Maxaad kala socotaa Dastuurka la isku heysto Wadanka Ciraaq?

Sida aan lawada socono waxaa dhibka taagan yahay sidii loo saxiixi lahaa Dastuurka Ciraaq, taasoo hadaan lagu guuleysan keeni-karta in Wadanka Ciraaq uu u kala qeybsamo kooxo kala diin ah ,hadaba maxaa la isku hayaa?

Qodobka Koowaad ayaa isagu ah Diinta.

1-Diiniyan halka loo noqonayo ,Shiicada ayaa ku adkeysanaysa in loo aqoonsado Culimada Najaf inay noqdaan kuwa u dambeeya ee go'aan ka-gaara arinkasta,sida Wadanka Iiraan ,ayna noqdaan kuwo loo noqdo khilaaf-kastana xaliya,hadaba qodobkan waxaa diidan oo ka horyimid in la saxiixo Suniga.

Qodobka Labaad ayaa isagu ah Dhaarta.

2-Dhaarta ayaa Shiicadu soo jeedisay inay noqoto "WAXAAN KU DHAARTAY ILAAHAY,ALCALIYI,ALCADIIM",halka ay Sunigu ku adkeysanayaan inay noqoto sidii RABI na faray oo ah,"WAXAAN KU DHAARTAY ILAAHAY AL-CADIIM" hadaba Qodobkan waxa diiday in la saxiixo Suniga.

Qodobka Sadexaad oo isagu ah Shiidaalka.

3-Saliida ayaa ah kheyraadka oogu muhiimsan ee Wadanka Ciraaq, hadaba waxaa Saliida laga soo saaraa Koonfurta iyo Waqooyiga oo ay kala degaan Shiicada iyo Kurdiga,hadaba waxaa meesha ku qadaya Carabta Sunuga oo iyagu degan Gobolada Dhexe iyo qeybo ka mid Caasimada Baqdaad,qodobkaan waxaa ka horyimid in la saxiixo Suniga.

Qodobka Afaraad Qeybsashada Xukuumada.

4-Reysalwasaaraha in ay markasta xaq uu leeyihiin Shiicada, Madexweynahana ay leeyihiin Mar-kasta Kurdida ,halka Suniga ay noqonayaan Gudoomiyaha Baarlamaanka ,taasoo markasta ay ku dulman yihiin Suniga maadaama ay is baheysanayaan Shiicada iyo Kurdiga ,hadaba qodobkaan in la saxiixo waxaa hortaagan Suniga.

Qodobka Shanaad waa Federaalka

5-Federaalka waxa ay dan oogu jirtaa Shiicada iyo Kurdida ,kuwaasoo rabo in la siiyo awood dheeraad oo weliba la siiyo Maamul Goboleedyada ,awoodna u leeyihiin inay Wadamo kale heshiis la geli karaan, qodobkan ayaa waxaa dan oogu jirtaa Shiicada iyo Kurdida, maxaa yeelay Kurdida waxay ku dhawaaqi karaan gooni-isutaag ,Shicadana waxay la midoobi karaan Dawlada IIRAAN, hadaba qodobkaan waxaa diiday in la saxiixo Suniga Ciraaq.

Hadaba waxaa lagu dhawaandib loo dhigay go'aankii saxiixa dastuurka iyadoo ujeedada ka dambeysana lagu sheegay in lahelo xeer ja-jab ,si loo dhameeyo khilafka dastuurka.

Xeel-dheerayaasha Bariga Dhexe ayaa iyagu aaminsan ,in ay adag tahay sidii loo qancin lahaa Suniga, Nin ka tirsan Baarlamaanka Suniga oo khudbad ka jeediyay gudaha Baarlamaanka ayaa waxay hadal kulul is dhaafsadeen Gudoomiyaha Shiicada oo magaciisa  la yiraahdo Alxakiim wuxuna ku yiri:

"CIRAAQ WAXAAD U HORSEEDEYSAAN KOOXEYSI, DABKA KOOXEYSIGANA  WAXAA KU GUBANAYA IDINKA AYAA OOGU HOREYN DOONO"

Hadaba su'aasha isweydiinta ubaahan ayaa waxa ay tahay qodobada aan kor ku soo sheegay ma u cuntami doonaan inay saxiixaan Suniga Carabta Ciraaq? jawaabta akhristayaasha ayey utaal.

Xuseen Yaasiin Gode-Gode

email: godegode_6@hotmail.com