Agaasimaha
Idaacada STNTV C/raxmaan Rooble"STN waxa ay ka
baxday mudo 5bilood ah oo ay ku jirtay………
Agaasimaha
Idaacada iyoTV-ga STN International C/raxmaan
Rooble Ula’yare oo isagu maanta Warfidiyeenada
ugu waramayay Hotelka 680 ee Nairobi,ayaa waxa
uu ka warbixiyay qaabka cusub ee uu u
shaqeyndoono TV-ga STN oo isagu dhawaan
howshiisa laga hirgaliyay magaalada Nairobi.
C/Raxmaan
Rooble ayaa ugu horeyn waxa uu tibaaxay in Tv-ga
STN uu soo maray maraxalado kala duwan,isagoo
maalinba maalinta ka dambaysa ku tilaabsanayay
horumar,haatana uu taaganyahay meel horumar
meeshii ugu sareysa,waxa uuna sidoo kale sheegay
dadka Soomaliyeed meel walba ay joogaan in ay si
toos ah uga daawan karaan Tv-gaan,una yahay mid
caalami ah,iyagoo kala soconkaro dhacdooyinka ka
dhacaa Dalka Soomaaliyeed gudihiisa iyo Shirka
dib-u-heshiisiinta Somaliyeed ee Kenya.
Waxa kale uuna
ka hadlay in STN international uu ka baxay hadda
mudo shan bilood oo uu ku jiray wax uu ku
tilmaamay tijaabo,hadda iyo waxii ka dambeeyana
uu noqon doono mid ay dadka si toos ah ula
socdaan barnaamijyo kala duwan ee uu soo
deyndoono.
Rooble oo ka
jawaabayay Su’aal ay wariyaasha waydiiyeen oo
eheed"Yaa idinka taageero Dhinaca dhaqaalaha ku
baxa TV-ga?" waxa uuna ku jawaabay
sidaan,"TVgaan waxaa iska leh Dhalinyaro
Soomaaliyeed oo ganacsato ah,oo iyagu dhaxda u
xertay sidii ay shacabka Somaliyeed ugu tabin
lahaayeen Dhacdooyinka ka dhaca meel walba oo
aduunka ka mid ah,iyagoo is ticmaalaayo TV-ga
Satellite ah, waxa una sheegay In uu ka mid
yahay Tv-ga STN,TV-yada sida gaarka ah loo
leeyahay ee qaabka horumaray ku shaqeeya,waxa
uuna sheegay in aysan jirin cid ku gacan siisay
dhinaca dhaqaalahaku baxa Tv-ga.
Mar uu
sharxaayay meelaha laga daawan karo waxa uu
sheegay in dadka ku nool qaaradaha Aasia,Afrika
iyo Austeralia ay isku si u daawan karaan iyagoo
ka heli kara Thai com3 Freq Radio 3551TV
3671,dadka Yurub ku noolna waxay ka daawan
karaan Thai 3 Freq 12207,27500 horrizonted,dadka
ku nool North America-na ay ka daawankaraan Glob
cast Chaneld isagoo soo galaya Saacada geeska
Afrika-da Barri marka ay timaamayso 20:00pm.kana
bixi doono 22:00pm.
Asad Cabdi
Axmed (Nasrudiin) Nairobi, Kenya
<nasrudiin5@hotmail.com>