MANHAL CHARITABLE
ORGANIZATION
Blindness Control Program
MASHRUUCA KA HORTAGGA
INDHALA’AANTA
Araggu waa nimcooyinka Rabbi
bixiyo kuwa ugu qaalisan
waxaana dareema qofka
aragiisa waaya iyo qofka
gacanta qabta ee haga.
Indhala’aantu waxay aad ugu
badan tahay dunida soo
koreysa, waddankeenuna waxuu
ka mid yahay meelaha ugu
daran maadaama dawlad dhexe
oo caafimaadka iyo daryeelka
dadka ka shaqeynaysaa aaney
jirin.
Inkastoo aan tiro sugan la
hayn, waxaa la qiyaasaa
waddankeenna in dad ka badan
150,000 ay indho la’yihiin,
dadkaa badankoodana
indhala’aantooda waa la
daaweyn karaa ama laga
hortagi karaa,iyadoo la
adeegsanayo farsamooyin
casri ah oo qiimahooduna aad
u jaban yahay.Waxaa suuragal
ah in qof indhala’ aragiisii
$30 dib loogu soo celiyo,
qalliinka noocaas ah waxaa
lagu sameeyaa UAE $1000.
Maadaama daryeelka caafimaad
ee dalkeennu aad u hooseeyo,
dadka dhaqaalihiisuna aad u
liito waxaa dhacda in lagula
kulmo goobaha qalliinka
indhaha ah ee tabaruca ah
(Free Eye Camp) lagu
sameynayo, dad indhola’aa in
ka badan 20 sanadood,oo ama
gaadhi kari waayey goob
caafimaad ama waayey
dhaqaale indhaha loogu
jeexo.
Si haddaba culeyskaa dadka
taagta daran ee saboolka ah
haysta wax looga qabto ayaa
Ururka Samafalka ah ee
Manhal bilaabay Feb. 2002
mashruuca la dagaalanka
indhala’aanta,kaasoo illaa
iminka indhaha loogu jeexay
dad dhan 3557,laguna
daaweeyey dad gaadhaya
21238, iyadoo lagu qaybiyey
7348 Muraayadood (Ookiyaale).
Iyadoo lagu qabtay 17 hawgal
Caafimaad ( Eye Camp) 14
magaalo oo waddanka ah
kuwaasoo kala ah
Ceerrigaabo (2 jeer),
Lascaanod, Galkacyo (2
jeer), Mogadishu (2 jeer),
Burco, Berbera, Marka,
Goldogob, Hargeisa, Cadado,
Kismayo, Caabudwaq, Gabiley
iyo Baran.
Qorshaha sannadka 2004 ee
Mashruuca la Dagaalanka
indhala’aanta ee Manhal
waxaa weeye in indhaha loo
jeexo dad tiradoodu
gaadhayso 5000 oo qof (eeg
lifaaqa).
Taageeradaada mashruucu aad
bay wax uga bedelaysaa
nolosha qofka indhaha la’ ee
awoodi kari waayey waxuu
indhaha ku jeexdo si
aragiisii u soo noqdo.
Iyadoo nasiib wanaag
dhakhaatiir Soomaliyeed ay
hawshaa qabanayaan iaygoo
isticmaaalaya farsamooyinka
ugu casrisan ee maanta
dunida laga isticmaalo, oo
qofka isha gudaheeda loo
gelinayo lens.
Zekooyinka, Sadaqaatka iyo
tabarucaadkiinu waxay
suuragal ka dhigi karaan wax
aadan iminka maanka ku
hayn.
-
Qalliinka qofka indhaha
la’ waa $30-$50.
-
Qiimaha Muraayadaha (Ookiyaalayaasha)
waa $3.
-
Daaweynta qofka indhuhu
bukaan waa $1.
-
Qabanqaabin iyo fulin
hawlgal qalliinka
indhaha iyo daaweyntiisa
ah (Eye Camp) waa
$8000-$13,000.
Waxii faahfaahin intaa dheer
kala soo xidhiidh:
almanhal@hotmail.com ama
drshiine@hotmail.com
LIFAAQ
Jamciyada samafalka ee Manhal oo ku qabatay mashaariicda indhaha gobolo kala duwan oo ka tirsan dalka .1- Bishii April iyo May waxay jamciyadu ku qabatay mashruuca indhaha magaalada baardheere iyo kismaayo, halkaas oo indhaha loogu fiiqay dad gaaraya 364 qofood , laguna daaweeyay 1183 dadkaas oo aad ugu riyaaqay howshas , gaaar ahaan baardheere oo ahayd markii ugu horeysay ee ay nasiib u helaan mashruucan oo kale baahi badana u qabeen.
2- Bishii May waxay jamciyadu ku qabatay mashruucan magaalada garoowe halkaas oo indhaha loogu qalay 109 qof laguna daaweeyay dad gaaraya 1200 qofood, mashruucan oo socday 2 usbuuc waxaa ka faa'ideystay dad aad u liita.
3- Bishii June 12-17 keedii waxaa mashruuca lagu qabtay magaalada caynaba waxaana indhaha loogu qalay dad gaaraya 128 qof. waxaana la daaweeyay dad gaaraya 504 qof.
4- Bishii June 12- 24 keedii waxaa mashruuca lagu qabtay magaalada laascaanood waxaa indhaha loo qalay 183 qof oo isugu jira 106 dumar ah iyo 77 rag ah, waxaana la daaweeyay dad gaaraya 2100 qof.
Jamciyadu waxay qabatay laga soo bilaabo january 2002 ilaa hadda 22 eye camps waxaa indhaha loo qalay 4883 qof , waxaa la daaweeyay dad gaaraya 30100 qof, waxaa la qaybiyey 10344 muraayadaha indhaha.
Bishan July ee soo socota jamciyadu waxay ku qabanaysaa mashruuca magaalooyinka Afgoye ,iyo Bosaso oo lagu qaban doono 1-14 July.
Mashaariicdaas ay jamciyadu qabatay oo dhan dadka waxaa lagu daaweeyay ama indhaha loogu qalay lacag la'aan, sidaa awgeed jamciyadu waxay ugu baaqeysaa walalaha soomaaliyeed ee dalka dibediisa jooga inay taageeraan mashruucaasna ku bixiyeeb sadaqadooda iyo sakadooda.
Waxaa ka faa'ideystay dad badan oo aad u tabardaran duco badana waa laga helay. Qalliinka qofkii wuxuu kallifayaa 30 dolar oo keliya.
Xoghaynta xiriirka dibeda
Jamciyada samafalka Almanhal
almanhal@hotmail.com
|
|
|