Xubnaha Golaha Badbaadada Qaran ee ka qayb galaya Kulanka wada tashiga ee Soomaalida 12-maalmood uga socdey safari Park hotel ee magaalada Nairobi ayaa wali diidan in ay saxiixaan qoddobada kooxaha kale ay wada saxiixeen ee buuga Axdiga iyo Dastuurka Soomaaliya oo la rabo in lagu dhiso Baarlaman KMG iyo Dawlada Dimoqoraadi Federaal Soomaali ah shanta sanno soo socota.

Golaha Badbaadada Qaranka ayaa saluugsan qoddobka xulida xubnaha Baarlamaanka oo qaar ka mid hogaamiyayaasha Golaha Badbaadada Qaran wax awood ah ku laheyn.

Wajiga 3-aad ee shirka ayaa ah awood qaybsiga oo qof waliba u noqonayo qabiilka uu ka dhashey oo qabiil waliba siyaasiyiintiisa iyo hogaanka dhaqameedkiisa soo xulaya ka dibna ansixinaya.

Dhanka kale saakey waxa kulmay IGAD iyo Beesha Caalamka oo beryahan shirar joogta ah ku jira ,iyadaoo laga hadlayo habka loo xiri lahaa wajiga labaad ee shirka oo ah kan ugu dhib badnaa oo socdey muddo ku dhawaad Sannad, furida wajiga seddexaad ,qorshada iyo dhaqaalaha tirada ka qayb galeysa xulida xildhibaanada ,goobaha la tegayo iyo dadkii ka shaqeyb geli lahaa ,qarashka ku baxayo IWM.

Wasiirka wasaasarada Arrimha Dibada Dawlada kenya muddane Kolonzo Misayoka ayaa saakey kula kulmay IGAD iyo Beesha Caalamka Safari Park Hotel ee magaalada Nairobi.  Wasiirka ayaa IGAD iyo beesha Caalamka u sheegay in wajiga labaad la xirayo maalinta Isniinta, lana Furidoono wajiga 3-aad isla Maalinta Isniinta (ee Janaayo 26, 2004)

• DASTUURKA SOOMAALIDA EE LAGU QORAY NAIROBI.....

<><><>