Daabaco Boggan | Print Filimada anshaxa xun, ruugidda Qaadka iyo isticmaalka Daroogadu Saamayn intee le'eg Bay ku Leeyihiin Faafidda Cudurka AIDSKA ee Soomaaliya.. Guji...   XAMAR DAAWO DACALLADA.. SAWIRRO Fadeexada Paltalkga: iyo Dulmiga Walaasha Muslimada ah....... GUJI.... Qaabka Loo Qoro Wararka, Faalooyinka iyo Ra'yiga

Waxaa todobaadkan lagu soo gabagabeeyey magaalada Khartoum ee dalka Suudaan xaflado waawayn oo ay soo qaban qaabisay Wasarada dhalinyarada iyo Sportiga ee Suudaan.

Xafaladaha oo ahaa laba qaybood ayaa qaybtii hore waxaa maalgalisay Jamacada Carabta iyadoo isla markaana lagu qabtay magaalada ku taala koonfurta fog ee wadankan oo layiraahdo Jubba, waxaa xafladaa lagu casumay dowladaha Carbeed sida Masar,Qatar,kuwait, Ciraq,Somaliya, Djabuti,Lebnana, Suriya,iyo kuwa kale oo badan, kulankan oo uu furitaankiisii ka soo qayb galay Wakiilka Arimaha dhalinyarada iyo sportiga ee Jamacada Carabta Mr.Mustafa Hanai iyo wasiirka dhalinyarada iyo sportiga ee wadan ayaa u dhacay si aan la filayn.

Barnaamijkan oo ay fangaraysay Jamacadda Carabta ayaa looga danlahaa in lagu soo jiito dadka koonfurta wadanka dega oo isla markaana taageera kooxda falaagada ee uu horkacayo Col. John Garan oo ay hadda heshiis hor u dhiciisii lamahadiyey ay ku gaareen isaga iyo dawladda, magalada Nefasha ee dalka Kenya.

Waxaa goobtaasi lagu soo bandhigay Riwaayado ka hadlaya Nabada,heeso dhaqameedyo gabayo iyo madaalooyin, waxayna halkaa ku balanqaadeen dowladihii carbeed iyo wakiilkii Jamacadda Carabta Mr.Mustafa Hani mashaariic horumarineed oo loogu deeqi doono Reer Koonfureedka.

Waxaa ka danbeeyey markii taa la soo gabagabeeyey barnaamij isna todobaad socday oo isna loogu magac daray Todobaadkii Nabadda lagu qabtay magalada khartoum ee casimadda ah, barnaamijkan oo ka balaadhnaa kii hore ayaa waxaa soo qaban qabiyey ururka dhalinyarada ee Sudan waxaana lagu marti gashay dhamaan wasiirada Sportiga ee Dowladaha Carabta iyo kuwa Africaanka ah.Waxaana dawlad walba la siiyey xubno gaaraya ilaa 65 qof. Waxaa kaloo lagu marti gashay shaqsiyaad sar sare sida Nelsan Mandela, Caamar Musa iyo kuwo kale,waxaana furay barnaamijkaa Madaxwaynaha dalka Cumar Al-bashiir.