Al-Hassani
abuzuhri1@hotmail.com

Qofna majeclo in lagu dhaho: “Waxaad tahay sidaas iyo sidaas…” walow uu sidaas yahey arinka,waxaayna kugu reebta dhibaato nafsiyan ah. Dadku ayagoon diyaar u’aheyn in wax laga sheeko ayey hadana kudhiiradaan dadka kale in wax lagasheego, waxaayna kaqaadan argagax haddii lagu qabto isagoo wax kasheegaya ama lasoo sheego!

Maxaad unaceybtahey in wax lagaa sheego adigoon cidna bad-badin? Malaha waxad aminsantahey,inaad adiga oo kali ah saxantahey! Ama xaasidnimo ayaa kugu jirta oo cidina waxba uma ogalid!

Haddii sidadban kugu soo gaartey in wax lagasheegey, walow waxaad taheyba Allaha kadhigee, dhiiga ayaa kugu kacaya adigoo kudiirsada wax kasheegista dadka kale.

“Jaahil baad tahey,dabeecad malihid, garta mataqaanid sida rido…..” Dhulka ayaa kula wareegaya oo waxaad diyaarsata jawaabtii aad kabixin laheyd.

“Aqoonyahan baad tahey, qof dabeecad fiican baad tahey, geesi baad tahey…” waad kudiirsata adigoo og inaay arinta sidaas aheyn ee aad jeceshahey amaanta oo kali. Xumaanta kama agfogaatid adigoon raali ka aheyn in lagugu sheego, wanaagana maraadisid adigoo raba in lagugu tilmaamo! Waxaad naga rabta waxaanad uqalmin!

1.Dhanka abuurka, sida adigoo laguugu tilmaamo inaadan quruxsaneyn(waa sida uu qofkaas kuu arko walow aad tahey qof quruxsan walow aad quruxsantahey marka laguu eego qofkale).Ama lagugu tilmamo inaad gaabantahey kadibna ceeb lagaaga dhigo.Waxaas oo dhami waa amuuro jira kana sareeya awooda aad leedahey oo eed kuma lahid.Qofkii arintaas kugu durana isaga ayaa danbi faraha lagaley.

2. Ama wax laxariira akhlaaqda,sida adigoo laga aaminsanyahey inaad beenaale tahey ama dabeecad xuntahey. Kaba soo qaad inaad tahey sida lagugu sheegey,laakinse waxaad isweydiisa sidii aad wax ugu qabanlaheyd waayo waa cilid aad awood uleedahey inaad badashid; haddii lagugu durana dadku xaqbey uleeyihiin waayo wixii xun waa lasheegaya walow ay kudhibeyso, Allahna haku eedeynin oo hasoo daliishan inuu Allah kuu abuurey sidaas!

Tusaale ahaan, haddii lagugu heysto inaadan cilmi laheyn , horey qalinka iyo buuga uboob, haddii laguyiri waxaad tahey “Beenaale” dib dambe ha’usheegin been ilaa lagugu barto runta sidii lagugu bartey been.

Waxba dagaal ha’ugalin inaad dadka qaardood taageero karaadisid adigoo kadhaadhicinaya inaadan aheyn wixii lagugu sheegey ee ladoonayo in sumcadaada wax loo dhimaya.

Somalida waxaay sheegta in gobonimadu udhalasho tahey.Waa jaanis kuseegey haddii uu aabaha kuu dhaafin! Waligaba gab-gable meesha ragbey uxirantahey! misadaasba mise waa nin iyo dadaalkiis?

Dhabcan jawaab uma baahno laakinse dadku waxaay kudhaqmaan runta cagsideeda.

Su’aal kale,Somalida maxaay utaqaan gobonimo? Markaan fiiriyey waxaa soo baxdey in gobonimadu aan unaqaan waxaanu micnaha ereyga kutuseynin. Tusaale ahaan, marka laguyirahdo, wiilkaan waxaa dhaley nin gob ah, oo aad dib ufiiriso waxa uu aabahiis kumutey sharaftas, waxaad ogaaneysa inuu ahaa hogamiya duulaanka lagu qaadayo dadkale ee somaliyeed oo looba haysto geerida kumanaan qof, ama inuu ahaa aftahan dadka xaqooda duudsiyo, ama inuu yahey siyaasi beenaale ah oo dadka kula nool “kala qeybi oo xukun”. Ayadoo sidaas tahey, waxaa lasiiyey darajada ugu sareysa ee ay Somalida bixisa(Somali noble price).

Intaas waxaa dheer inuu kudhintey isagoo hogaaminaya dagaal sokeeyo oo ay udheertahey inuu waligiis wajiga dhulka udhigin Allah. Ha hilmaamin, marmarka qaarkood,wuxuu usharaxanyahey ,darajada owliyanimada oo qabrigiisa ayaa lasiyaarta.

Al-Hassani
abuzuhri1@hotmail.com

 QORAALADII HORE EE Al-HASSANI

Faafin: SomaliTalk Jan 5, 2003

Afeef: Aragtida qoraalkan waxaa leh qoraag aku saxiixan