Abdifatah Hassan Adan

Hargeysa

Email: cabdifataax_96@hotmail.com 

Sheekadan waxay ka dhacday dalka Maraykanka markii ay is barteen ninka la yidhaahdo Eric Kay oo Ingiriis ah iyo Lorita Lojan oo maraykanka ah sannadku markuu ahaa 1952, iskuna dirijirey waraaqaha, da'dooduna ahayd Eric oo 12 jir, Loritana ay ahayd 11 jir.

Labada qof ee is jeclaa dib iskumay arag ilaa sanadku markuu ahaa 1980, markaas oo gabadha Lorita, u dhooftay dalka Ingiriiska si ay uga tacsiyadayso Eric oo xaaskiisi dhimatay, intaa ka bacdi ayuu xidhiidhkoodi iyo jaceylkii ay isu qabeen sii adkaaday, laakiin guurkoodi wuxuu dhacay sanadka 2003.

markii la waydiiyey sababtu, waxay yidhaahdee, waqti ayaanu isa siinay si aan barashada u adkayno.

Gabadh u dhalatay dalka Shiinaha ayaa dhakhtar ku dhashayilma yar oo daba daayeer leh, kuna taallo badhida dusheeda.

Arrinkan wuxu kaga yaabiyey dhaakhtiirtii oo dhan, kana bixin kari waayeen tafasiil, se waxay ku gadheen sidii looga jari lahaa dabada ku taalla ilmaha yar, si aanay dhibaato ugu keenin, mida kale qaanuun baa u yaala dalka shiinaha in reer kasta uu yeesho ilma keliya.

Nin ingiriis ah oo mujirim khadar ah ayaa la yaabay marka uu ku arkay magaciisa liis 10 qof ah oo ka mid ah Mujirimiinta ugu waaweyn ee Boolisku fiira dheer u yeesheen.

Laakiin markan may aheyn mid dadka loo digayo, ee waxay ahayd kaadh (post) loo soo diray munaasabada ciidda jaceylk, markii ay soo gaadhay warqadan uu is yidhi fur ayaa gabadh uu jeclaa oo la joogtay ay tidhi aniagaa furayaa, markii ay furtay wuxuu ku arkay wadne far cas lagu qoray iyo hadalo jaceylka ku saabsan, cadho xun baa soo gaadhay waxaanay qaadatay haashtari xadiid ah madaxana ay kaga dhufatay, dhaawac weyna soo gaadhay ninki.

Ninkii tuuga ahaa dacwada ayuu furtay, isaga oo ku eedaynaya booliska in sabab u yhiiin dilkaa soo gaadhay, dalbadayna mag dhow, Laakiin maxkamadii qaadaysay dacwadani way diiday dalabka tuugaas, waxaanay ku tidhi kaarka ciidda jaceylka ee laguu soo direy niyad wanaag ayey ahayd, se waxa ku diley Hinaase Dumar.

Maxkamada ku taala magaalada Berlin ee dalka Jarmalka ayaa go'aansatay in nin shaqaale dhisme ah la geeyo dhakhtarka waalida si loo daweeyo, markii uu xaday 125 Kaatun oo dahab ah, kana xaday dukaanada dahabka iibiya falkan tuugada ah markii uu xaakinku weydiiyey sababta ula kacay ninkaas, wuxuu yidhi waxaan jeclahay gabadha la yidhaahdo Klodia Shifar oo xayeysiisa dharka cusub.

waxaanan u soo xaday tiradaas si ay gabadhaas uga baadhato midda farteeda ku haboon, anigoo aan qiyaasta fateeda garaneyn.

Markii wax laga weydiiyey Klodia NInkaas jecel, waxay ku jawabtay waxba kama ogi jaceylka ninkaas, waxaan filayaa inuu waashay.

dhacdada kale ee ruux la yaabo waxay noqotay qof u dhashay dalka Shiinaha oo la yidhaahdo Jiin Song Haw oo 48 jir ah, ayaa tartan loo qabtey dad dhex taagnaan doona dhul baraf ah oo 29 digrii ka hooseeya sifirka oo dhabarka qofka la qaawinayo, ayaa ku guulaystay.

Ninka markii uu taagnaa muddo 4 sacadooda, mar wax laga weydiiyey sida uu ugu noolaan karo barafkaas, wuxuu yidhi tobabar gaadhaya 10 sanno ah kuna ordi jiray, cuntada uu cuni jirayna ka koobnayeen hilib adhi, cunto badeed, malab iyo tufaax.

Waxa yarna aynu u kacno dalka eraan, aabo u dhashay dalka eraan, oo 34 jir ahaa aya inankiisu dugsigyada wax laga barto dhigta ku diley markii uu madax gidaar ugu dhuftay aqalkiisa ah, isla markiibana uu geeriyooday sababtuna waxay ahayd, markii uu wiilkaasi Imtixaankii dugsiga wax uu ka baranayey dhimay darajooyinkii loo baahnaa hal maado keliya, balse intii kale si wacan u gadbey.