War-1-17-Janaayo,Nairobi.
Ambasator William Bellamy :- Dab Ridka iyo wada shaqeynta la dagaalanka Argagixisada.........
Xuduuda Soomaaliya iyo kenya oo Ciidanka Mareykanka iyo Ciidanka milatariga Kenya ....

Daabaco Boggan | Print William M. Bellamy

Ciidanka badda ee dawlada Mareykanka ayaa bishii juun ee 2003 ilaa iyo hadda marba tagaya magaalooyinka ay soomaaliya xuduud kala leedahahay dawlada Kenya.

Ciidanka mareykana ayaa joogay sanadkii hore magaalooyin ka min gobolada waqooyi bari ee Kenya oo xuduud dhuleed la leh somaaliya gaar ahaan gobolada Jubada hoose iyo gobolka Geddo.

Ciidanka Mareykanka ayaa Magaalada LAMU oo xuduud dhuleed iyo badeed la leh Somaaliya Ciidanka Milatiriga dawlada Kenya shaley ugu furay tababar ku saabsan habka loola dagaalamo Argagixisa caalamiga iyo daruus kale oo ku saabsan dab ridka hubka mareykanka sameeyo sida loo isticmaalo.

Safiirka Mareykanka u fadhiya Kenya William M. Bellamy ayaa shaley furey tababarkaasi waxa uuna sheegay in ay Ciidanka Dawlada kenya ka faa,iideystaan daruus la barayo oo isugu jirta mid hadal, qoraal iyo mid ficil ah, safiirka ayaa sheegay in ciidanka mareykanka Joogayaan xuduud ilaa waqti.
waxaa kaloo uu sheegay ambasatorka in ciidan mareykanka qabanayaan hawlo dayactir iyo caafimaad.
ciidanka mareykanka ee tagey shaley magaaladda LAMU ayaa durbadiiba waxay dayactir dhismo ku bilaabeen dugsiyada magaalada lamu ,waxay shaley baaritaan caafimaad mariyeen ilaa dhawr boqol oo qof iyagoo ka baarayey cudurka kaneecada oo ay dad badan u le`daan.

Wasiirka amniga ee dawlada kenya Mr.Chris murangaro ayaa isna ka hadlay xaflaasi oo sheegay in Dawlada mareykanka gacan weyn ka siinayaan shacabka kenya la dagaalanka Argagixisada caalamiga oo ku dhuumaaleysanaya xuduuda u dhaxeysa kenya iyo Soomaaliya.

Labadasaasi masuul oo ka hadlayey telfishanada dalalka kenya ayaa dadweynaha ka codsaney in ay la shaqeeyaan oo ay garab ku siiyaan barnaamijkaasi la dagaalanka argagixisada Caalamaiga oo ay wado dawlada Mareykanka.

dhamaad.
Abdi karim Aden Hussein
Nairobi.Kenya.
abdikarimhussein@hotmail.com

XAMAR DAAWO DACALLADA... SAWIRRO....