Musharaxiinta kala ah Senator John kerry oo ah senator laga soo doorto gobolka Massachussets, John Edwards ah isagu Senator kale oo laga soo doortay gobolka North Carolina, Governor Howard Dean oo ahaa Badhasaabkii hore gobolka Vermont iyo CongressMan Dick Gephardt oo isagu ah dimuqraadi u matala xisbiga dimuqraadiga golaha Congresska oo laga soo doorto Gobolka Missouri ee badhtamaha maraykanka, waxaa musharaxiintu maalintii isniintii gelinkeedii hore ilaa saqdii dhexe ee habeenimadii salaasada ay wadeen ololahooga doorashada iyaga oo qudbado iyo dhiirigelin ujeedinaayey taageerayashooda gobolka IOWA, saadal laga qaaday maalintii Isniinti gelinkeedii hore ayaa si weyn u muujisay in John kerry oo isagu ah Senator ka tirsan golaha senateka ahna nin si weyn ay u taageersanyahiin shaqaalaha iyo weliba dab-damiyayaasha iyo weliba dadka dabaqadda dhexe ee dalka maraykanku u si weyn ugu soo bixi doono doorashada sidoo kale waxaa si weyn ay yididiiladiisu kor ugu kacday ninka da'da yar ee u loolamaya jagada ugu saraysa dalka maraykanka waa Senator John Edwardska laga soo doorto South Carolina, waxaasi saadashani la yaab weyn ka muujisay ninkii isagu safka hore ku hogaaminaayey saasashii kal hore laga qaaday New Hampshire Howard Dean inuu ku soo bixi doono aqlabiyadda xisbiga Dimuqraadiga oo isagu codod aad u yar lagu muujiyey kaalinta seddexaadna ku jiray, waxaa isagu rajo xun laga muujiyey Ninka metala Gobolka Missouri Congressman Dick Gephardt.