Janaayo 20, 20042004
Dhamaadka Wakhtiga Aduunka
Dr. Saciid, waxaan akhriyay
qoraalkaagii
Dhamaadka Wakhtiga Aduunka(apocalypse). Waxaan arkay sida xeelka dheer
ee aad luqada soomaaliga u qoreysid. Qoraalkaagu wuxuu ka hadlayaa sayniskii
u danbeeyay, isla markaasna waxaad u qortay oo adeegsatay erayo qof walba oo
soomaali ah uu fahmayo.
Qoraalkaaga markaan akhiryay,
hal arin ayaa qalbiga igu soo dhacday.
Sidaad ogtahay soomaalida
waxaa la sheegaa in 100 % aan muslim nahay. Fahankeena aduunkaan iyo waxa
jira iyo sida ay wax walba u bilowdeen wuxay ku saleysan yahay sida diintu
noo sheegtay.
Marka aad ka hadashay qaabka
uu aduunku u bilowda waxaad soo qortay: " dhulalka ku dhex jira cirka waxay
ka bilowdeen meel yar oo kooban, waxeyna ku bilowdeen garax la magac baxay
Big Bang".
Marka anigu kama soo
horjeedu in uu qarax dhacay, Big bang, wixii rabo halagu macagaacee, laakin
waxaadan qoraalkaaga aadan ku darin in waxaan ey yihiin theory, ama malo, ee
qofna uusan hubin qaabka ey wax u bilowdeen 100 %. Hadii ey sidaas wax
u dheceenna ilaahey ayaa saas sameeyay!, ee eysan eheen sidii waxa automatic
iskaga dhacay, sida gaaladu u sharxaan. Gaalada aan ilaahey aamin saneyn,
waxay isku dayayaan in wax walba loo sameeyo sharaxaad, ayadoo fikirka ka
danbeeyana ey tahay in bulshada laga dhaadhiciyo in wax walba iska dheceen,
sida abuurka cirka iyo dhulka, ayadoo markii la sharxayo dhacdooyinkaas dadka
la'ilowsiiyo in ilaahey howsha saas u sameeyay, oo ilaahey yahay khaaliqa
wax walba.
Sh. cabdal majiid al zandani
iyo Dr, Harun yahya , waa labo nin oo aqoon yahano ah, isla markaasna
muslimiin ah qoraaladoodan waxaad ka dhadhamineysaa oo ku celcelinayaan
umadna xasuusinayaan jiritaanka ilaahey iyo abuuristiisa halka
qoraalkaaga arintaas eysan ku jirn. Ila fiiri Haaruun yahya oo ka
hadlaya universe-ga iyo qaabka uu ilaahay u abuuray:
http://harunyahya.com/create01.php .
Walaal waxaan ula jeedaa,
markii qof muslim ah uu soo bandhigayo wax yaalo quseeya ilaahey
makhluuqaadkiisa, waa in uu mar walba u dadka xasuusiyaa ilaahey xikmadiisa
iyo ilaahey waxa uu ka yiri makhluuqaadkiisa, inta aanan la xusin qowlka ibni
aadamaka sida Albert Einstein, iyo wixii la mid ah, sidii iney ayaga
waxaan jirin soo kordhiyeen!
Waxaad tiri, sidii inaad
adigu hortaagneed: "Waxey qaadatay 300.000 oo sanno sidii uu u qaboobi lahaa
si ay u sameysmaan atamyada"
Adigoon ku darin hadalkaas
in uu yahay qiyaas/xisaab iyo malo awaal, ee eysan aheen wax xaqiiq
lahubo 100% ah.
Runtii qoraalkaaga qeybtiisa
danbe, ee aad uga hadashay cudurada iyo dagaalada dhic kara, dad badan ayuu
wuxuu ku abuurayaa walwal iyo cabsi aan loo baahneen, sababtoo ah ma aha wax
la hubo iney dhacaayaan. Mida kale, waxaadan xisaabta ku darin tii ilaahey
iyo in wax walba horey loo soo go'aamiyay, koleyba qoraalkaaga kuma aadan
darin in tii Ileeheyna meel taal!
Marka maadaama aad tahay,
aqoon yahan soomaaliyeed, muslimna ah, waxaa ila haboon in mar walba fiiro
gaar ah aad siisid diinta, ee aadan ku ekaan saas iyo saas ayaa aqoon yahay
hebel sheegay, ama la xisaabiyay.
walaalkiis, adigoon iga
xumaan, intaas waa iga talo walaaltinimo, iina soo nabad gal!
C/risaaq "Gaalkacyo"
Helsini, Finland |
rcabdi@hotmail.com
SomaliTalk.com | Jan 20, 2004
Qoraalkii Dr. Saciid:
Dhamaadka Wakhtiga Aduunka(apocalypse)
.
XAMAR DAAWO DACALLADA...
SAWIRRO....
<><>....
Copyright
& Islaamku wuxuu ka qabo.... Akhri
Kulaabo bogga hore ee www.somalitalk.com
|