|
Kornayl C/hi oo Carta (ka
mid) noqday
C/Waaxid C/hi Khaliif
London, UK
cabdulwaxid@hotmail.com
|
I I D H
E H
|
|
GUJI HALKAN.......
Abdiqassim Salad Hassan,
iyo Abdullahi Yusouf Ahmed oo gacanta is haysta, kulankii Nairobi ee January 9,
2004 (Sawirka: Reuters)
|
Ilaah baa mahadleh. Nabadgelyo iyo naxariis
Nabi Muxamed korkiisa ha ahaato.
Haddaad dib u akhrisaan
Allpuntland maqaalladoodii 2001 waxaad arkaysaan, ma jiro isim, oday
dhaqameed, caaqil ama sarkaal caan ah oo Putnland lahayd ilaa waxay ugu
yeereen Cartaad tihiin!
Waxaan arkayey nin
internentka wax ku qor-qora oo yiri Soomaalidu waa xoolo. Horta waxay ahayd
inuu dadka kala saaro. Soomaalidu waa wax-walbaale. Ninkii dagaal-ooge raaca
waad dhihi kartaa waa xoolo ama xoolahaa dhaama maxaa yeelay xooluhu waxay
raacaan jidkii loo abuuray. Laakiin Soomaalidu Sheekh, Shariif iyo kuwa shar
badanba waa leedahay.
Sanadkii 1997 markii
xisbiga la yiraahdo Tory (Conservative) ee waddankan Britian looga adkaaday
doorashadii oo xisbiga shaqaaluhu soo baxay ayaa waxaa u tartamay jagada
guddoomiyaha xisbiga muxaafadkaa (Conservative) rag door ah oo ay ka mid
ahaayeen Kenneth Clarke oo Chancellor ahaa, William Hague, John Redwood iyo
kuwo kale. Markii xaaladu meel xun ka daganayso ayaa waxaa heshiiyey Kenneth
Clarke iyo John Redwood si haddii Kenneth Clarke uu guddoomiye usoo baxo uu
John u helo jago fiican xisbiga mucaaradka dhexdiisa haddii Ilaah dowlad
mustaqbalkaa u sahlo. Laakiin waxaa la arkay warbaahintii Ingiriiska oo la
yaabtay isku-soo dhowaanshaha labada nin ilaa ay joornaaladu qaar siiyeen
cinwaan ah“A marriage from hell”. Waa la ogaa wixii labadii nin qabsaday oo
waxay noqotay inay meesha ku hungoobeen oo William Hague uu ku guulaystay
guddoomiya xisbiga muxaafadka. Laakiin isaga laftiisa iyo guddoomiye kale oo
kagii dambeeyey xisbiga muxaafadkaa waxba ma helin oo waa salfatay.
Taloow muxuu C/hi dadka uga
cayrsan jiray C/Qaasim haddiiba hadda la leeyahay waxa jira qurbo-sireed aan
la aqoon meelay Nairobi kaga dhacayso oo la qariyey. Soow sheekadu u ekaan
mayso tii Soomaalidu ka sheegtay haweentii aragtay gabadheedii oo nin
kufsanayo oo inta qaar (bud/dhamas) la soo oroday markay damacday inay ninka
gabadha ka kiciso dabadeed uu ninkii islaantii lafteeda inta qal iyo
labo-daan ku dhegay iyada lafteedii wax ka dayey.Sidoo kale markay gabadhii
aragtay ninkii oo islaantii ku rarran, markeedii qaarta qaadatay oo markay
dhowr jeer ninkii huwisay, habartii tiri: hooyo qoodha lama dilo! Shoow C/hi
wuxuu dadka ka cayrsanayey inuu C/Qaasim u noqdo ra’iisulwasaare. Hadday
noqoto in C/Qaasim uu yahay ninka ra’iisul wasaare doonkaa waxaan filayaa
inaan C/hi Yuusuf xaal siin doono oo aanan mar dambe maqaal ka qorayn.
Soowse sidii Kenneth iyo John Redwood ku dhacday lagama yaabo inay meesha ku
hungoobaan marka SRRC iyo golaha samatabixintu arkaan nimanku inaysan ahayn
kuwo la aammini karo marba hadday saaxiibadoodba ka dhuunteen. Waxaa kaaga
sii daran kornaylku Maxamed Dheere iyo Aadan Madoobe oo aan u qaatay inay
yihiin labo nin oo aan hadal la gabban wuxuu u diray “sambuus afar gees leh”
micnaha waa isdhaafiyey si ay qudo-sireedda siyaasadeed u dhacdo.
Waxaa la sheegaa in
madaxweynihii Maxamed Siyaad oo waddo Xamar ah maraya arkay sar dheer oo
meel fiican laga dhisayo markaasuu weydiiyey cidda sartaas dhisanayna
markaasaa lagu yiri hebel, waa nin wasiir ahaa. Maxamed Siyaad wuxuu yiri
hebel wax ma xado ha iga harto. Waxay ila tahay odayaal badan iyo anigaba
inaan mar dambe naloo celin doonin shaabbaddii ahayd Carta. Maxaa yeelay mar
haddii odaygii noogu weynaaba
caawa
C/Qaasim marti u yahay.
C/Waaxid C/hi Khaliif
London, UK
cabdulwaxid@hotmail.com
AFEEF: Aragtida qoraalkan waxaa leh qoraaga ku
saxiixan
Faafin: SomaliTalk.com |Jan 17, 2004
QORAALADII HORE EE CABDULWAAXID
Wada-shaqayntu
Waa Furaha Guusha.. GUJI
| 
