|
Isbitaal Cusub oo ay ka Howl
Galaan Dhaqaatiir Ruush ah oo Laga Furay Magaalada Muqdisho…..
Somalia Russian Hospital (SOMRUS)
Dhakhaatiirta Cisbitaalka
Agaasime: Zakariye Daahir Gabayre
Dr. Gusev Vladislav oo visito kuwada wiilyar ooBukaan ah
Dr. Nikiforov Pavel Iyo Qof Bukaan ah
Dr. Pavel Nikitorov, nin Bukaan ah IYo Kalkaaliso caafimaad
Drs.Tatyana Ivanova iyo Qof Bukaan ah |
Yusuf Ali Hassan
yusufmog@hotmail.com
Mogadishu-Somalia
SomaliTalk.com | Jan 4, 2004
Tan iyo burburkii Dowladii hore ee
Soomaaliya waxaa magaalada muqdisho ku soo batay isbitaalada gaarka loo
leeyahay oo inta badan ay a howl-galaan dhaqaatiir Soomaali iyo ajnabi iskugu
jirta.
Waxaa inoo suuro gashay in aan booqano
isbitaal cusub oo laga furay Magaalada Muqdisho, xaafada Hodan gaar ahaan
inta u dhaxeysa Tre-Piano iyo Km-4, Isbitaalka Magaciisa waa Somalia
Russian Hospital (SOMRUS), Isbitaalka waxaa ka howlgala dhaqaatiir Rushan
ah oo dhan 8-dhakhaatiir isugna jira Rag iyo Dumar.
Dhakhaatiirtan oo inta badan ka howgali
jiray Isbitaalka weyn ee ku yaala Moscow lana yiraahdo (Ivanovo Central
Hospital)
Isbitaalka SOMRUS waxaa uu qabtaa
daaweynta cudurada guud iyo kuwa gaarka ah, sidoo kale isbitaalka waxa uu
sameeyaa qaliinka culus yo midka fudud.
Waxyaabaha ay qabtaan ama daweeyaan
Dhakhaatiirta waxaa ka mid ah Cuddurada Guud, cudurada Caruurta iyo Haweenka,
cudurada indhaha, cunaha, dhegaha iyo sanka.
Isbitaalku wuxuu leeyahay sheybaar casri
ah iyo dhakhtarad howlahaasi qaabilsan, waxaa kaloo jira raajo iyo computer
casri ah oo bukaanka la saaro.
Isbitaalka SOMRUS waxaa shaqaalo joogto
ah ka ah dad gaaraya 100-qof oo u soo shaqa taga isbitaalka.
Maalin walba oo jimco ah isbitaalku
SOMRUS waxaa ka faa’iideysa dad dhan 50-Qof oo Bukaan ah iyagoo hela VISITO
lacag la’aan ah iyo Daawooyin ay ugu deeqeen Shirkado ka ganacsada Dawooyinka
oo ka mid yihiin Somalpharma, Pharmasom iyo kuwa kale..
Maamulaha Isbitaalku waa Sakariye Daahir
Gabeyre.
Yusuf Ali Hassan
yusufmog@hotmail.com
Mogadishu-Somalia
SomaliTalk.com | Jan 4, 2004 |
LIFAAQ:
Bahda SomaliTalk waxay uga mahad celinayaan maamulka
Cisbitaalka SOMRUS
caawinaada ay maalin kasta oo Jimce ah si lacag la'aan ah u
daaweeyaan ilaa 50 qof oo Soomaali ah oo gargaarka caafimaad u baahan. Arintan
oo ammaan iyo ku dayasho mudan.
Shacabka Soomaaliyeed ma ilaawi doonaan qof kasta oo
gargaar u fidiyey marka ay gargaarka u baahan yihiin, Soomaaliya waxay noqon
doontaa dal nabad ah oo hodon ah, insha Allah, markaas ayay taariikhda hadda dib
u xusuusan doonaan, waxayna markaas kala ogaan doonaan saaxiibkooda runta ah iyo
kan Soomaalida ku jecel barwaaqada iyo khayraadka; sida khayraadka Beeraha,
kalluunka, xijiga, batroolka & gaaska dabiiciga ah, dahabka iyo macdanaha kale
ee dhex ceegaaga dhulka ay hadda Soomaalidu hadda ka gaajaysan yihiin, waxa kale
oo ay kala ogaan doonaan kuwa xaalufiyey dalkoodii, rartay dhirtoodii oo dhuxul
laga dhigay, gurtay kalluunkoodii, ku aasay sun raad xun ku reebtay jiilasha
cusub.
Sannadkan 2004 waxa uu fursad u yahay qof kasta oo wanaag
sii hor marsanaya in uu wanaagaas si niyad sami ah u tuso shacabka Soomaaliyeed
ee xilligan taageerada iyo nabadda u baahan.
Dadka Soomaaliyeedna waxaa lagu boorinayaa in ay gacan
siiyaan qof kasta oo ay u arkaan in uu si niyad ah u taageerayo shacabkooda, ku
gacan siiyaan wanaagga.
Waxaa kale oo bahda SomaliTalk u mahad naqayaan dhammaan
akhristayaasha SomaliTalk ee mar kasta talooyinka wanaagsan noo soo jeediya.
Faafin: SomaliTalk.com | Jan 4, 2004
<><>....
Copyright
& Islaamku wuxuu ka qabo.... Akhri
Kulaabo bogga hore ee
www.somalitalk.com
| 
Denmark:
Saciid Wesing
Singapore:
USA:
Dacwadii Aba Sheikh 
London,
UK:
Nin Soomaali ah oo Lagu Xukumay 8 Sano