Waxaan umalaynayaa in Akhristayaal badan xasuustaan qoraal aan ku
waaninayay walaalaha rer Caabuwaaq oo cinwaankiisu ahaa*Reer Caabudwaaqol
ilma adeerayaalow Colka Joojiya*waqtigaasoo ku beegnayd mar dad iyo duunyo
dhaqnaayeen oo dadka labada beelood waa rer xeraale iyo rer Caabudwaaqe ay
dhowr qof isaga dhinteen,qoraalkaasoo aan ku boorinayay reerkaas inay
qaataan nabada ay ku baaqeen samataliyaal isku xilsaaray inay damiyaan
colaadaas.
Balse waanadaydii cidina dhag jalaq uma siin waxaana iga soo gaaray
jaaifooyin badan oo laleeyahay sidee nabad uqaadanaa waana arki doontaa wax
ku dhaca reer Xeraale,maxaase ka dambeeyay maanta rag mee,xoolo
meeye,tikinadii guuxa waynayd meeday waxaan jawaabtaas laga sugin ragga
websityada ku dhiiri gelin jiray dagaal xal inuu yahay oo sidii huutihii
Ruwaanda saxaafadda ku dhiiri gelin jiray in rer gaara la
ciribtiro,JEESTEEYE,NASTEEX,ayaa maanta ka sugaynaa dhiirigelintoodii
xabadda faaiidaday keentay balse horaa loo yiri marlabaad aan xasuusiyee "NIN
RAGA WALAALOW WAXUU KU DHAAMO LA WAA"oo dagaal ciribtiisu waa qoomamo iyo
halaag.
Waxaan Maanta hadal kooban oo waano ah ku leeyahay Cabdiqaasim Salaad Xasan
oo ilaa iyo maalintii colaadu dhexmartay walaalahaas aan sinna ku kala
maarmin dhankiisa ka shidayay dabka oo hub iyo dhaqaale ku daldalayay kuwa
saldhigoodu yahay caabudwaaq oo markasta oo nabad lagu baaqo kala
dhantaalayay isagoo raba inay isku baab,aan labadaas beelood oo jacayl uu
uqabo Mareexaan hub umasiinay ee waa fikradiisii xumayd ee uu aaminsanaa oo
ah haddaad beeshaas u hiiliso xukunkaad ku raagin amase maxaa kaa galay
haisku dhamaadeen,waxaa markhaati madoonta ah hadda oo rajo laga qabay in
heshiis la dhexdhigo beelahaa oo ay isku xilsaareen ilaahay khayr iyo ajar
haka siiyee
Culumaaudiin Qabiilooyin kala gedisan ka kooban,inuu xagaldaacinayo oo uu
udiray rag iyo dumar aan damiir lahayn oo dhiigga walaalahooda labada dhanba
ka naxayn,waxaa hormuud u ah ninka marwalba Nabada ka soo horjeda ee lagu
magacaabo Cabdi Shire kaasoo ka soo xantoobiyay hub iyo lacag laga soo
dawarsaday carabaha ogow cabdiqaasimow wiilkii ku agoontooba dagaalkaas
inaad masuul ka tahay haddi qori amase rasaas aad kasoo dirto xamar lagu
waxyeeleeyo dadka Maciinka aan haysan ee reer Xeraale,ogow aduun wax tirsan
oo tii loo badnaa (Akhiro)ayaa na sugaysa oo xisaabteedu ku sugin,fadlan
jooji dabka aad wado oo ku bedel Nabad iyo iskudumid,ogow Nabad baa naas la
nuugo ee colaad holac iyo gaajo uunbay leedahay .
Kala qayb gal kuwa habeen iyo maalin wada nabadaynta oo ku dhiiri geli reer
Cabudwaaq inay xalka loo gartay ee ah nabadda qaataan ,hana kala xigsan
caabudwaq iyo xeraale oo kulli waa waalo soomaaliyeed oo garabkaaga ha
banayn somali waa wiil iyo abtigii seedigiis iyo sodohdiis.
Siciid dhegacade
sdhegacade@hotmail.com
Faafin: SomaliTalk May 18, 2003
Afeef: Aragtida qoraalkan waxaa leh qoraaga ku saxiixan.
WARGEYSYADA CAALAMKU WAXYAABIHII AY KA QOREEN
SOOMAALIYA
<><>....
Copyright
& Islaamku wuxuu ka qabo.... Akhri
Kulaabo bogga hore ee www.somalitalk.com