HAY’ADDA NOVIB
OO TABABAR U SOO GEBAGABEYSEY KOOX MACALIMIIN AH…..
Maalintii shalay
ahayd ayaa Hotel Amiira ee magaallada Muqdisho lagu soo
geba-gebeeyey tababar socday muddo 8-bilood ah oo ay ka qayb galeen
30-macallimiin ah iyo 22-hay’adood, kuwaasoo ku baranayay
barnaamijyo la xiriira habka maamulka, qorsheynta iyo hoggaaminta.
Tababarkan oo ay
soo qaban-qaabisay hay’adda NOVIB ee fadhigeedu yahay Dalka Holland
ayaa waxaa ugu horreyntii ka hadlay Guddoom-iyaha hay’addaasi C/llaahi
Xeydar Max’ed oo isagu faah-faahin ka bixiyey ujeeddada ka dambeysa
tababarka, waxaana uu sheegay in sababaha loo qabtay tababarkan ay
tahay sidii ururrada samafalka ay u heli lahaayeen shaqsiyaad ku
habboon dhinaca maamulka iyo qorshe dejinta, si looga kaaftoomo
macallimiintii laga keeni jirey dibadaha, waxaa kale oo ka hadlay
Xasan Sh. oo ku hadlayay magaca jaamacadaha, waxaana uu sheegay in
tacliintu ay tahay warshad, warshaddaas-na ay ka faa’iideystaan dad
aad u fara badan, isagoo ula jeeday macallimiinta tababarkaasi uu u
soo dhammaaday oo uu sheegay in loo baahan yahay in ay aqoontooda
gaarsiiyaan dhammaan Ummadda Soomaali-yeed, waxaa kaloo ka hadlay
Batuulo Maxamed Mursal oo ku hadleysay magaca hay’adda COGWO,
waxayna u mahad celisay intii gacanta ka geysatay taabba-gelinta
tartankaasi, gaar ahaan hay’adda NOVIB.
Barnaamijka ay ku howl-galayeen
macallimiinta ayaa waxaa loogu magac daray “Strengthening of
Civil Society in Somalia (SOCSIS)”, waxaa kale oo ka hadlay
Abuukar Sh. Maxamuud oo u mahad celiyey intii gacanta ka geysatay
tababarkaasi, waxaa kale oo ka hadlay Max’ed Axmed Hiraabe, Max’ed
Caagane Faarax iyo C/qaadir Max’ed Kutub oo dhammaantood sheegay in
ummadda Soomaaliyeed ay u baahnaayeen dad kala taliya dhinaca
maamulka iyo hoggaaminta, iyadoo intii aysan furmin xafladdani ka
qayb galayaashii tababarkani ay soo bandhigeen waxqabadkoodii 8-da
bilood ahayd, iyadoo halkaasi lagu guddoonsiiyey dhammaan-tood
shahaadooyin iyo abaal-marinno kala duwan.
W/D Amiin
Yuusuf Khasaaro
E-Mail
amiinkhasaaro@hotmail.com
SULDAAN SICIID
CALI “Waxaan u soo jeedinayaa ergooyinka ka qeyb galaya ..
Suldaaan Siciid Cali Yuusuf ahna
suldaanka Koonfur WAAMO, xubin buuxdana ka ah golaha bulshada
rayidka Soomaaliyeed ayaa waxa uu sheegay in uu ku faraxsan yahay u
gudbidda wajiga saddaxaad ee awood qeybsiga beelaha Soomaaliyeed ee
madasha shirka dib u heshiisiinta ee Magaallada Nairobi, waxaana
isagoo ku hadlaya magaca odayaasha dhaqanka Soomaaliyeed shirka ka
rajeynayaa in ay ka soo baxdo dowlad loo wada dhan yahay lehna
madaxweyne, Raii’sul Wasaare, Ra’iisul Barlamaan iyo in dowladda la
soo dhisayo ay noqoto mid awood u leh hubka dhigista Jamhuuriyadda
oo dhan iyo in ay ilaaliso jiritaanka Qaranimada iyo sharafta iyo
heybada Ummada Soomaaliyeed.
Suldaanka Koonfur WAAMO oo war
saxaadadeedkiisa ku cadeynaya in uu ka tirsan yahay Golaha sama
bixinta Qaranka Soomaliyeed ayaa waxa uu sheegay in golahaasi uu
yahay mid ummadda u horseedaya horumar, sinnaan iyo caddaalad
waxaana bahda nabadda jecel uu ugu baaqay in ay taageero buuxa
siiyaan golaha sama bixinta Qaranka Soomaaliyeed isagoo sidoo kalena
sheegay in jiritaanka Jamhuuriyadda Soom-aaliya ay tahay mid
muqaddas ah.
W/D
Amiin Yuusuf Khasaaro
E-Mail
amiinkhasaaro@hotmail.com
MADONNA OO DIL
LOOGU HANJABAY HADDII AY KA HEESTO
Madona
oo lagu sheegay inay tahay fanaanad hadana ah qof ad-adag oo
waxyaabaha qaarkood aan u aabbo yeelin ayaa markan cabsi darteed
meel ay joogto garan la’ kaddib markii maalintii isniinta ahayd ay
soo gaareen fariimo loogu hanjabayo iyada iyo labadeeda carruurta ah
in la dilayo haddii ay ka heesto dalka Israa’iil.
Madonna waxay cabsida ku sii beerantay markii kooxaha u hanjabay ay
xuseen magacyada carruurteeda, waxay si deg-deg ah u baabi’isay
3-heshiis oo keenayay inay ka heesto Israa’iil, balse webka ay
madoonna ku leedahay Internate-ka ayaa lagu xusay in loo maleynayo
kooxo reer falastiin ah, markii hore waxay ku fekertay inay aaddo
Israa’iil oo ay diyaarsato ilaalo xoog badan, balse markii dambe
waxay tiri: “Naftayda ma biimayn karo
W/D
Amiin Yuusuf Khasaaro
E-Mail
amiinkhasaaro@hotmail.com