salaan ka dib, waxaan aad iyo aad uga murugeysnahay xaalada aan deganayn ee ka soo koradhay Sool taas oo dabkeedu rabbi ha inaga hayee haddii uu shidmo uu noqon doono mid dabkiisu meel walba taabto inta ugu horeynaysa ee uu gubi doonaana Insha-Allaahu waa kuwa soo huriyey dabkaas ee u malabsanaya dhiig dad muslim ah oo nabad ku degan, kuwaas oo diidan dadkaas in ikhtiyaarkooda iyo iraadadooda ay ku sameeyaan waxii ay maslaxadooda moodaan. Aniga oo ah nin rumaysan ku dhaqanka diinteena Islaamka, saas darteedna aan rabin in dulmi iyo gardaro loo geysanayo in uu dulmi iyo denbi kale ku celiyo iyo in ka badan wax dulmigaas ka celin kara. Waxaan leeyahay Dulmi oo dhan anoo ka soo horjeeda mid muslim iyo bani'aadam lagu sameeyo daaye xataa in xayawaanka iyo xasharaadka la dulmiyo anoo ka soo horjeeda sida diinteenu in farayso, qabyaalad iyo isugu faankeedna aniga oo ka kufriyay, jecelna oo raba in cadaaladu iyo xaqa qof walba Allah siiyey in uu helo, garabna taagan midka madluumka meel walba oo uu joogo iyo cid walba oo uu yahay. Waxaa ii cuntami wayday oo aanan u dulqaadan karin Hadallada qarriban iyo urka qudhmuun ee ay sido dabaysha ka soo horeysa gulufka colaadeed ee Hargeysa laga soo abaabulayo . Waxaan aad ula yaabanahay caqliga iyo fikirka liita ay xambaarsan yihiin cidda Hargeysa ka arrimisaa . Sool oo reer Sool deganyahay meeshii rabbigood ku uumay oo ay ku tarmeena ay tahay.

1. Sidee Su'aal looga keeni kara haddii sida jirta ay aqlabiyada dadka reer sool ku qanacsanyihiin in maamulka puntland -ee ay xorriyadooda kaga midyihiin dad qaraabo, ehelnimo iyo dhiig uu ka dhexeeyona ay wadaagaan maamulkaas-uu nidaam iyo kala danbayn ku sameeyo dhulkooda siyaasadii uu doonoba ha ka watee? midaasi waa mid aan la yaabanahay

2. Sidee caada qaatee, calooshii la cayaar, dhuuni raac, saqajaan, sacsac ú shaxaad tagay Hargeysa oo hunguri qaaday uu u afduubi kara oo in uu kufsado isagu dayi kara iraadada iyo rabitaanka shacabka reer Sool iyo Sanaag?Sidee sheegashada qolo dulmi doon ahi ay uga dhigi karaan mid xaq ah oo ay ugu gargaarayaan shacab lagu soo duulay!!!!!!!!? taasina waa mid i gali la' oo maskaxdayda ka daadegi la'

3. Sidee maanta ummad xor ah dib loogu celin karaa oo loogu sunti kara Summad iyo kala qoqob iyo kala qaybin- taas oo ku salaysan fikrad Ibliisi ah oo kii ay ka timi uu uga gol lahaa guumeysinimo daa'inta haseyeeshee aan muuqan- waa hore guumeysta Gaal nijaas ahi uu ku samaystay ummad la guumeysanayey? Sidee arrinkaas uu u noqon karaa shay muqadas ah oo dhiig muslim dartii loo daadiyo?

Haddaba gebegabadii gardaro rabbi ma guuleeyo'e waxaan khiyaaliga iyo riyada ah ee dadku nafahooda ugu sheekaynayaan ha iska dhaafaanoo rabbigood ha u noqdaan.........shaydaanka riyadaas xun tusayana hayska naareen sadex jeerna ha candhuufeeyeen candhuuf garabkooda bidix ay ku tufayaan sidii uu yiri Suubanaheena rasuullku S.C.W.

Cidii la soo gardaraystana waxaan leeyahay ku shahiid naftaada iyo hantidaada Hororka waalan ee miyirka aan qabani maydkiisa wadha.

wasalaamu calaykum.

asad asad  
addiin@hotmail.com

SomaliTalk.com | Jan 19, 2004

<><>.... Copyright & Islaamku wuxuu ka qabo.... Akhri

Kulaabo bogga hore ee www.somalitalk.com