Saxaafadu waxay leedahay xikmado iyo suaalo aad u badan waxaana ka mida midan :muxuu yahay qanuunka ugu haboon ee saxaafada loo samayn karo? jawaabtiina waxay noqotay inaan qanuunba jirin. ujeedaduna waxay tahay in saxaafadu ku xajiimooto qaanuunka ayna jeceshahay inay noqoto muraayad u so bandhigto sawirku siduu yahay xataa marka ay jiraan daruufo qalafsan. saxafi walbo oo war soo gubinaya ama maqaal qoraya waxaa jira arimo asaasi ah oo mar walbo loo bahan yahay inuu racaaco waxaana ka mid ah arimhaas aas aasiga ah:inuu wax u dhimin xishoodka guud oo uuna soo bandhigin wax ku qoran luuqad liidata iyo hadalo suuqi ah, inuu qoraagu aad u dabro xamaasadiisa inuu dhex dhexaad ka ahaado waxa uu soo gudibnayo inta karaankii ah.

Sida xaqiiqda ah somalitalk waa madasha kali ah ee somali wax ku qorto ee aan ka doorto Bogaga kale aadka u badan taa macnaheedu ma aha inaan aqaaano ama saaxiib la ahay tifatirayaasha Bogan laakiin waxaan u doortay arimahan soo socda: 1-Bogan kuma eka magaalo ama Gobol Gaar ah ee waxaa uu daneeyaa waraka Daafaha somaliya oo idil iyo waliba somalida wali gacan gumaysi ku jirta. 2-waxaa wax ku qora rag leh aragti soomaali oo aad u qodo dheer tusaalena aan u soo qaato anoon koobid uga jeedin Maxamuud war -dheere.3-waxay somalitalk soo gudbisaa qoraalo aad u kala aragti duwan taasina waa arin caafimaad ah.

Hadaan u soo laabto cinwaanka maqaalkayga oon ku xusayo qorayaal saddex ah oon akhriyay maqaalo ay qoreen waxaan jeclahay in naqdigaygu ahaado mid u jeeda waxa ay qoreen ee aan u jeedin iyaga shakhsi ahaantooda waana sidan:

1-salahudin

waxaad qortay maqaalo dhawra oy ka muuqato gabi dhaclayn iyo dheeli aad u wayn oo aana qormadan kooban ku soo bandhigi karin adoo ka hadlaya Qadiyadu aad u baaxad wayn ood moodo inay ka muuqdaan xamaasad iyo wacyi bislaaday sida markaad wax ka soo qortay warbaahinta aduunka ee koox yar oo sahyuuniyad ahi gacanta ku hayso loona bahan yahay in la yeeshe warbaahin taa la tartanta, Hadana si aad baad u dheeliday waxaad wax ka qortay aragtidaada ku beegan mashaakilka soomaaliya adoo aad u yasaya qorayaasha koonfurta somaaliaya aadna u la dhacsan waqooyiga somalia .intaa waxaa ka sii daran adoo adeegsada Erayo suuqi ah oo ah kuwa ay adeegsadaan kireeyaasha baabuurta sida:( tuugsiga wanlawaynta, Dawladii afwayne,iyo erayo la mida ama ka sii liita)Erayadaa ma aha kuwa laga adeegsado saxaafada mana aha wax uu qoro qoraa naftiisa ixtiraami, waxaana kuu cadaynayaa in khayraadka dabiiciga ah ee walawayn iyo gobolka ay ku taal uu ka badan yahay wadarta wax soo saarka ee gobolada waqooyi. ugu danbayn waxaan jeclahay inaad dib isugu noqoto waa hadi aanad doonayn inaad ahaato suxufi fadhiid ah.

2-Dirdhabo

Qoraaladaada waa kuwa ka hooseeya gabi dhac oo aan ku tilmaami karo hadaaq waayo maqaaladaada iyo waaqica maanta ka jira Geeska afrika waa kuwa aad u kala fog. waxaad maqaaladaada ka mid ahaa:( jamhuriyada somaliland oo qaqabatay ciidamo ONLF ah, somaliland oo ciidamadeeda u dhaqaajisay iida hore, nin maraykan ah oo sheegay somaliland la ictiraafi doono ama uu ku talinayo in la ictiraafo.) waxaan jeclahay hurumarka dhamaan gobolada somalia waqooyi iyo koonfurba laakiin abdi waxaad ogaataa xaqiiada jirta maanta taa oo ah : in Hargaysa iyoBerbera iyo nawaaxigooda tagreegu gacanta ugu hayo si ka wayn siduu gacanta ugu hayo Dhulka soomaaliyeed ee gumaysto marka laga soo bilaabo Dhagax-buur ilaa feer feer. taa waa xaqiiqa waanad soo baadhi kartaa. in la ic tiraafo waqooyi galbeed ooy dawlad gaara noqdaan iyo inay somaliya la joogaan waa arin u taal Dhamaan somalia . intaan ka war hayo oy ugu horeeyaan macaahida lagu barto siyaasada Golbolkaa geeska africa ma jiraan wax cadaynaya ama taageersan in waqooyi gooni u go,o.

3-ikraam

Qoraaladaadu aad bay u wanaagsanaayeen iyo waxaad soo qortaba laakiin waxaan aad ula yaabay maqaalkiiu danbeeyay eed sacuudiga kaga hadlaysay waayo?

1-waxaad u muuqatay qoraa ka hadla arimaha bulshada ama insaaniga isla markaana leh itijaah islaami ah laakiin qoraalkii u danbeeyay waad simbirixatay waayo waxaad soo gudbisay wax lid ku ah jihada qoraaladaadii hore.

2-amaanada saxafada iyo cilmigu waxay sheegayaan inuu ruuxu sheego isha uu ka soo qaatay warka maqaalaakaagu waxuu ahaa mid uu soo gudbiyay midxad cabdi hadi oo u shaqeeya idaacada B .B.C. qaybteeda carabiga. waxa kaloo sheegay warkaa wakaalado kale oo reer galbeed ah laakiin adi taa maad xusin.

3-maqaalo hore oo daabacday waxaad ku sheegtay inaad difaacayso diintaada inta karaankaa ah Laakiin maqaalkaagii u danbeeyay waxaad bara dheeraysay warbaahinta reer galbeedka isuna muujinaya inaad tahay mid u dagaalami xaquuqda dumarka ee sacuudigu duudsiyay adoo xusay in dumarka lagu hay cadaadis diineed iyo mid dhaqan suaashaydu waxay tahay mar hadaad ikraam cali kaar saa aamin san tahay ood la qabto qorayaasha reer galbeedka ah maxaad ka difaacaysay ayaan xirsi magan?