Booqashada Riyaale Ee London Iyo Dareenka Reer Sool, Sanaag Iyo Cayn

Asad Cadaani Ibraahim.

Laascaanood Soomaaliya

assadlaska@yahoo.com

 

Sannadguuradii koowaad ee ka soo wareegtay markii Riyaale Kaahin Xooga Lagaga saaray Laascaanood oo si weyn Looga Xusay magaalada Laascaanood Asad

MAGACA SOMALILAND WAA BEER: BEERNA HILIBKAA LAGU SUGAA Ma runbaa in Gobolkaasi uu goostay intii uu awal kula shirkoobay Koonfurta Soomaaliya? Yaa rabay awal midowga? Ma Siyaasiyiinta mise Shacabka? Fahad

"hadii ay saraakiisha socdaalka Jamhuuriyadu ogaan lahaayeen in uu yahay qoraa nacab ah oo qalinkiisa ku minjo xaabinaya qadiyada gooni isu taaga somaliland waxaan hubaa in laba dible loo xidhi lahaa ee waxa laga yaabaa in ay u qaateen walaweynta faraha badan ee u soo tuugsi taga magaalooyinka camiran ee Somaliland" Salahudin

"Miyaan niman Waqooyi u dhashay ku heesin: marti waa la sooraa, magan waa la bixiyaa? (Ina Ibraahin Cigaal iyo Riyaale maxay dhaheen? Marti waa la raafaa, magan waa la dhiibaa!)" C/Waaxid

"dadkaasi la qabtay waxaa lagu tuhmay inay ka mid yahiin ama ku jiraan urur ka mamnuuc ah Dalka aanu dariska nahay ee Ethiopia oo magaciisa la yidhaahdo ONLF" Diridhaba

Kuwii sannadihii hore gacanta lagu dhigayna dhamaantood dawlada Itoobiya gacanta loo galiyey, waxaana la xaqiijiyey in ay dadkani ahaayeen dad maato ah, oo dad ay qaraabo yihiin ugu yimi hargeysa si ay ula noolaadaan" Asad

"Shacbiga Somalilandna aan qasab koonfur loogu sanduleyn Karin, ictiraafkeedana aanay is hortaagi karin dad cuqdada ka qaba sida labada wiil ee ILMA SAMATAR. "  Faysal

"7/12/2002 ayuu madaxwaynaha jamhuuriyadda somaliland mudane daahir riyaaale kaahin booqasho uu ugu diyaarinaayo doorashooyinka dawladaha hoose ee ka dhacayay guud ahaan dalka ku tagay laascaanood, wax yar uun caga dhigashadiisii kadib ayaa rasaasi cir iyo dhul iska qabsatay meeshii uu ku degey" XagarYare

Waxaa baryahanba la hadal hayey In uu booqasho ku tagi doono Dalka Ingiriiska Hogaanka maamulka Hargeysa Riyaale Kaahin oo isagu gacanta ku haya Magaalooyinka Hargeysa , Burco Iyo Boorame, sida la soo warinayana hada sooba gaadhay ,magaalada London oo martiqaada ka helay sida la sheegayo shirkado iyo NGO.

Hadaba waa sidee dareenka ay ka muujiyeen dadweynaha ku dhaqan Gobollada Sool, sanaag Iyo Cayn.

C/laahi Warsame (Sanjab) oo isagu ah Guddoomiyaha Golaha Indheer Garadka Nugaal godan ayaa ku tilmaamay booqashada Riyaale mid madhalays ah oo aanu waxba ka soo hoynayan, mar haddii siyaasada Ingiriisku hore u sheegtay in aanay aqoonsanayn , maamulka isku magaacbay Somaliland.

Wuxuuna intaasi ku daray (waxaanu filaynaa in sidii Laascaanood looga Caydhiyey halkaasna uu guuldaro kala kulmi doono, Londonna loo bixindoono Riyaale ku Hongow sida Laascaanood maanta loogu yaqaano wadadii uu ka baxay Riyaale ku caraar).

Gaashaanle sare Siciid Isbariije ayaa isaguna ku tilmaamay booqashada Riyaale ee London mid guul daro ku soo dhamaan doonta sababtoo ah dhulka ay sheegtaan in ay dawlad ka samaynayaan ama ay doonayaan in lagu aqoonsado kala badh oo badh ayaan gacantooda ku jirin oo ay mujaahidiinta daraawiishtu gacanta ku hayaan, maantana ay dawlad Goboleedka Puntland oo ay wax ka dhiseen kaga tirsan yihiin.

Odayaasha iyo aqoon yahanka kala duwan ee gobollada Sool, Sanaag Iyo Cayn ayaa baaqyo kala duwan ka soo saaray arragtidooda ku aadan Booqashada Riyaale kaahin ee uu ku marayo dalka Ingiriiska oo ay sheegeen in ay tahay mid ay wataan beelaha Isaaqu ama Dirta waqooyi(Isaaq, Gudibiirsay,Ciise).

Odaayasha Guurtida ee gobollada Sool, Sanaag Iyo Cayn oo iyaga lagu dhawaaqay markii Riyaale Colaada ku soo ekeeyey Gobolladan oo iyagu ka kooban 51 xubnood ayaa warqad ay shalay ka soo saareen Magaalada Laascaanood oo uu ku saxeexnaa guddoomiyaha Diiriye Maxmed Cali Bunay ayaa waxa ay ku sheegeen in ay Yihiin kuwo u heelan Qaran difaac iyo midnnimada ummadda Soomaaliyeed ,Isla markaana ay naf iyo maalba u hurayaan difaaca midnnimada Soomaaliyeed.

Waxayna si cad u qeexeen in ay Puntland wax ka dhisteen, ayna si buuxda uga mid yihiin Puntland, Riyaale Kaahina waxay ugu baaqeen in aanu cadaawad ula soo huleelin dhulkooda ee uu ku ekaado degaankiisa.

Dadweynaha ku dhaqan Magaalada Laascaanood ayaa dareen kooda ka muujiyey booshadan Riyaale, iyaga oo badankoodu ku tilmaamay Riyaale Kaahin(nin laf cad toobin ku haya), waxayna qaarkood sheegeen in ay marka hore haboon tahay Riyaale in uu joojiyo colaada iyo cadaawada qaawan ee uu ku soo ekeeyey gobolada Sool, Sanaag Iyo Cayn.

waxayna sheegeen in ay ka xun yihiin kuwa u dhashay deegaankooda oo hada ka mid ah waftiga Riyaale, sida Axmed Maxmed Qaybe oo ay tilmaameen in uu cimrigiisii ceeb ku sii sagootiyey.

Booqashada Riyaale iyo maamulkiisa , ayey dadweynaha Reer Sool, Sanaag iyo Cayn kala socdaan warbaahinta kala duwan sida shabakada Internetka iyo Idaacadaha kala duwan, waxayna sheegeen in ay bal fiirindoonaan waxa uu Riyaale kala soo noqdo.

Asad Cadaani Ibraahim.
Laascaanood Soomaaliya
assadlaska@yahoo.com

Faafin: SomaliTalk.com | March 16, 2004 

Afeef: Aragtida qoraalkan waxaa leh qoraaga ku saxiixan

Wafdi uu hogaaminayo Madaxwaynaha S/L oo Kasoo Duulay Addis Ababa oo yimid London
» Waxaa wararku sheegeen in dadaalka casuumaada somaliland ee ingiriiska ay ka qayb galeen sharikado baara shidaalka oo doonaya in ay somaliya ka... Guji 15/3/04

Xisbiga DDP oo Bannaan Bax ugu Baaqay Soomaalida Reer London: Waxa kale oo guddoomiyaha xisbigaasi uu Soomaalida joogta shirka Nairobi ku casumey in ay tagaan Laascaanood.. Guji Maarso 14

Sidee Ingiriiska Looga Arkaa Booqashada Riyaale
Weriye jooga London oo weydiistey in aan magaciisa la sheegin ayaa Xagar Yare u sheegay in... Guji Maarso 14

Sidee Xubno Katirsan Baarlamaanka  Ingiriisku ugu ololaynayaan S/L halka ay u diideen Xoriyad N/Ireland
& dacwad loo heysto Daahir Riyaale dad uu laayey waagii uu ahaa madaxa NSS-ta... Guji

Madaxweynaha S/L iyo Wefti Ballaadhan oo uu Horkacayo oo Maanta u Ambabaxay UK
 & Kumanaan reer Somaliland ah oo ku qul-qulaya London si ay uga qayb qaataan soo dhoweynta.. Guji

Kulaabo bogga hore ee www.somalitalk.com