Ahmed Osman Farah (Zahid)

Mobile: 92-300-2252724

Karachi-Pakistán

axmedshiino@hotmail.com

Hordhac

Ilaah baa mahad leh, Nebi Maxmedna nebed gelyo iyo badabaado korkiisa ha ahaato, intaas kadib,

Hirgelinta shirakad ganacsi oo u adeegta bulshada run ahaantii ma ahan shaqo fudud, waa hawl u baahan qorshayn iyo maarayn dheeraad ah.

Waxaan had iyo jeer maqalnaa shirkad kacdey ama khasaartey, dhibkooda waxaa loo aanayn karaa qorshe iyo maarayn la’aan ku timad hawlgalkeeda, mid hore ee ah qorshe la’aanta waxaa dhaci karta in markeedii hore aanba si qoto dheer. Looga fiirsan qorshahii lagu furayey, oo lagu degdegey, tan danbe oo ah maarayn la’aantu waxay iman kartaa markii ay shirakadu bilowdey hawsheedii oo si fiican looga baaraan degey qorshaynteedii laakiin waqti danbe oo ay shaqaynayso ku dhacdo tayo xumo xagga maaraynta sare oo ah meesha laga hago dhaqdhaqaa hawl kasta waana mushkilad aad u saraysa maarayn la’aantu.

Si haddaba looga fogaado dhibaatooyinkaas qorshe la’aanta iyo maamul xumada shirkada soo food saara waxaa hagaagsan in shirkadaha maanta shaqeeya lagu dabakho habka suuqgaynta oo ah cilmi casri ah oo si gaar ah loo barto.

Habka suuqgayntu waa hawl ama qaab ganacsi oo la xiriira qorshaynta, soosaaridda, qiime u samaynta, xayaysiinta, suuq u raadinta iyo qaybinta badeecada ama adeeg laga danaynayo suuqa si loo baahi tiro macmiilka iyadoo lala beegsanyo meesha ama barta looga baahanyahay badeecaddda ama adeegga shirkadda ganacsi.

Inta aan la bilaanin hawsha ganacsi, maareeyaha mashquuca furitaanka ama hawlgelinta shikrada ganacsi (Project Manager), waxaa looga baahanyahay inuu sameeyo baarintaan la xiriira badeecadda ama adeega ay bixinayso shirkadda ganacsi, si loo ogaado in mashruucan ganacsi ay u baahanyihiin bulashda deegaanka ay shkradu ka hawlgelayso, taasi waa muhiim waayo waxaa soo baxysa waydiimo oranaysa maxaa loo baahanyahay in la soo saaro? Qiimahee lagu rabaa? IWM, dabcan warcelinta jawaabtaasu waxay ku siinasyaa caqli kaamil ah oo ku dabakhan u jeedo iyo hadaf loo hawlgalo, taas oo ah in aada ogaatid wax la rabo si aad u soo saarto, waase caqli darro in wax la iska soo saaro ama la bixiyo adeeg aan haysan wax suuq ah, su’aasha kore waxy ku salaysantahay helitaan dad raba waxii la soo saarayey ama (Target market).

Inagoo tix raacayna qormada kore waxaan habka suuqgaynta ku qeexi karnaa in ay tahay xirfad loogu talagaley inay ay fududayso iswaydaarsiga ka dhexeeya macmiilka (Customer) iyo shirkada (Organization), si loo qanciyo baahida jirta, erayga iswaydaarsi ama (Exchange), waxuu tilmaamayaa in ay jirto wax kala bedelasho ku salaysan baahi qancin, iswaydaarsigaasi waa qaab aan ku heli karno badeecad ama adeeg aan u baahnahay inagoo bixinayna qiime noqon kara lacag (Money) ama aan badeecad kale ku beddelano mid kale (Barter), haddaba si aynu u helno badeecadaas waxaa loo baahanyahay qaab cilmiyeed fududaynaya si aan hawlyari ugu qancinno macmiilkeenna. Sidaas daraadeed habka suuqgayntu (Marketing) waa qalab fududaynaya iswaydaarsigaas ka dhexeeya labo qof ama shirkadood. Haddaba waa inaynu qiimaynaa qodobadan hoose si aan u fahano iswaydaarsigan iyo hawshiisa,

• Waa inay jiraan labo qof ama ka badan oo mid kasta haysto baahi uu u baahnyahay inuu qnaciyo, markaas iswaydaarsi baa imanaya in kan u baahan badeecadaas uu aado kan haya si uu uga iibsado
   
• Dhinacyada iswaydaarisga ka dhexeeyo ma ahan kuwo wax lagu khasba ee waa inay si ikhtiyaari ah u go’aasnadeen iswaydaarisgaas, taas oo ah in macmiilku had iyo jeer helo waxuu rabo shirkada ganacsina aysan ku sanduleen iibsashada badeecadeeda dadka macmiilka ah,
   
• Dadka iswaydaarku ka dhexeeyo waa inay haystaan qiime si ay isu dhaafsadaan baahida , iyada oo mid kasta aaminsayhay ina iswaydaarsigan ay dan iyo faaido ugu jirto, taas macnaheedu waxa waaye in macmiilku helo badeecad qancisa shirakduna hesho faa’iido u saaran badeecadan anfacaysa macmiilka, markaas labada dhinacba waa ianay ku xisaabtamaan faa’iido.
   
• Waxaa muhiim ah inuu jiraa xiriir ka dhexeeya labada dhinac, taasi waxay noqon kartaa in uu jiro dad dhexdhexaadyaal u ah (Middle men), muhimaddu waxa weeye inuu jiro ogaansho am u warhayn ay macmiilka iyo shikraddu isu hayaan, warbxin la’aanse iswaydaarsi ma dhiaci karo oo macmiilkuna kama warhayo waxa suuqa yaal shirkaduna ma helayso cid ka gadata badeecad aanba loo warhayn.

Haddaba shuruudahaas kore waxy u baahanyihiin inaan sii bayaaminno, tan hore waxy oranaysaa waa inay jiraan labo dhinac labad dhinac midka hore waa suuqgeeyayaal ama (Marketers), kuwaas oo ah kuwa bilaaba hawsha iswaydaarsiga, iyagoo isku dayaya inay abuuraan hawsha suuqgaynta dabadeed socodsiinaya iyagoo suuqa ogolaysiinaya wax soo sarkooda túsale ahaan jaamacad qaadanaysa ardey waxay marka Admissionsku soo dhowyihiin bilaabaan xayaysiis ay geynayaa saxaafadda kala gedisan iyagoo bar tilmaameed ka dhiganaya in ardayda doonaysa jaamcadda ay u helaan warbixin ku saabsan jaamcadda iyo barnaamijkeeda, haddaba xayasiiskaasi waa qayab ka mid ah habka suuqgaynta.

Dhinaca kale oo ka mid ah iswayrsiga waxaa waaye suuqa (Market) oo lagu qeexayo inuu yahay dad baahi u qaba badeecad ama adeeg shirkadeed, haysta lacag ay ku gataan, islamarkaana doonaya inay gataan, tan danbe oo ah doonida ay doonayaan dadkasi inay gataan badeecadda waa muhiim waayo waxaa jira dad badeecad u baahan lacagna haysta laakiin aan rabin inay gataan marka waa in saddexda qodoba la helaa oo ah in baahi jirto, qofku lacagtii haysto islamarkaana uu rabu inuu gato, hadii kale suuq laguma seguí karo, isla tusaalaheenii jaamcada waxuu sheegayaa in suuq geeyayaashu (Marketers) ay sameeyeen xayaysiis, dadka loo samenayo xayasiiska waa (Market), oo waxaa ka mid ah aradayda doonaysa inay jaamcadii dhigtaan.

Suuqgeeyaashu waxay isticmaalaan qaabab kala gedisan oo isgaarsiinta ah si ay uga dhaadhiciyaan macmiilka helitaanka badeecada ama adeega shirkada, isgaarsiintaasi waxay muhiim u tahay shikradda waana midda keenaysa macmiilka goobta gadshada, war la’aan ku dhacda macmiilka waxuu keenyaa gadasho la’aan ku timada badeecadda ama adeegga ganacsi, waxaa kaloo muhiim ah in la raadiyo meel ku haboon gaarsiinta fariinta laga qaadayo shirkada oo la gaarsiinayo macmiilka.

Haddaba akhriste inagoo tix raacayna kana shidaal qaadanyna daraasada kore, waxaan hadda isku dayaynaa inaan macne guud u samayno habka suuq gaynta, akhriste waxaan dhihi karnaa waa qaab ama hab guud oo ganacsi looguna talagaley in marka hore la qorsheeyo dabdeed la soo saaro, qiime loo sameeyo, la xayaysiiyo,lana gaarsiiyo suuqa badeecad ama adeeg haqab tiraya baahi taas oo lala beegsanyo barta looga baahanyahay si shikradu u gaarto Hadafka iyo ujeedadeeda ah inay hesho faa’iido.

Qeexitaankan kore waxaan u qaybinaynaa labo waxyaabood oo kala ah

• In qaabka ama hawsha shirkadda ganacsi noqoto mid ku salaysan macmiilka (customer-oriented), taas oo macnaheedu yahay in la fahmo baahid macmiilka dabdeed laga qanciyo baahidaas iyadoo la samaynaya sida ama habka uu macmiilku wax u rabo
   
• Habka suuqgayntu waa inay ku bilaabantaa fikrad (idea), ku saabsan qancin baahi jirta, iyadoo aan hawsha habka suuqgaynta la joojin ilaa baahida macmiilka la qanciyo,

Akhriste habka suuqgayntu ma ahan wax aan halakna ku soo koobi karno, balse intii aan ka awoodi ayaan u soo tebinayaa anigoo qayb qayb ka dhigaya, qayba mar soo diyaariyo, qaybta ama qormada ku xigta tan waxaan ku kala qaadaynaa hadii ilaah idmo qaybaha kala duwan ee habka suuqgaynta.

Dhamaad

N.B. la soco Qaybta xigta.

Ahmed Osman Farah (Zahid)
Preston University
Karachi-Pakistan
Tel: +92-300-2252724
axmedshiino@hotmail.com