Ciidammada gumaysiga oo dad badan raafay.
Ciidammada gumaysiga Itoobiya ayaa gobollo badan oo Ogadenya ka mid ah ka
billaabay xasuuq ay dadwaynaha ku raafayaan, si ay uga mid noqdaan ciidammada
loo qaadayo jiidda ku beegan xadka u dhexeeya Itoobiya iyo Eritereya, oo laga
yaabo in xukuumadda Wayaanuhu ay dagaal ka billowdo.
Ciidammada gumaysigu waxay raafkan billaabeen, ka dib markii ay muwaadiniinta
Ogadenya diideen inay ku biiraan ciidammadaas la uruurinayo, waxaana ka mid
ah meelaha uu raafkaasi ka dhacay.
Tuulada
Boodh-Caano oo Gobolka Shabeelle ka tirsan, waxaa markii ay taariikhdu ahayd
10/1/04 laga qabtay dad badan oo loo qaaday dhinaca galbeed, waxaana la
filayaa in dadkaas lagu biiriyo ciidammada loo qaadayo dhinaca Eritreya.
Sidoo
kale waxaa degmooyinka Dhagax madow, Dhagaxbuur, Gaashaamo iyo Gunagado laga
qabtay dad tiradoodu lagu qiyaasay ilaa 500 oo ruux, waxayna dadkaasi u
badnaayeen dadkii daba-qoodhiga loo yiqiinay, kuwaasoo hadda la geeyay
magaalada JigJiga.
Markii
halkaas la geeyay waxaa loo akhiyay khudbad loogu sheegayo in ay dalka
daaficiisa ka qayb gali doonaan, hase yeeshee markii khudabaddaas loo
akhriyay ayay kala yaaceen, taasoo keentay inay ciidammada cadowgu ay rasaas
oodda kaga qaadaan, waxaana halkaas ku dhaawacmay 3 ka mid ah, waxaa kaloo
baxsaday 90 ka mid ah, intii kalena intii baabuur laga buuxiyay ayaa dhinaca
galbeedka loo sii qaaday.
Tuulada
Dhabi oo gobolka Dhagaxbuur ka tirsan ayaa iyadana laga qabtay dad aad u
farabadan oo dhalinyaro ah, kuwaasoo welina halkaas lagu hayo.
Dhinaca
kale waxay ciidammada gumaysiga Itoobiya ka uruuriyeen magaalada Gari-go’an
300 oo neef oo adhi ah, waxaana qoys walba lagu xukumay inuu bixiyo 50 Bir,
waxaana dadkaas lagu eedeeyay inay dad la dhashay ay Jabhadda ka tirsan
yihiin.
Dagaallo dhex maray ciidammada xoraynta iyo kuwa cadowga.
9/1/04,
Abaaqorrow dagaal ay ciidamad xoreeynta Ogaadeenya ku qaadeen ciidammada
cadowga Itoobiya ayaa waxay kaga dileen 4 askari, kuwo kalena waa lagaga
dhaawacay.
12/1/04,
Gol-caano oo gobolka Shabeelle ka tirsan dagaal kadhacay waxaa ciidammada
cadowga lagaga dilay 5 askari, 3 kalana waa lagaga dhaawacay.
24/1/04,
Huuraale, oo ka tirsan Gobolka Dhagaxbuur, dagaal ka dhacay waxaa ciidammada
cadowga lagaga dilay 20 askari, in ka badana waa lagaga dhaawacay.
26/1/04,
Gumarrey oo ka tirsan Gobolka Qorraxey, dagaal ka dhacay waxaa ciidammada
cadowga lagaga dilay 3 askari, 4 kalana waa lagaga dhaawacay.
Dagaallo aad u ba’an oo ka dhacy Bardoode.
Wararka
naga soo gaadhaya magaalda Jigjiga ayaa sheegaya inay dagaallo aad u ba’ani
ka dhaceen tuulada Bardoode, oo ka tirsan gobolka Shiniile. Dagaalladani ayaa
baryahan denbe oo dhan si is-dabajoog ah uga dhacayay deegaankaas, waxaana
bishii ina dhaaftay oo kaliya ka dhacay dagaalo kala duwan.
Dagaalladani waxay dadka soo gaadhsiiyeen khasaare aad u ballaadhan oo mood
iyo noolba leh.
Dagaal
bishii hore degaankaas ka dhacay ayaa waxaa ku dhintay dad gaadhaya 19 qof,
waxaana ku dhaawacmay 21 qof, waxa kaloo halkaas lagu gubay 287 guri, waxaa
kaloo lagu kala dhacay 34 neef oo geel ah.
Ururrada xaquuqal insaanka
ayaa dawlada Itooobiya ku canbaareeyay inay ka danbaysay dagaalladaas.
Cilmi baadhis ay dhawaan
sameeyeen niman khuburo ah oo reer galbeeda ah ayaa lagu sheegay in 12-kii
sano ee ugu danbeeyay ay Itoobiya ku sii bateen dagaallada qabiilooyinka ka
dhex dhaca, waxayna khubradaasi ururka EPRDF ku canbaareeyeen inuu isagu
dagaalladaas ka denbeeyo, isagoo dano siyaasadeed ka leh, waxayna carrabka ku
dhefteen dagaallada qabiilka ee laga dhex oogo qowmiyadaha soomaalida iyo
oromada.
Nin Oromo ah oo ay
dawlada wayaanuhu dil ku xukuntay.
Radyowga Oromada ee SBO ayaa
sheegay in dilka ay dawlada wayaanuhu ku xukuntay Jamaal Mustafa uu xaq-darro
yahay. Jamaal Musttafa, oo u dhashay qomiyada Oromada, waxay Maxkamada sare
ee Wayaanuhu ku xukuntay dil, kadib markii ay ciidamada Iihadhiigtu ku soo
eedeyeen inuu dilay 11 qof , isla markaana uu ka tirsn yahay ururka OLF.
Hasayeeshee bayaan uu ururka
OLFtu soo saaray ayuu ku caddeeyay in dawlda Wayaanuhu ay ninkaas ula
dhaqantay si sharci darro ah oo bini’aadanimada ka baxsan. Wuxuu ururka OLF
sheegay in Jamaal Mustafa aanuu ka ku jirin ciidamada OLF ee la dagaallama
xukuumadda Wayaanaha.
Dhinaca kale ururka OLF,
qaybta bariga ka dagaallantaa ayaa u digtay kuwa sheeganaya inay Oromo yihiin,
hase yeeshee daba-dhilifka u ah ciidamada cadawga. Wuxuuna ururku digniintaas
ku sheegay in dadkaas tallaabo laga qaadi haddii ayna daba-dhilifnimada ka
waantoobin.
Xafiiskii ururka
macalimiinta Itoobiya oo laxidhay.
Wariyaha Wakaaladda Wararka Ogadeniya u jooga magaalda
Addis Ababa ayaa sheegaya in daba-yaaqadii bishii hore ay nabad sugida
Tigeergu u daateen xafiiskii ururka macalimiinta ee
Itoobiya, isla markaana ay quful wayn dusha kaga xidheen.
Ururka Macalimiinta Itoobiya waxaa in ka badan 7 sano ku socotay dacwad lagu
soo oogay, hase yeeshee Maxakamadda Sare ee Itoobiya ayaa dhawaan soo saartay
go’aan ay ku sheegtay in ururkaas lagu waayay dacwadihii lagu soo oogay,
balse nabad sugida Tigreega ayaa go’aankaas dhag u dhigi waayay oo
albaababada u laabay xafiiskii uu Ururka Macalimiinta Itoobiya ku lahaa
magaalada Addis Ababa.
Ururka
Macalimiinta Itoobiya wuxuu si wayn uga soo horjeeday maamul xumida iyo
nidaam darrada xukuumada Meles Zenawi, wuxuuna marar badan xukuumadda u soo
jeediyay canbaarayn arrintaas la xidhiidha.
Xukuumadda Wayaanuhu waxay sidoo kale dhawaan mamnuucday Ururka Suxufiyiinta
Itoobiya. Waxay kaloo hawlohoodii ka joojisay 50 urur bulshadeed oo ku
hawllanaa adeegga guud ee dadwaynaha, waxayna ururradan mamnuucday, ka dib
markii ay ka dareentay inaanay siyaasadeeda taabacsanayn.
Safiirrada Itoobiya oo ku
gacan saydhay amar lagu siiyay in ay gudaha soo galaan.
Wariyaha Wakaaldda Wararka
Ogadeniya u jooga magaalada Addis Ababa ayaa sheegaya inay ku gacan saydheen
in ka badan 13 Safiir oo ka mid ahaa 20 Safiir oo ay xukuumada Addis Ababa ku
amaratay inay gudaha soo galaan.
Diidmada Safiirrada ayaa
waxay ka danbaysay shaki ay ka qabaan in xilalkooda laga qaado ama xabsiyada
loo taxaabo. Safiirradan ayaa ka baqay in lagu tuhmo inay gacan-saar la
leeyihiin xoogagga ka soo hor jeeda taliska sii cad-ceedsaday ee talada
Itoobiya gacanta ku haya.
06.02.2004
Ahmed Gaal` eri
raadioxoriyo@yahoo.com
radioxoriyo@ogaden.com
Radio Xoriyo waxaad ka
dhegaysan kartaa Mawjadda 19 MB ee dhererkeedu yahay 9820 KHZ, Maalmaha
Talaadada iyo Jimcaha 7: 30PM waqtiga Afrikada Bari
....
Copyright & Islaamku wuxuu ka qabo.... Akhri
Kulaabo bogga hore ee
www.somalitalk.com
Dhegeyso warkan oo Cod ah
...HALKAN
KA BAAR WARARKII HORE EE XORIYO
....KAYDKA
WARARKA RADIO XORIYO - NEWS ARCHIVE
AFEEF: Afkaarta qoraalkaan waxaa leh gaarna ay u
tahay Radio Xoriyo, kana
tarjumimaayo aragtida SomaliTalk