Qoraal ay Beesha Maxamuud Hiraab u
dirtay Guddiga IGAD!!
-
Ku: Guddiga Fududeynta
Shirka nabadeynta Soomaaliyeed
-
Ku: Guddoomiyaha
Guddiga Fududeynta shirka nabadeynta Soomaaliyeed
Mar. Bathuel A. Kiplagat
-
Ku: Dhammaan
Siyaasiyiinta iyo duubabka Beelaha Hawiye
-
Og: Dhammaan deeq
bixiyeyaasha shirka nabadeynta Soomaaliyeed.
Ujeeddo: Been abuurid
Guddiga xallinta Khilaafaadka Beelaha Hawiye
Mudanayaal:
Waxaan la socodsiineynaa
dhammaan Guddiga fududeynta shirka ee IGAD, Guddoomiyaha
Shirka Mr. Bathuel A. Kiplagat, siyaasiyiinta, duubabka
Beelaha Hawiye iyo deeq bixiyeyaasha in aysan jirin
Hawiye soo magacaawday xubnihii Guddiga xallinta
khilaafaadka ee laga sugayay Beelaha Hawiye. Sidaa
daraadeed annaga oo ah siyaasiyiinta, waxgaradka iyo
duubabka dhaqanka Beesha Maxamuud Hiraan (Duduble)
waxaan caddeyneynaa ineynaan wax ka ogeyn, ayna yihiin
wax kama jiraan liisas ku sheegga aanu fahamsannahay in
ay gudbiyeen dad dano gaar ah wata oo ka soo horjeeda
wada jirka iyo wada tashiga Beelaha Hawiye, taas oo si
cad uga soo horjeeda go’aankii ay wada gaareen
Wasiirradii Arrimaha Dibadda ee Dowladdaha IGAD iyo
siyaasiyiinta iyo duubabka Hawiye 22/05/2004. Ugu
dambeyntii, waxaan soo jeedineynaa in si weyn looga
hortago dhaq-dhaqaaqa marin habaabinta ee ay wadaan kuwa
caadeystay kooxeysiga aan sharciga ahayn, uuna dhibayo
wada jirka, horumarka iyo fududeynta howlaha shirka.
Waxaa qoraalkan ku
saxiixnaa:-
-
1. Ugaas Muxidiin
Ugaas Faarax
-
2. Cabdulle Faarax
Xirsi (Cawooleey) MP/TNG
-
3. Cabdi Qani
Cismaan C/lle MP/TNG
-
4. Cabdi Wehliye
Afrax (Nabadoon)
-
5. Mire Colaad
Cawaale (Nabadoon
-
6. Farxaan Cali
Maxamuud (CFS/CMS/MBA)
-
7. Drs. Sahro
Ashkir Guuleed
-
8. Sahra Ugaas
Faarax ( Civil Society delegate)
W/D Amiin Yuusuf Khasaaro
E-Mail
amiinkhasaaro@hotmail.com
SIMINNAAR AAN NOOCIISA
HOREY LOOGU QABAN MAGAALLADA MUQDISHO OO AY QABATAY
SHIRKADDA SAALIM GROUP
Maalinnimadii Talaadada
ahayd ayaa hoolka weyn ee dugsiga sare ee Imaamu Shaafici
waxa ka furmay Siminnaar lagu baranayay qalabka daabacaadda
gaar ahaan Copy Printer, Siminnaarkan oo la soo gabagabeyn
doono maalinta berri ah waxaa soo qaban-qaabiyay Shirkadda
ka ganacsata Qalabka daabac-aadda ee loo yaqaan Saalim
Stationery. C/casiis Xasan Yare oo ah guddoomiyaha
Shirkadda Saalim Stationery oo furitaanka Siminnaarkan ka
hadlayay ayaa sheegay in hadafkoodu uu yahay sidii dadka
Soomaaliyeed ee ku shaqeeya Qalabka daaba-caadda ee Copy
Printer-ka u heli lahaayeen aqoon durugsan oo ku saabsan
qalabkaas. Guddoomiyuhu wuxuu xusay in ay keeneen Khabiir ka
socda shirkadda Riso Graph CR oo sameysa qalabyada casriga
ah ee daabacaadda sida: Copy Printer-rada, Photocopy-yada
iyo Makiinadda lacag tirisada ah oo ay isticmaalaan
Bankiyada. Khabiirkaan oo u dhashay dalka Pakistan ayaa ka
soo qaybgalayaasha oo kor u dhaafayay 25-qof siinayay duruus
la xiriirta qaabka ugu habboon ee loo isticmaalo Copy
Printer-ka.
“Waa markii ugu horreysay ee
dalka laga sameeyo siminnaar noocan ah” ayuu yiri C/casiis
Xasan Yare oo intaa ku daray in kharashka ku baxaya
siminnaarkaan iyo keenista khabiirkan ay dusha u riteen
shirkaddiisa. Mudane C/casiis waxa kale oo uu sheegay in
siminnaarka ay qayb ka tahay in Khabiirka ka socda shirkadda
Riso Graph CR uu maanta oo khamiis ah ardayda hortooda ku
sameyn doono Mashiinnada ay shirkaddaasi sameysay oo
cilladaysan ee magaalada yaal. Mid ka mid ah ka
qaybgalayaashii siminnaarkan oo maanta la hadlayay wargeyska
Ayaamaha ayaa sheegay inuu ka helay duruus aad u wanaagsan
oo uusan horay u aqoon, isagoo sheegay inuu makiinaddan
isticmaalayay dhowr sano Isagoo sheegay inuu makiinaddan
isticmaalayay dhowr sano, laba maalmood gudahoodna uu ku
helay Macluumaad uusan horay u aqoon, taasoo u fududeyn
doonta hadda wixii ka dambeeya shaqadiisa. Shirkadda Saalim
Stationery waxay ka ganacsataa dhammaan qalabyada kala duwan
ee daabacaadda, iyadoo shirkaddani ay hadda wixii ka
dambeeya ay dalka keeni doonto qalabyada ay soo saarto
shirkadda Riso Graph oo ay ka mid yihiin Copy Printer-rada,
iyadoo shalay hoolka daruustu ka socoto lagu soo bandhigay
nooc cusub oo Copy Printer-rada ah oo aad u qiimo jaban oo
ay soo saartay shirkaddani, dalka ay si joogto ah u keeni
doonto shirkadda Saalim Stationery
W/D Amiin Yuusuf Khasaaro
E-Mail
amiinkhasaaro@hotmail.com