DIGNIIN KU SOCOTA: DAAHIR RIYOOLE IYO MOORTAAN WAQOOYI

Daabaco Boggan | Print Filimada anshaxa xun, ruugidda Qaadka iyo isticmaalka Daroogadu Saamayn intee le'eg Bay ku Leeyihiin Faafidda Cudurka AIDSKA ee Soomaaliya.. Guji...

 Dab munaafaq shidey muumin baa ku gubta; Daahir Riyoole waa masuulka ugu sareeya Dowlad ku sheegta W/Galbeed!!, waana ninkii bilaabey qul quladaha maanta ka jira gobolada Sool, Sanaag iyo Ceyn!!. Wuxuu in badan ku celceliyey inuu dagaal qaadayo!!, wuxuu Baarlamaanku sheegiisa ka dalbaday inay ku taageeraan mowqifkiisa ku jawahan gobolada bariga!!.

Hogaamiye Daahir Riyoole iyo mooryaanta ka amar qaadata waxay shalay xabsiga u taxaabeen Boqor Cismaan "Buur madow" isagoo jooga Hargeisa Club. Boqor Buurmadow waa nin soomalida inteeda badani u aqoonsantahay inuu yahay "Nin Nabeed", waayo wuxuu soo afjaray khilaafaadkii u dhaxeeyey Cabdullahi Yuusuf Iyo Gen. Cade Muuse. Wuxuu kaloo ku howlan yahay xal u helida khilaafaadka maanta jira, wuxuu aduun weynaha u sheegay in Daahir Riyoole aabe ka yahay fidmada maanta aloosan. Waxaa kaloo xabsiga loo taxaabey Col. Baashe oo wasiir ka ahaa Maamulkii Ina Cigaal, xidhitaanka labada masuul, maamulka Daahir Riyoole wax jawaab ah kamay bixin. Sidoo kale waxaa isa soo taraya cabashada iyo qoylo dhalaanka soo yeedhaya maatada iyo caruurta iskuulada ka dhigta Boorama iyo Hargeisa ee u dhashay beesha Dhulbahante.

Daahir Riyoole wuxuu ahaa masuul ka tirsan Hay'adii Nabad Sugida (NS), wuxuuna shacabka Reer Hargeisa ka galay guuldarooyin aad u badan, wuxuu ka qeyb qaatey xasuuqii dadkii reer somaliland ee lagu laayey Berbera, wuxuu hogaaminayey ciidamadii NSS-ta ahaa ee ka howla galay Gobolada Waqooyi, isagaa diidan is xaqiiqda jirta daaha laga rogo, wuxuu goobo badan kaga hanjabey in cidii lagu maqlo 1) Faqash, (2) talaabo sharci laga qaadi doono.

Daahir Riyoole wuxuu ku fashilmey siyaasada dibada iyo tan gudaha, wuxuu sii kala fogeeyey beelihii wada noolaa, waxaa la rumeysan yahay in Beelaha Dhulbahante iyo Warsangeli 90% raali ka ahaayeen siyaasada somaliland cahdihii Ina Cigaal, maanta waxaa la rumeysan yahay in 99% yihiin Puntiland.

Mudane Cabdullahi Yuusuf wuxuu aduunka u sheegay hadii maanta Marxuumkii Xaji Mohamed Ibraahim Cigaal (Alle ha u naxariistee) noolyahay in arintu sidan ka duwanaan lahayd, wuxuu cadeeyey inuu ahaa ruug cadaa, siyaasadiisana u madaxbanaan. Daahir Riyoole wuxuu shalay booqdey fadhiisimada ciidan beeleedka W/Galbeed, wuxuu u sheegay in maanta ay tahay maalintii ciidanka loo baahnaa, diyaarna u noqdaan, soona xidhaan xuduudihii Ingiriisku ka tagay!!.

Hadaanu nahay Beelaha Dhulbahante iyo Warsangeli, Isimadayadii iyo waxgaradkii waxay soo saareen baaqan:

1). Daahir Riyoole wuxuu masuul buuxa ka noqon doonaa dhiiga shacabka goboladaa ee dhulka u daata, ama kursiga ha sii hayo ama haka dego.

2). In beelaha Harti aanay marna raali ka aheyn kala goynta soomaaliya,isla markaana aysan aqoonsaneyn wax la yiraahdo Somaliland, kana difaaci doonaan dhulkooda in laga taago calan aan aheyn ka joogtada ah ee umadda soomliyeed ilaa qofkooda u dambeeya..

3). In beelaha Harti u arki doonaan dagaal xaga waqooyi ka yimaada miday ula soo badheedheen beelaha Habaljeclo, iyo Habaryoonis Bari, iyagana lagala xisaabtami doono wixii halkaa ka dhaca, weliba si buuxda looga aargoosan doono.

4). In beelaha Harti go'aansadeen iney maamul goboleed la smeystaan walaalahooda kale ee Puntiland inta laga helayo xukuumad dhexe oo Soomaliyeed, isla markaana ciidamada puntiland ay ku joogaan rabitaanka dadka, kuwa somalilandna lagaga saaray rabitaanka dadka dhulka iska leh.

5). Waxaan kaloo shicibka iyo xukuumada Hargeysa u sheegeynaa in dadka gobolkan degaa ay arintan hore uga diideen isticmaarkii Ingiriiska kulana dagaalameen,isla markaana aysan cid kale ka yeeleyn. Qeybe iyo Fu'aad Aadan Cadena aaney metelin Shacabka dhulkaa sida aaney idinkaba idiin metelin Cismaan Kaluun, Jaamac Yare iyo Ismaaciil Buubaa.

6). Sidoo kale waxaan ugu baaqeynaa walaalahayo reer Jabuuti iney faraha kala baxaan muskiladan kor ku xusan, isla markaana wanaaga goboladan looga hayo aysan xumaan u bedelin.

Mohamed Jama (madaxgaal)
madaxgaal@hotmail.com

Afeef: Aragtida qoraalkan waxaa leh qoraaga ku saxiixan

Faafin: SomaliTalk.com | Jan 30, 2004

. XAMAR DAAWO DACALLADA... SAWIRRO....