Janaayo 30, 2004
Maxkamadda Sare Ee Kanada oo Xukuntay in Edbinta Caruurta Loo isticmali
Karo Xoog Macquul ah
Dood dheer oo ku saabsan edbinta caruurta oo in mudo ah
hortaalay maxkamadaha Kanada ayaa ay maanta Maxkamada Sare ee Kanada soo
afjartay ka dib markii ay soo saartay go’aankii ugu danbeeyay ee doodan.
Doodan ayaa waxa ay ku saabsanayd xaqa ay waalidka iyo macalimiintu u
leeyihiin in ay ubadka gacan ku edbin karaan iyo in kale.
Sabata keentay qadiyadan
Qadiydan ayaa waxa ay ku bilaabantay markii
koox u dooda
xuquuqda ciyaalka iyo dhaliinyaradu ay ka codsadeen maxkamadaha Kanada in ay
buriyaan qodab ka midda sharciga Kanada oo u fasaxayay waalidka iyo
macalimiinta in markii ay baahi timaado ay edbinta caruurta u isticmaali
karaan xoog macquul ah. Qodobkaas oo ah qodobka
43 ee qaanuunka ciqaabta ee
Kanada ayaa waxa uu macalimiinta iyo waalidkaba u ogolaanayay in ay
isticmaali karaan xoog macquul ah hadii ay rabaan in ay toosiyaan anshax
xummada ciyaaalka ay masuulka ka yihiin.
Ururkan xuquuda ciyaalka u dooda oo la yidhaa “The
Canadian Foundation for Children, Youth and the Law” ayaa iyagu maxkamadaha
kaga hor dooday in garaacista caruurtu ay ka hor imanayso xuquuda ciyaalku ay
ku leeyihiin mujtamaca. Mujtamacu waa in ay caruurta ula dhaqmaan sida ay ula
dhaqmaan dadka waaweeyn. Garaacida qofka wayni waa danbi mujtamaca dhexdiida
sidaas oo kale waa in ay garaacista caruurtu noqotaa danbi ayay kaga hor
doodeen maxkamadaha wadankan.
|
From the Criminal Code of Canada: |
Protection of Persons in Authority
43. Every schoolteacher, parent or person standing in the place of a
parent is justified in using force by way of correction toward a pupil or
child, as the case may be, who is under his care, if the force does not
exceed what is reasonable under the circumstances. R.S., c. C-34, s. 43.
|
Wasaarada cadaalada ee Kanada, ururo waalidiintu leeyihiin
iyo ururada macalimiinta ayaa waxa ay iyagu ku doodayeen in sharcigan sidiisa
loo daayo oo aan la taaban, sababtu bay yidhaahdeen hadii sharcigan la buriyo
waxa dhici doonta in waalid caruurtooda la doonayay wanaag ay noqdaan
danbiiyayaal. Waxa kaloo ay keenaysaa in macalmiintu aanay awood u yeelan
doonin in caruurta edabta daran ee fasaladooda ku jirta ay edbiyaan. Waxa
kale oo ay keeni kartaa ayay ku doodeen (macalimiintu) in caruurta isku
laynaysa iskuulka hortiisa aanu macalinka arkayaa awood u yeelanayn in uu
kala qabto, waayo waxa uu ka baqayaa in caruurtaasi ay ku soo oogaan dacwada
ah in uu faraha ula tagay. Taas oo bay yidhaahdeen mushkilad xaga qaanuunka
ah u keeni karta macalinka.
Go’aankii Maxkamada racfaaanka Onatrio
Maxkamada Racfaanka ee gobolka Ontario ayaa January 2002
aragtidan waafaqday waxaanay xukuntay in uu qodobkani waafaqasnayahay
dustuurka Kanada. Xukunkaa maxkamada racfaanka ah ka dib waxa ay ururkan
caruurta u doodaa racfaan u qaateen Maxkamada Sare ee Kanada taas oo maanta
soo saartay xukunkii ugu danabeeyay ee doodan.
Go’aankii ugu Danbeeyay
 Lix xaakim oo ka mida xaakimiinta maxkamada sare ee Kanada
ayaa ogolaaday in qodobkani uuna ka hor imanayn dastuurka Kanada marka ay
sadexna ay go’aamiyeen in uu khilaafsanyahay dastuurka wadanka. Maxkamadu
waxa ay xukuntay in xoog loo isticmaali karo edbinta caruurta da’doodu u
dhaxayso 12-14, laakiin waxa ay sheegtay in xoogaasi uu noqdo mid macquul ah.
Waxa ay danbi ka dhigeen in caruurta lagu garaaco SUUN
(belt) iwm. Sidaas oo kaleeto waxa ay sheegeen in aan la aqbali karin in
caruurta madaxa lagaga dhufto dhirbaaxo xoogan, feedh, iwm.
Isku soo duub oo sharcigani waxa uu suggay xaqa uu u
leeyahay waalidku in uu caruurtiisa edbiyo. Laakiin waxa uu xadeeyay xaqaas.
Waalidka Soomaaliyeed ee wadankan ku dhaqanina waa in ay ogaadaan xaqaa isla
markaana ay la socdaan xuduudkaa aanay dhaafi karin ee sharcigani dhigay si
aanay danbiilayaal u noqon isla markaana aanay caruurtoodu gacantooda uga
bixin.
| CILMI BAARIS: CARRUURTA LABADA
LUQADOOD KU HADLA |
|
RedNova News : Children Raised Bilingually May Be Smarter
More.... |
Siciid Cali Axmed
Ottawa, Kanada
Saidahmed67@aol.com
Faafin: SomaliTalk.com | Jan 30, 2004
<><><>
AABBE SOOMAALIYEED OO 18 SANO LAGU XAKUMAY DHIMASHADII
GABADHIISA AWGEED
MINNESOTA | USA
Maxkamad ku taal Minnesota ayaa waxay khamiistii (Jan 29,
2003) xabsi gaaraya 18 sano iyo sagaal bilood ku xakuntay Said Moussa Gouleed
oo 35-jir ah dhimashadii gabadhiisii
6-da toddob
aad jirtey awgeed.
Waxaa maxkamada laga akhriyey saddex warqadood oo lagu
taageerayey Saciid Muuse, warqadahaas oo muujinaya in uu Saciid Muuse yahay
nin wanaagsan. [ Warkaan
oo faahfaahsan oo Ingriisi ah: PioneerPress]
WARKII HORE EE
SACIID MUUSE IYO DHIMASHADII GABADHIISA KA AKHRI HALKAN...
Faafin: SomaliTalk.com | Jan 30, 2004
.
XAMAR DAAWO DACALLADA...
SAWIRRO....
Kulaabo bogga hore ee www.somalitalk.com
| 
Daabaco
Boggan | Print
