Waxaan jeclahay inaan wax yar ka idhaahdo qoraal aad mooddo inuu qoray nin aad u deg-degaya oo aad mooddo inay hadda noloshu u cusub tahay waa ninka isku magacaabay Dirir-dhabe. Horta wiilyohow waxaad meel uga dhacday ummad qaran ah, ma waxay kula tahay inaad ummad sida aad sheegtay wax waliba ku jiraan(aqoon-yahan,caaqil iyo wax-garad,siyaasiyiin) oo sida aad ku timaantay ay yihiin dad ka dhoohan wixii lasoo dhoob-dhoobay oo caadifad qabiil ayey ku dheggan yihiin waxaan ku dhihi lahaa arrintaasi waa gef ummadana meel ha uga dhicin qoraalkaagana ka feker inta aadan usoo bandhigin ummadda.

Arrinta kale ee meesha ku jirtaa waxaa weeye ee in la fahmo u baahan haddii intaa aad sheegtay ay sida aad u sheegtay tahay oo ay khaldan yihiin, maxay waxaad adigu iska dhaadhicisay haddii sida aad adigu wax u fahamsan tahay uu Riyaale dhihi karo orodoo iska tag waan ku cafiyaye, waxaan u arkaa inaad laba jir tahay wax badan baana kuu dhimman ee intaadan falin ka fiirso reer Somaliland-na ceeb ha usoo jiidin.

Waxay aniga ila tahay haddii dimoqraadiyadi ay jirto oo Boqorka wax cad lagu xidhay waa in wixii lagu xidhay oo cad la keenaa haddii aan waxba lagu hayninna in sharaftiisa loo soo celiyaa waliba la xaar mariyaa oo lagu xaal mariyaa gardarradii lagu qabtay iyo intuu xidhnaa sharaftii laga xayuubiyey ee cid waliba ay ku wiirsanaysay waa war saxaafadeed ay dawladdu ku sheegtaa in laga gardarraa waa haddii wax lagu waayo, laakiin warqad wiil kintir lihi karaaji kasoo qoray madax weyne fadlan sii daa taasi waa mid aan maanka fayow gelaynin adiguna nin yow cirkaad isla joogtaaye daaloco duruustaada ayaan ku dhihi lahaa.

• Adigoon tacliin dhigan
• Caashaqa ku dhega tiray(siyaasad baa madaxa kaa martay)
• Waxa uu ka dhigan yahay
• Dhabar weyne jiilaal
• Ninka reer u dhaanshee
• Dadku dhowrayeene
• Dhexda awrku kaga lumay
• Haw dheg-taagin jacayl(qabiil)
• Ha ku dhiirran iska dhaaf.

Waa waano dhaxal-gal oo aday dan kuu tahay ama qaado ama diid.

Waa Cabdirashid Sheekh oo jooga SWEDEN
abdirashids@hotmail.com

Faafin: SomaliTalk.com | March 1, 2004

Afeef: Aragtida qoraalkan waxaa leh qoraaga ku saxiixan

WARQAD FURAN OO KUSOCOTA DAAHIR RIYAALE  [Diridhaba]

Xaflad Loogu Mahadceliyo Boqor Cismaan Maxamuud (Buur-Madow) Iyo Suldaan Saciid Suldaan C/Salaan Guji....