“Ma Boosaasaad ka timid, ma soo badi baad is tiri”

Daabaco Boggan | Print Filimada anshaxa xun, ruugidda Qaadka iyo isticmaalka Daroogadu Saamayn intee le'eg Bay ku Leeyihiin Faafidda Cudurka AIDSKA ee Soomaaliya.. Guji...

Ilaah baa mahadleh. Nabadgelyo iyo naxariis Nabi Muxamad korkiisa ha ahaato.

“Carruurnimo waa cadow laga koray” dhaheen waa haddii nolashii miyiga ee qalafsanayd laga hadlayo ama xagga garaadka laakiin yaa naga dhiga carruur cago waaweyn oon adduunyo iyo aakhiraba wax loo raacan!? Dadkii suubbanaa iyo dadka xaddaaradda leh dhexdooda, carruurtu waxay leeyihiin mudnaanta koowaad.

Inkastoon reer Mudug ahay waxaan xasuustaa markaan carruurta ahayn inta qurucyada iyo geed-talaalka fuulno oo laamahooda lugaha ka kala ridano baan dhihi jirnay: “faraska Bullaale Berberuu u socdaayoo biyo waa ka WALLAAHI”. Maanta anoo afartan madaxa la galay haddaan oraahdaa ku cesho waxaanan ka baxsanayn labo qolo. Waa kuwee?

Nin muslim wanaagsan ahaa oo ka dhashay qabiil Carbeed oo Canza la yiraahdo baa yiri: annaga Nabigaa(SCW) na sharfay oo xaggayada usoo tukaday. Ninkaas warkuu sheegay waxbaa ka jira laakiin sidee arrintu u dhacday? Nabigu (SCW) Canza xaggeed buu u tukaday laakiin waxay ahayd ul uu sutro ahaan u mutay si aan salaadiisa loo hormarin marka wuxuu u tukaday sutrada xaggeeda. Carabi ahaan usha noocaas ah oo afka hore ku leh bir wax lagu mudi karo waxaa la yiraahdaa “Canza”.

Waxaa jirta shimbir markay ciyeyso aad mooddayso inay leedahay “ma Boosaasaa ka timid”. Hadday “Puntlanders”-ku lahaan lahaayeen xag-jiro kuwa “Somalilanders”-ka oo kale ah waxay oran kareen magaaladu waa mid “barakaysan” maxaa yeelay shimbirahaaba yaqaan!

Maalin ay cayaarihii gobollada socdeen baan soo galay garoonkii kubbadda cagta ee Istaadiyo Muqdisho. Qiyaastii waxay ahayd 1982 ama 83-dii. Waxaa jiray labo ciyaarood oo kala duwan. Midi waxay dhexmaraysay gobollada Sanaag/Togdheer (Sanaag baan jeclahay) iyo Bari, tan kalana naaddiyadii heerka koowaad ee Madcadda iyo Batroolka oo isku hardinayey ciyaar “semi-final” ah koobkii jeneraal Daa’uud (Allaha u naxariisto). Sida la filayey waxaa la hormariyey tii labadaas gobol. Qoraxdaa Ilaahay nala maagay iyo inaan ku sugno ciyaarta labaade laakiin waxaa ka qurux badnayd ciyaarahaan bacaadka iyo Tarabuunka ku ciyaari jiray. Dadka qaarkii waxay usoo galeen gobol jacayl ee ciyaar meesha ma oolin.

Ciyaartii, Bari baa laga gacan-sarreeyey. Waxaa dhinaca hooska ee garoonka fadhiyey koox aan filayey inuu ku jiro nin aad u taageeri jiray gobollada Waqooyi oo la oran jiray Seeri oo caan ku ahaa dayaacadda gobollada kale oo uusan taageerin. Hal mar baa waxaa is qabsaday sawaraxan ah: ma Boosaasaad ka timid! Abuurista Ilaahay cajaa’ibsanaa! Intaysan weedhii kale ku darin ayaa waxaa maskaxda ku soo dhacayey shimbirtii aan sheegayey iyo waxyaale kale laakiin waxay hadalka u dhaheen sidan:

Runtii kooxda Bari uma qaabaysnayn kuwo ciyaar soo aaday ee waxaad mooddaa inay tiro-buuxis iska ahaayeen si siddeed (8) kooxood oo Xamar yimaada loo helo. Sanaag lafteedu ciyaar ma hayn.

Waxaan uga danleeyahay, hadda reer Waqooyi waxay dhaheen annagu lama ciyaari karno reer Koonfur oo waan ku ciyaar guuraynaa mana horfariisan karno Walaweynta ku shirsan Kenya halka reer Waqooyi Bari isa soo maqiiqeen iyagoo wata koox aad u tabar daran oo taas kubbadda cagta oo kale ah. Waxaan moodday in la igu yiri Seeri waa dhintay. Hadday saas tahay Allaha u naxariisto. Inkasta oo uusan Seeri meesha joogin laakiin anaa firimbigii qaatay oo dadka reer Puntland ku iri xitaa haddaydaan deynayn shirka waa inaad dadka idin metalaya bedeshaan haddii kale sidii Seeri sheegay badinmaysaan.

Cali-Dhuux Allaha u naxariisto mar hadduu dhaho:

da’dii aan ka qaadiyo miyaan deelkii ka haboowshay?

Da’du tii sanadka maahan ee xaraf buu ka wadaa.

Ergada reer Puntland iyo ninka horboodaa waxay mar ka badan dhaheen waan u dhabar-adaygaynaa shirka waxaanna noqonaynaa dadka u dambeeya ee shirka ka baxa. Taasi ma run bay noqotay? Soow mar hore may oran shirka waan ka baxnay. Waxaa iiga sii daran siday u dhaheen oo ah: shirka waan ka baxnay haddaan cabashadayada wax laga qaban.

Khaliif Allaha u naxariisto muxuu u lahaa:

Ma la gaaray waqtigii reer Puntland ka arrinsan lahaayeen aayahooda si ay naftooda iyo tan Soomaaliyeedba u badbaadiyaan? Jawaabta waxaa laga sugayaa shacabka. Waxaa la filayaa in la abaabulo shir ay ka soo qaybgalaan siyaasiyiinta ugu caansan geyigaas ooy ku jiraan Prof. Cali Khaliif, C/Risaaq Xaaji Xuseen, Xasan Abshir, Jaamac Cali Jaamac, Kingkong, Dr Goonle, Maxamed Cabdi Xaashi, kuwo kale iyo odayo-dhaqameedyo badan.

Marka ciyaaraha gobollada reer Waqooyiga laga badsho waxaa la oran jiray:

Maxaan hadda ku dhahnaa waftiga Waqooyi Bari ee Kenya looga adkaaday? Marba haddaysan jaaw Af-Soomaali ahayn, maan dhahno sidan:

F.G. maqaalku kama hadlayo Boosaaso ee dantaan ka leeyahay waa kooxda matalaysa Puntland iyo in Soomaaliya mid tahay oo sida Boosaaso aan u jeclahay aan Berberana u jeclahay. Doorkay Boosaaso ka qaatay nolasha Soomaaliyeed dagaalkii sokeeye intuu socday iyo nabadgelyadeedii qof kasta waa ogyahay.

Mahadsanid.

Copyright & Islaamku wuxuu ka qabo.... Akhri

C/Waaxid C/hi Khaliif
London, UK
cabdulwaxid@hotmail.com 

AFEEF: Aragtida qoraalkan waxaa leh qoraaga ku saxiixan

 Faafin: SomaliTalk.com |March 23, 2004 

 QORAALADII HORE EE CABDULWAAXID

. XAMAR DAAWO DACALLADA... SAWIRRO....