• 1- Yaasiin Xaaji Cismaan SHarmaarke. Aabaha Aasaasayaasha.
• 2- Cabdulqadir SHiikh Sakhaawudiin
• 3- Xaaji Mohamed Xuseen.
• 4- Mohamed Faarax Hillowle
• 5- DHeere Xaaji DHeere.
• 6- Cali Xasan Cali (Barduure)
• 7- Cismaan Geeddi Raage.
• 8- Mohamed Cismaan Baarbe.
• 9- Daahir Xaaji Cismaan
• 10- Sayidiin Xirsi Nuur.
• 11- Mohamed Ibrahim Xayeesi
• 12- Huddow Macalin
• 13- Mohamed Cali Nuur.

Haddaba iyaddoo aasaasiintii SYL ahaayeen 13kaas ayaa nasiib darro waxaa dhacda in marar badan dad aan ehel u aheyn una noqon Halgankii DHallinyarada Soomaaliyeed Hormoodka u ahaayeen sheegtaan iney ka mid ahayeen Aasaasiintii dhallinyarada Soomaaliyeed ee SYL, dadka ku been abuurtey SYL waxaa ka mid ahaa nin magaciisa ku sheegey Cali Cabi SHiddo oo sheegtey inuu ka mid ahaa Aasaasiintii Ururkii DHallinyarada Soomaaliyeed ee 1943 15 May. Sheegashada been abuurka raqiiska ah waxaa dhammaadkii bishii Feb 2004 qorey shabakadda beenta fidisa kuna caanka baxdey naceybka (hatred) ee fullisa arrimaha Qabiilka taasoo laga qoro muqdisho.

Cali SHiddo oo ka mid ahaa dadkii sida ba,an uga soo horjeedey halgankii SYL oo dhibaatooyinkii uu geystey 1952- 1991kii dad badan oo Soomaali ahi ogyihiin waxaa nasiib daro ah isagoo weli falalkii xumaa faraha kula jira inuu maanta sheegto waxaan ka mid ahaa Halgamashii iyo Aasaasiintii SYL kana sheego meel fagaaro ah.

Sanadkii 2001kii waxaa isna meel fagaaro ah ka sheegey ninka ay qaraabada yihiin SHiddo ee Ina Salaad Boy magacyo dad aan ka mid aheyn Aasaasiintii SYL isagoo ku andacoodey iney ka mid ahaayeen Aasaasiintii 13kii wiil.

Haddaba waxa la isweydiin karaa ragaani Beenta sheeganaya oo ku tababartey kuna barbaarey Billiliqada maxay doonayaan waxaa u wanaagsanaan laheyd iney Xoolaha kaliya iyo Guryaha iska yiraahdaan ANIGAA TAABSADEY (bILLILIQEYSTEY) ee ha la ii daayo sida dhallinyarada ay adeerada u yihiin yeelaan iskana daayaan dhanka taariikhda ee ay beenta ka sheegayaan. Qofkii rabaa wuxuu booqan karaa shabakaddaha Internetka oo laga helayo haddaladii uu Cali SHiddo ku sheegtey inuu ka mid ahaa 13kii Ururkii DHallinyarada Soomaaliyeed ee SYL, haddii u jiro qof qiraya ama ku raacsan Cali SHiddo inuu ka mid ahaa SYL fadlan ka soo hadal arrimahaan. Waxaa kale oo dhageysataa khudbad laga siidaayey isla shabakadda Beenta fidisa ee muqdisho kasoo baxda taariikhdu markey aheyd 2001 khudbadaas oo uu akhriyey ninka sheegta Madaxweynaha Soomaaliyeed Ina Salaad Boy waqtigaas oo ahaa markii laga celiyey oo loo diidey B/weyne, marka si uu qalbi laxowsado ayuu sheegey magacyo dad reer Hiiraan ah oo aan shaqo kulaheyn SYL iyo aasaasiintii Dhallinyaradii Soomaaliyeed wuxuuna qirey iney ka mid ahaayeen.

Waxaa cajiib ah waxa odayaasha daba dhegey taariikh aysan shaqo ku laheyn. Waxaa u wanaagsanaan laheyd iney isku hawlaan waxyaabaha dadka Soomaaliyeed ku yaqaanaan raggaan odayaasha ah iskana dhaafaan hawlahaan iyo taariikhdaan aysan shaqada ku laheyn hawlahoodana iska wataan.

Tolow Maxaa Ragaas daba dhigey ka been sheega Taariikhda 13kii dhallinyarada Soomaaliyeed ma u maleyneysaan ruux isagoo da, diisu dhaaftey ama ku dhowdahey 70 ka xishoon waayey wixii xumaa u isago dhallinyaro ah wanaag iyo cadaalad iyo midnimo ka shaqeynayey (hard to believe) Wixii aad Baratey waa Baaskaa  Ragaan halalataliyo./.

Yusuf Osman
 yusufosman277@hotmail.com

QORAALADII HORE EE YUSUF OSMAN

 Faafin: SomaliTalk.com | March 1, 2004

Afeef: Aragtida qoraalkan waxaa leh qoraaga ku saxiixan

WARQAD FURAN OO KUSOCOTA DAAHIR RIYAALE  [Diridhaba]

Xaflad Loogu Mahadceliyo Boqor Cismaan Maxamuud (Buur-Madow) Iyo Suldaan Saciid Suldaan C/Salaan Guji....