QORAAL MAANTA KA SOO BAXAY XAFIISKA
MADAXWEYNE KU XIGEENKA D/G/KA PUNTLAND MAXAMED CABDI XAASHI.
tuesday june, 22, 2004
garowe(somalitalk)
Qoraal ka oo uu ku amrayay
madaxwayne ku xigeenku in ay wasaaradda maaliyada D/G/ka puntland
bixin karin wax lacag,ah illaa amar dambe.
Qoraalkan ayuu si toos,ah ugu
socday wasiirka wasaaradda maaliyadda D/G/ka Puntland Cabdirixmaan
Maxamud Maxamed (faroole) iyo ku xigeen kiisa.
Qoraalkan ayaa saamayn wayn ku
yeelan doona dhamaanba gobolada ay wasaaraddu la leedahay xiriirka
wada shaqayneed.
Qoraalkan ayuu mar labaad
madaxwayne ku xigeenku ku farayaa saraakiisha ciidamada D/G/ka pl,
in ay hubiyaan hirgalinta awaamiirta ka soo baxday madaxwayne ku
xigeenka ayna tixraacaan qodobada dastuurka Puntland uu nafarayo.
Ciidamada D/G/ka Puntland ayaa ah
kuwo u hogaansan dhamaanba fulinta,hirgalinta ,tixraacida iyo
awaamiirta dowladda, ayaga oo u fuliya sida uu u soo bandhigo in loo
fuliyo maamulkooda.
Mar uu shalay madaxwayne ku
xigeenku u waramayay Somalitalk, ayuu sheegay in ciidamada Puntland
ay yihiin kuwo leh qaab dhismeed maamul ayna yihiin kuwo u adeega
dalkooda iyo dowladooda, qaatana awaamiirta maamulkooda iyo
madaxdooda. Waxa kal eoo uu yiri : Waxaan mar labaad idiin sheegayaa
hadaad tihiin reer Puntland malihidin cadow idins oo weerari kara
waayo waxaad leedihiin ciidamo habaysan idinna difaacaya ayaga oo ka
duulaya dhowrista sumcadiina iyo difaacidda dalkiina.
Waxa ay marwalbaba ka hortagaan
sidii ay u ilaalin lahaayeen amaanka xasiloonida nabadgalyada iyo ka
hortagida anshax xumda iyo wixii khal khal galinaya sumcadiina iyo
nafsadiina.
Waxaan mahad, bogaadin iyo hambalyo
u soo jeedinayaa dhamaan ciidamada D/G/ka puntland.
Waxaa mahad labaad iska leh ilaahii
nawaafajiyay qayrka oo marwalba naga dhowra wixii xun naguna beega
waxa wanaagsan oo dhan.
Intaa kadib waxaan idiin sheegayaa
mar labaad in aad leedihiin khayraad idinku filan oo uu dhulkiinu
leeyahay waxaana jira gobolada Puntland hadii ay damcaan ama isku
dayaan in ay helayaan qorshe ay ku shaqaystaan, hadaan tusaale u soo
qaato gobolka mudug waa gobolka kaliya oo isku filan mana sugaan
hanti ka soo baxda wasaarada oo kaliya ee waxay isku dayaan sidii ay
ayagu siday bal wax u tabcan lahaayeen, ayagana waxaan leeyahay waad
ku mahadsantihiin sida wanaagsan ee aad isu xil saarteen oo
danahiina aad u wadataan.
Dhammaad
WARARKA GOLAHA WAKIILADA DGPL
<><><>
SHIR GUDOONKII GOLAHA WAKIILADA EE
DOWLAD GOBOLEEDKA PUNTLAND.
monday,june,21,2004
garowe(somalitalk)
Waxaa maanta shirkii golaha wakiilada
ee D/Gka puntland uu ka furmay xarunta maamul goboleedka pl, ee garoowe.
Mooshinkii maanta golaha wakiilada ayaa
waxaa gudoominayay gudoomiyahay golaha wakiilada D/G/ka pl, Ejn: Yusuf
Xaji Siciid ayna fadhiyeen 46, mudane waxa ayna ka doodayeen
waajibaadkii saaraa golaha wasiirada in ay guteen iyo in kale.
Dood dheer kadib golaha wakiilada waxa
ay isku raaceen inaysan xukuumadu gudan xilkii iyo waajibaadkii
dastuuriga ahaa.
Intaa kadib ay golaha wakiiladu isku
raaceen in ay cod u qaadaan codkan oo ah cod lagala noqonayo xasaanadda
golaha wasiirada waxaana u codeeyay in lagala noqdo xasaanadda 44,
mudane halka ay ka diiday 2, mudane oo kaliya.
Gudoomiyaha golaha wakiilada D/G/ka pl,
ayaa sheegay in maantay laga bilaabo aysan haysan golaha xukuumadda wax
xasaanad ah, loona baahanyahay in madaxwaynaha iyo madaxwayne ku
xigeenkuba ay ku soo dhisaan muddo 21,casho gudaheeda sida uu qorayo
dastuurka u yaala wadanka.
Sidoo kale waxaa iyana mooshinkii
maanta cod aqlabiyad ah xasaanaddii uu uga qaday golaha wakiilada hanti
dhowrka guud balse uu ka duwanaa kan golaha xukuumada uuna yahay qodobka
33+1 cidda laga qadayana ay tahay gudoomiyahooda kaliyz waxaana isku
raacday in laga qaado xasaanadda 39,mudane halka 6, mudane ay ka diiday
1, mudanna uu isaga aamusay.
Kulankan maanta yaa mooday mid ay u
dhamayeen golaha wakiilada kala noqoshada xassaanadda golaha xukuumada
iyo hanti dhowrka.
<><><>
KALFADHIGII 11,NAAD EE GOLAHA
WAKIILADA D/G/KA PUNTLAND.
monday,june,21,2004
garowe (somalitalk)
Kalfadhiga golaha wakiilada D/G/ka
Puntland oo manta ka furmay xaruta golaha wakiilada D/Gka ee Garoowe
ayaa ahaa kii kow iyo tobnaad.
Kalfadhigan oo ay ka soo qayb
galeen golaha xukuumada, taliyaha ciidamada iyo dadwayne aad u
farabadan.
Kalfadhigan ayaa waxaa furay
madaxwayne ku xigeenka Puntland ahna siihayaha xilka madaxwaynaha
Mudane Maxamed Cabdixaashi.
Madaxwayne ku xigeenka ayaa
hadalkiisii ku bilaabay.
Kalfadhigan waxa uu la midyahay
kuwii hore ee aannu isugu imanjiray lakin waxaa jira xoogaa xiisada
oo uu kaga duwanyahay kuweenii hore.
Waxaajira sida aad la socotaanba in
mudo ahaydba in ay jireen cadow ay leeyihiin dadka reer Puntland,
ayna wax isla dhaaf dhaafayeen iyagoo cadowgaasi hilmaamay in D/Gka
pl, ay leedahaydastuur qof kasta ka sareeya ayna dadkeedu ku he
shiiyeen dastuurkaas oo isagu ah kan hagaya.
Waxaa si gaara aan dareemayaa in pl
ay leedahay ciidamo daacad u ah adeega wadan kooda iyo wadankooda in
kastoo ay jiraan dhibaatooyin yar yar, ciidamadaas oo cidwalba u
muujiyay muruqa ay leeyihiin.
Maxa uu madaxwayne ku xigeenk
intaasi raaciyay waxaan mar labaad hambalyo u soo heedinayaa
ciidamad oo iyagu ah kuwo hor is taiga cid kasta oo amaanka wax u
dhinta iskuna dayda in ay dacaayad samayso.
Waxaa jiray dad oranaya in aysan
jirin labadii sano ee loo kordhiyay golayaasha dowlada in aysan wax
ka jirin labadaa sano ee la kordhiyay golayaasha dowlada, waxaa
awood u lahaa shacabka reer pl, taasoo ay awood u lahaayeen
kordhinteeda tana ay awood u leeyihiin in ay kordhiyaan waayo waa
dastuuri sidaa darteed markii golahani uu kordhiyay labadii sano
madaxwaynuhu wax uu saaray fiito.
Isagoo xaq u leh fiitadii uu saaray
isagoo aqoonsan golaha barlamanka in uu xaq u leeyahay balse ay u
arkeen fiitada madaxwaynaha in aysan dan u ahayn wadanka iyagoo is
ticmaalaya 3,meelood, 2, meel ay ku diideen isagoo sheegay in loo
baahanyahay in la samaysto maxkamad dastuuri ah si ay u noqoto
meeshii lala tagi lahaa wixii la isku qabto.
Kadib madaxwaynaha waxaa isna ka
hadlay gudoomiyaha golaha wakiilada:-
Ejn: Yusuf Xaji Siciid waxa uuna
shegay in pl, aysan ku haboonayn beelo danbiday in ay samaystaan
dowlad isagoo ka duulaya balantii iyo axdigii ay dhigteen oo ku
salaysnaa dastuurkooda.
Mar uu kahadlayay kordhinta
golayaasha ayuu sheegay in aysan ahayn mid ay jeebkooda kala soo
baxeen kadibna ay meel marinayaan balse ay tahay wadatashi shexmaray
dowlada iyo dadwaynaha reer pl, ayna u tixgalinayaan danaha
ummadooda.
Mar hadii xukuumadii natiri lacag
mahayno abaaro iyo colaado jira owgood side baynu barlamaan ku
dooran karnaa taas waxaan uga golleeyahay dad ayaa waxay wali ku
adkaysanayaan labada sano baarlamaanka kaliaya ayaa kordhistay balse
anagu waxaan diyaar u nahay in aan ka dareerno ee yaan u dhiibnaa
hadii uusan baarlamaan jirin iyo dastuur afti looqaaday dalkuna
yeelan mayo dastuur aan afti looqaadin.
sahrasiglan siglan
sahrosiglan@mail.com