|
Idaa
Jaayada Soomalialnd: La mood noqonse weyday!
Livan
Cadur
cadur11@hotmail.com
Mindhaa nidaam kastoo fashilmaya wuxuu u baahanyahay Idaa Jaa oo kale! Idaa
Jaa oo horboodaya warbaahintii Kacaanka baa Siyaad erayo qur qurxoon ugu soo
xuli jiray inuu ugu daabaco Xiddigta Oktoobar. Dadkana ka gadi jiray taariikh
ka turjumeysa siyaasadda Siyaad, oo marin habawsan!
Markii Siyaad uu soo toosu, isagoo qabiil
caashaqsan, Cajaladaha Idaajaa baa laga dhageysan jiray Suugaan la qurxiyay
ee qabiilka uu Siyaad subaxaas caashaqsanyahay. Markii uu Siyaad soo tooso
isagoo qabiil ku qarway habeenkaas, Idaajaa baa noo soo gudbin jiray Sugaan
iyo taariikh lagu heeraamayo qabiilkaas!
Soomaliland waxay aheyd rajo iyo himilo iney rumoowdu dad badani ka
dhursugayeen. Soomaliland waxay aheyd raad iyo tilmaan u taagan halgankii
xaqa ahaa ee lagala hortagay kaligii taliyihii fashistiga ahaa, ee Siyaad
barre. Kama wada goosashadeeda.
Waxaa la islahaa waxaa ka hirgali doona heyado, dadka ay ku aaminaan dhex
dhexaadnimadooda. Waxaa la islahaa, haddii meel ay demoqoraadiyad ka hir gali
karto Soomaliya, Soomaliland baa ugu horeyneysa. Waxaa la islahaa haddii dad
is qaban karo reer Soomaliland baa isqaban doona! Waxaa la islahaa haddii
Isimada iyo wax garadku wax xakameyn karo Soomaliland kuwoodaa wax xakameyn
doona! Waxaa la islahaa Soomaliland shacabkeeda si siman baa loo wada
dhageysan doonaa waxay daniyayaan.
Yaa islahaa waxgaradka, siyaasiyiinta, Mutacalimiinta, iyo Interned ku xaarka
ku hadla magaca Soomaliland baa Idaa Jaa oo meeran isugu biya shuban doona?!
U fiirsada halheysyadooda;
_ Doorashu loo dhanyahay oo ay codeeyeen Boqolkiiba Sagaashan (90%)
_ Sool, Sanag bari iyo Ceyn oo Canaasir "Majerteenia" ahi soo weerartay!
_ Xadka Soomaliland oo "Canaasiir Majeerteenia" ah ahi kaga soo duushay
Garoowe!
Yaa u fadhiyay Waxagaradka, Mutacalimiinta, Siyaasiyiinta iyo Isimada
maamulka Hargeysa baa isku khaldi doona; "maamulka Soomaliland iyo Isaaq". Oo
haddii la diido maamulka Soomaliland bay u qaadan doonaan in la diiday "Isaaq!"
Yaa islahaa Caqligii Idaa Jaa ee kala saari waayay Kacaanka Askartii Oktoobar
iyo qabiilka Mareexaan oo kale baa ka qaalib noqon doona kooxaha u hadla
Soomaliland sida Jamhuuriya, Somalilandnet iwm!
Yaa islahaa khaladaadkii xidigta Oktoobar bay gali doonaan warbaahinta
Soomaliland, oo waxay isku khaldi doonaan; "majerteen/Majertenia iyo
Cabdullahi Yusuf!"
»QABIILKA
IYO KALA SO0CIDA MAAMULKA RIYAALE [Cadur]
Livan
Cadur
cadur11@hotmail.com
SomaliTalk.com | Jan 2, 2004 |
Afeef: Aragtida qoraalkan waxaa leh qoraaga
ku saxiixan
»BAAQ KU SOCDA SHACABKA ISAAQA
[Dabagooye]
<><>....
Copyright
& Islaamku wuxuu ka qabo.... Akhri
Kulaabo bogga hore ee
www.somalitalk.com
| 
Denmark:
Saciid Wesing
Singapore:
USA:
Dacwadii Aba Sheikh 
London,
UK:
Nin Soomaali ah oo Lagu Xukumay 8 Sano