Ahmed Mohamed Siilaanyow abti Soomaalidu
waa hal beel ah, waxayna u qaybsan tahay afar iyo badh qabiil. Qabiil waliba
waa degan yahay Gobal walba. Adigu waxad tahay Dir, labada aad dhulka u
qaybiysay oo kala ah Somaliland iyo Soomaali Talyaani waad degantahay. Anigu
waxan ahay Daarood labada dhulba waan deganahay.
1884tii shirkii Barlin ee Soomaalida lagu qaybsaday
inteenii laysku goostay ee loola baxay magaca British Somaliland, waxay
dhamaatay June 26/1960. Xoriyad ayeynu qaadanay, walaalaheen Soomaali ayeynu
midowney, dowlad loo dhanyahay ayeynu dhisanay refaranduun(afti) ayeynu
ansixinay ilaa maanta waa sharci jira. British Somaliland waa tagtay, adigu
hanagu soo celin gumeysigii.
Abti Siilaanyo, hadaad Soomaali ka baxayso anigu ka
goosanmaayo, kana bixi maayo walaalahayga Somaaliyeed. Hadaad sabab ka
dhigato shaqsiyaad Daarood ah ayaa ila jira, xaga kalana koox xoog leh oo ay
ka mid yahiin engineer Cusman kaluun iyo ganaral Jama Qaalib oo Isaaq ah ayaa
xaga Somali weynta jira.
Arinta dagaalka , xooga, khasabka, jujuubka, iyo
handadaada aad wadid, dagaaladii habarjaclo gashay maalintii hore ee ka
biloowdey baliyada Hayayaal, waxa soo gaaray dhib aan la xisaabi karin.
Waxana ku xigey tii Burco ka dhacday ee dhexmartey Habaryoonis iyo Habarjeclo.
Taasoo daarihii Habarjeclo la burburiyey dhamaantood dad ku nool daayoo, ilaa
fiigii Habargeclo isa sii taagey tuulada Yiroowe. Labadaas dhibaato tan hore
waxa u sabab ahaa ina Kaahin, tan dambese adiga ayaa huriyey.
Haduu dabada kaa wado ina Sheeq Yuusuf Madar isagu ma
degana Gobalka Cayn, Sacad Muusena qasaaro uu ku rogmado ka soo gaari maayo
ee yuusan kuu yeedhin dictation.
Hadaba, waxan ku talinayaa Ahmed Mohamed Siilaanyow
adigu ama gooso, ama ha goosan Soomaali ayaan kuula mid ahay, laakiin ha isku
deyin khasab iyo dagaal keena dhimasho dhinac walba leh, burbur iyo barakac
aad adigu sabab u noqotid.
Daabaco
Boggan | Print
