Xirida Wajiga 2-aad ee shirweynaha Wadahadalada Soomaalida oo dib loo dhigay.

Kulanka Guud ee shirweynaha Dib u heshiisiinta Soomaalida ee Maalinta Isniinta ka dhici lahaa Safari Park hotel ee magaalada Nairobi ayaa dib u dhac ku yimid.

Kulanka ayaa waxaa ka soo qayb gali lahaa Madxweynayaasha Dawlada ku bahoobey Urur Goboleedka IGAD ,Wakiilda Beesha Caalamka ee hay`adaha kala duwan ,Safiirada dawladaha yurub iyo kuwa Carab iyo Afrikaba iyadoo lagu xiri lahaa wajiga Labaad ee wadahadalada soomaalida uga socda dalka kenya 14-bilood ee la soo dhaafey.

Wajigan 2-aad ayaa ah wajiga ugu dhib badnaa ee shirka dib u heshiisiinta Soomaalida oo soo marey marxalado kala duwan.

Dib u dhaca kulanka ayaa waxaa sababey Madaxweynaha Yuwero Musaveni oo sheegay in maalinta Isniinta ku aadan tahay sanad guurada Maalinta uu xilka Madaxweyne ka qabtey dalka UGANDA, waxa uu Madaxweynaha Sheegay in uu kulankaasi uu dhici doono maalinta taalada oo ku beegan 27-bisha Janaayo,2004.

Madaxweyne Musaveni ayaa ah Giddoomiyaha Sanadkana ee Urur Goboleedka IGAD waxa uu ka codsadey dhamaan Hogaamiyayaasha Soomaalida iyo shacabka Soomaaliyeed,dawlada IGAD iyo Dhamaan Beesha Caalamka in maalintaasi darteed looga ogolaado baaqashada Kulanka shirweynaha Wadahadalada Soomaalida uu dhici lahaa maalinta Isniinta.

Dhanka kale hogaamiyayaasha Soomaaliya ku maqan ayaa wali soo gaaarin magaalada Nairobi oo la filayey in yimadaan saakey ,lama ogo baaqashada hogaamiyayaashaasi oo lagu balansanaa in ay maalinta Isniinta ka qayb galaanka kulanka Guud ee shirweynaha oo looga gudbi rabo wajiga labaad ee wadahadalada Soomaalida ee ka socda dalka Kenya.

Faafin: SomaliTalk.com | Jan 24, 2004
<><><>

WARAKII HORE EE SHIRKA

Heshiis Buuxa oo Lagu Gaaray Shirkii Soomaalidda
Waxaa lagu guulaysaty in golaha samata bixinta ee Nairobi ku sugan ay qalinka ku duugaan hindisaha cusub ee IGAD ay soo gudbiyeen, kaas oo Guji... 23/1

Golaha Badbaadada Qaranka oo wali Diidan in ay Saxiixaan Buuga Axdiga iyo Dastuurka
Iyo Kenya oo Sheegtay in Wajiga 3aad ee Shirka Lafuri Doono Isniinta... Guji... 22/1/04

SOMALIA: Maadooyinka iyo Manaahiijta Dugsiyada waxbarasahada ma noqon doonaan dugsiyo u gaar ah Muslimiinta: Waa dastuurka la isku raacay ee Dawlada Soomaaliya loogu dhisayo Nairobi ee loo bixin doono Jamhuuriyada dimoqoraadiga federaalka ku meel gaarka ee Soomaaliya Guji...