March 13, 2004
"Caburinta S/land ku heeso
fikradaha Soomaalida."
Waxaan in muddo ah usii dhaba galay
shabakadaha soomaalida oo si xad dhaaf ah usoo bandhigaya aragtida &
fikradaha reer Somaliland!. Taasi mid dhibaato ah maaha, laakiin waxaa nasiib
daro ah in dhinaca kale aysan soomaalidu wax fikrad ah - shar & qayr midna ay
ka dhiiban karin shabakadaha ku abtirsada jamhuuriyada iskeed ugu dhawaaqday
gooni isutaaga.
Daraasaatkaan aan muddada ku jiray ayaan ku ekeen
shabakadaha oo kaliya. Waxaan tusaale ahaan galay paltalk-ga qolalka wata
magacyada kala duwan ee Somaliland. Sidoo kale ayaadan halkaas ka dhiiban
karin fikradaada, adiga oo ah shaqsi soomaali ah. Marka ugu horaysa oo la
arko lahjadaada ayaaba dibadda laguu tuurayaa!.
Billahaan danbe ayaa waxaa sii kordhay fikradaha &
wararka quseeya somaliland ee dad reer somaliland ah, ku soo daabacayaan
shabakadaha soomaalida, iyagoon wax dhib ah haba yaraatee la kulmin.
Marka su’aasha aan isweeydiiyey waxay tahay meeday
xoriyadii fikrada shaqsi ahaaneed, maadaama ay sheegtaan in ay yihiin dad ama
jamhuuriyad ku salaysan dastuurka dimuquraadiga?. Miyaadse hilmaanteen sida
wanaaga leh ee la idinkugu ogolaaday dhiibashada fikradihiina? Mase
soconaysaa fikradeena dhagaysta, tiinu inaan dhagaysano uma baahnine!?.
Waxaa kale oo nasiib daro ah, in maamulka &
warbaahinta Somaliland ay si nacayb leh ama xushmad daro quursi ku jiro uga
hadlaan soomaalida inteeda kale.
Dhibka aad is hor wadaan waa la’idinla qabay.
Adinkana dhibaataa la idiin geestay, dhibaatana soomaaliya ayaad adinku
ugeeseteen. Soomaalina gabi ahaan dhibaato ayaa soo gaartay. Saas oo ay tahay
ayaa maanta soomaali oodhan idin soo dhoweenaysaa oo idin walaalaysanaysaa,
halka adinku aad magaca Somalia ka cararaysaan.
Ama dowlad iskeed utaagan noqda ama ahaada qayb
soomaaliya ka mid ah, mar walba shacabka waqooyi galbeed & kan koonfur waa
dad isku baahan, walaalo ah, isku luuqad ah, isku dhaqan & diin ah.
Jabuuti oo waa hore xoriyad qaadatay waxay
harsanaysay hooska Jamhuuriyada Soomaaliya, maanta marka ay jabuuti itoobiya
la macaamiltamayso hoos ayeey fiirinaysaa, waayo Jabuuti walaalkeedii weynaa
ayaa maanta ah bukaan socod.
Ugu danbayntii xiriir fiican oo soomaaliya la
yeelataan, ayaa mar walba dan ku jirtaa.
W/Q. Liban Daahir
liban04@hotmail.com
Faafin: SomaliTalk.com | March 13, 2004
Afeef: Aragtida qoraalkan waxaa leh qoraaga ku saxiixan
BOGGA
MAQAALADA DADWEYNAHA EE MAANTA...
XAMAR DAAWO DACALLADA.. SAWIRRO
MAXAY INA
YEESHAY CARTA? [Xariir]
»
Qoraalkii
Idaajaa ee Federaalnimada Soomaaliya [Idaajaa]
»
Dabagal
Qoraalkii Idaajaa ee Federaalka Soomaaliya
[cadoow]
»
Federaalnimada
Soomaaliya: waa Feer iyo faro-laab C/Waxid].
»Jawaab
Maqaalkii "Federaalka iyo Walaalaha Galguduud"
[Saciid H.]
»
Federalka iyo walaalaha Galgaduud
[Shaafici]
»
Soomaalidu
Federaal Ma Qaadan Kartaa [A.Gulleed]
»
Maxaa Sababay
Nidaamka Federaalka [Eng. Axmed]
»
Axdiga Soomaalida Loogu Dhoobdhoobay Kenya
[Tabatiig]
Kulaabo bogga hore ee www.somalitalk.com
| 
Daabaco
Boggan | Print
Fadeexada
Paltalkga: iyo Dulmiga Walaasha Muslimada ah....... GUJI....
