dagaalada sokeeye".

Sidoo kale Madaxweyne C/laahi wuxuu codsi gaar ah u soo jeediyay bulsho weynta Soomaaliyeed, asagoo yiri: Soomaalida waa inay si buuxda u taageertaa dadaalada ay Dawladu wado,si Soomaaliya loo nabadeeyo sida ugu dhaqsiyaha badan.

Madaxweynaha DFKMG C/laahi Yuusuf ayaa mudooyinkan isku taxalujiyay in uu boorka ka jafo Ciidamadii Xooga Soomaaliyeed ,iyadoo loo arkayey talaabadaasina weerar ku soo socda magaalada Muqdisho oo ay ku sugan yihiin Wasiiro ka tirsan Dawladiisa oo mucaarad ah.

Madaxwenaha oo xiriir wanaagsan la leh Wadanka Itoobiya ayaa sheegay in xal uu wax ku raadin doono, ee aan xoog waxba lagu raadin karin, wuxuuna xusay in uu ka dhaadhicin doono raga isaga ka soo horjeedo iyo ganansatada awooda ciidan ku leh ee jooga Muqdisho inay la shaqeeyaan xukuumada uu garwadeenka u yahay.

"CID WALBA AYEY DANI OOGU JIRTAA IN HUBKA LA DHIGO EE CIDNA IDIN MA KHASBEYSO, WAXAAN KU QANCIN DOONAA KOOXAHA HUBEYSAN EE MUQDISHO KU SUGAN INAY HUBKA ISKA DHIGAAN IYAGOO EEGAYA DANAHA DALKA OO IDIL"  ayuu sii raaciyay hadalkiisa.

Madaxweynaha ayaa ka gaabdasay inta wareysiga uu bixinayay in uu carabaabo tirada ciidamada amaanka ee uu sheegayo in loo sameynayo Soomaaliya,laakiin wuxuu sheegay inaan waqtigaan la heli karin Ciidamo qaran oo awood leh,waayo buu yiri Dawlada waqtigan wax dhaqaalo ah ma heysato.

"DAWLAD AAN LA HAYN CIIDAMO AMAANKA SUGA MEELNA KAMA SHAQEYN KARTO,DUNIDANA MA JIRTO MEEL AY KA SHAQEYN KARTO DAWLAD AAN CIIDAMO AMAAN HEYSAN,LAAKIIN WAQTI XAADIRKAN MA DHISI KARNO CIIDAN AWOOD LEH OO QALABKIISA WATO" ayuu yiri Madaxwenuhu.

"Hadii ay nabad doonayaan oo ay dani oogu jirto ganacsi sharci ah ,waa inay hubka dhigaan,calaa kuli xaal weriye,ragan mucaaradka ah waa sida inaga oo kale ,waa ay garanayaan xaqiiqdii dantooda waxa ay ku jirto" ayuu yiri C/laahi Yuusuf.

Wadamada Deeq bixiyayaasha ayuu Madaxweynuhu ku cambaareeyay inay ka gaabiyeen inay deeq ku filan in aysan siinin Dawladiisa.

Madaxweynaha oo la weydiiyay su'aashii oogu dambeysay oo ku saabsanayd sida uu u arko hab dhaqanka Gudoomiyaha Baarlamaanka ayaa ku jawaabay: "ANIGU MA AAMINSANI IN SHARIIFKA CADAWGISA AHAY" laakiin waxaan kala qabnaa waa fekredo kala duwan ,Shariifka si ayuu wax u arkaa, anigana si kale,iyada oo ay sidaasi jirto hadana aniga iyo Shariifka wax cadaawad ah nagama dhexeyso,ayuu ku soo gabagabeeyay su,aalihii faraha badnaa oo ay weydiisay Wakaalada Wararka ee Reuters.

SALIIDA CEERIIN (OIL)::

Dhanka kale hay'adda Reuters waxa ay sheegtay in uu C/Laahi Yuusuf sheegay in uu soo dhoweynayo shirkadaha Saliida baara, asagoo arintaas ka hadlayana waxa uu yiri: "Shirkada kasta oo xiisayneysa khayradka daabiciga  ee Soomaaliya way imaan karaan si ay dawlada Soomaaliya ula hadlaan, wadankii doonaan haka yimaadeene."

"Waxaan fiirsaneynaa wixii dani noogu jirto, ha-tartameen shirkadahaasi waxaana guulaysan doona tan ugu wanaagsan" ayuu yiri C/Laahi Yuusuf oo kusii jeeda dalka Sucuudiga Arabia si uu uga helo kaalmo, waa sida warku u dhigaye.

Waxaa la sheegay in dalka shiinuhu uu wada hadal saliida lagu baarayo uu kula jiro C/Laahi Yuusuf, laakiin taas Madaxweynaah DFKMG waa beeniyey.

Booqashada DFKG ee Nairobi:::

Waxaa maalmahan Nairobi isaga daba yimid afhayeenka Baarlamaanka Shariif Xasan, Ra'iisul wasaaraha Cali Maxamed Geedi iyo Madaxweynaha DFKMG C/Laahi Yuusuf Axmed.

Cali Maxamed Geedi waxa uu safar ugu sii jeedaa dalka Talyaaniga, halka C/Laahi Yuusuf uu kusii jeedo dalka Sucuudiga. Warar kale ayaa sheegay ain Shariif Xasan uu kusii jeedo dalka Maraykanka.

Jariidada Standard ee Nairobi waxay werisey: in markii la weydiiyey Shariif Xasan sababta uu Nairobi u yimid waxa uu sheegay in uu u yimid arin khaas ah (Private Business).

Waxa kale oo ay jariidadu wersiy in Cawad Cashara uu isku deyayo in uu qaban qaabiyo kulan dhex mara saddexda nin ee ugu sareeya DFKMG ee hadda kuwada sugan halka magaalo oo ay martida ku yihiin ee Nairobi, oo ah magaaladii lagu dhisay Dawlada FKMG, kaddib markii dalkaas Kenya uu shir ka socdey muddo hal-sano-iyo-bar ah oo ay sida Kenya sheegtay ku baxday lacag dhan 1.2 billion oo shilinka Kenya. Taas oo weliba la sheegay in lacagtii 400 oo wufuud Soomaaliyeed ah ay ku deganayeen hoteelada Eldoret iyo Nairobi aan weli la bixin.

• Saliidda [Batroolka] ku jira Soomaaliya

Xigasho:Reuters

Xuseen Yaasiin Gode-Gode

email. godegode_6@hotmail.com