Hogaamiyaasha siyaasada Soomaalida ee Mbagathi ayaa saakey magacaabey guddi ka kooban 3- hogaamiye.

Hogaamiyayaasha siyaasada Soomaalida ayaa wali ku gudda jira 10-Maalmood ee kulanka wada tashiga oo haatan ka socda Safari Park hotel.

Mid ka mid hogaamiyayaasha siyaasada ee Mbagathi ayaan kula kulmay xaafada Eastleigh ee magaalada Nairobi, hogaamiyaha ayaa ii sheegay in ay wali taagan yihiin 24+cabdiqasim. waxaa kaloo ii sheegay in saakey shir ay ku yeesheen safari Park hotel ay ku magacaabeen guddi ka Kooban 3-qof oo la xaajoota Cabdiqasim iyo golaha badbaadada. waxaa kaloo ii sheegay in shirkii saakey lagu go'aansadey in shir guddoonka kulanka ay la wareegeen.

Guddiga la magcaabay ayaa kala ah :-
1-Maxamed Saciid Morgan
2-cabdalla Deerow Isaaq
3-Mawliid macaani maxamuud.

Waxa kaloo hogaamiyahaasi oo iga codsadey in aan magaciisa sheegin uu war ii raaciyey in shirka Soomali leedahay ,hadda wixii ka danbeeyana shir guddoonka waxaa noqonaya Soomaalida halka markii hore shir guddoonka shirka wadahalda Nabada Soomalida aheyd IGAD, Beesha caalamkuna kor joogto ka ahaayeen.

dhamaad .
abdikarim Aden Hussein.
nairobi Kenya.
abdikarimhussein@hotmail.com

Faafin: SomaliTalk Jan 16, 2003