Daabaco Boggan | Print

From : Politic Department
REF : Communiqué N05/2005/08/14
Boorame, 14/08/14

Sub: Doorasho ku sheega Waqooyiga

War saxaafadeed 

Golaha Free Awdal Forum oo shirkiisii caadiga ahaa ee bishan siddeedaad 12 keedii ka dhacay Boorame waxaa ka soo baxay war saxaafadeedkan soo socda :

- Ka dib markii laga baaraandagay xaalada siyaasadeed ee Waqooyiga Soomaaliyeed;

- Ka dib markii la lafa guray ujeedooyinka ka dambeeyaa doorasho ku sheega iyo qaabka amba sawirka ka dhex muuqda;

- Ka dib markii la gundoosaday talooyinkii waayeelka, waxgaradka iyo madaaxda siyaasadeed ee ururka;

- Ka dib markii loo kuur galay awaaqibka siyaasadeed ee ka soo food leh doorasho ku sheega; 

Wuxuu golaha Free Awdal Forum(FAF) gaadhay tobanka qodob ee hoos ku qeexan : 

1)      Wuxuu Free Awdal Forum si qayaxan u cambaaraynayaa doorasho ku sheega laga qabanqaabinaayo magaalooyinka waaweyn ee Waqooyiga, talaabadaas oo ah mid looga danleeyahay in sawir beena laga bixiyo xaalada siyaasadeed ee ka jirta Gobolada waqooyi ; 

2)      FAF, wuxuu uga digayaa kooxda goonigoosatada ah  ee Hargaysa inay ka waantoobaan kusii adkaysiga siyaasada madhalayska ah ee lagu jahawareerinaayo dadweynaha soomaliyeed; 

3)      FAF wuxuu ugu baaqayaa dadweynaha reer Awdal inay si toos ah u qaadacaan doorasho ku sheega oo ah mid loogu talo galay in lagu wiiqo mustaqbalka siyaasadeed ee Reer Awdal; 

4)      FAF wuxuu uga digayaa kooxda yar ee reer Awdal ee u adeegta Hargaysa inay ka waantoobaan siyaasadaha raqiiska ah ee lagu kala qaybinaayo dadweynaha reer Awdal oo caadu u leh isku duubni iyo midnimo casal-raac ay u leeyihiin; 

5)      FAF wuxuu toos u cambaaraynayaa talaabooyinka nacasnimo ee Rayaale ogolaaday isagoo danaynaya dantiisa gaarka ah; 

6)      FAF wuxuu uu mahadnaqayaa shicibweynaha reer Awdal ee ka foojigan dibindaabyada lala maagan yahay ee aayahooga dhawacaysa; 

7)      FAF wuxuu is barbartaagayaa geesiyadaReer Awdal ee gaashaanka ku dhuftay inay olole qaadhaan ururisa u sameeyaan doorasho ku sheega; 

8)      FAF wuxuu cambaaraynayaa falalka gudoomiye ku sheega Awdal kula kacayo ganacsatada reer Awdal ee ka soo horjeeda siyaasada xaraanta ah ee Hargaysa la yagleelo; 

9)      FAF wuxuu uga digayaa maamulka Hargaysa sii haynta dadka u xidhxidhan siyaasada ee ku jira jeelalka Boorame iyo Mandheera; 

10)   FAF wuxuu reer Awdal ku boorinayaa inay hore u sii wadaan dadaalka ay ugu jiraan ku dhawaaqida gobol maamuleedkooga, taas oo waafaqsan mabaadiida Free Awdal Forum iyo hadafka dadweynaha reer Awdal oo isku duuban. 

Wa Bilaahi Towfiiq; Guul iyo midnimo

Idriss Haji Nuur
Aafhayeenka Fee Awdal Forum
fradal1@hotmail.com

Faafin: SomaliTalk.com | Aug 15, 2005

• MAQAALADII DADWEYNUHU K AQOREEN DOORASHADII SOOL/SANAAG: 2001

Gabar Soomaaliyeed oo Norway Ku Dishey Wiil Soomaliyeed
Wiilka waxaa saakay meydkiisa laga helay. Guji....

Xisbiyada mucaaradka Itoobiya oo diiday natiijada doorashada
iyo Suxufi loo xidhay warar uu maxkamadda Itoobiya ka sheegay ... Guji... Aug 12

Soomaalida Maraykanka oo Loo Ogolaaday In ay dib u Xerayn karaan Sharciga TPS
Dowladda Maraykanka ayaan bishan August waxay dib u ogolaatay in dadka Soomaalida loo siyaadiyo.. Guji... Aug 12

BAARID | SEARCH