ISLAMABAD: Wufuud ka kala socota dawladaha Pakistan iyo
India ayaa wada xajood iskugu yimid xarunta waddanka Pakistan ee islamabad,
wufuudan oo daba socota heshiiskii labada dal isku waafaqeen 6 january ka dib
markii ay kulan yeeshen ra'sal wasaaraha India Atal Behari vajpayee iyo
Madaxweynaha Pakistan Janeral Pervaz Musharaf, xagga pakistan waxaa wada
hadalkan uga qayb gallay xooghayaha guud ee xidhiidhka waddamada koonfurta
aasiya Masood Khan, xagga dawladda india uu uga qayb gallay xooghayaha
arrimaha dibadda Mr. Arun K. Singh, war saxafadeed ay soo saartay wasaaradda
arrimaha dibadda ee dalka pakistan ayaa xaqiijisay in horumar aad u balaadhan
laga gaadhay wada hadalkani, sida uu xaqiijiyey afhayeenku waxaa labada
dhinac isku iman doonan markale maalinta salaasada, oo ay isla lafa guri
doonan arrimo badan oo ay ka mid yahiin, arrinta Jammu iyo Kashmir, isku
socodka gaadiidka ee labada dal, quwadda nuclearka ee labada dhinac, iyo
weliba soo celinta hindaha iyo dhaqanka, ciyaaraha, warbaahinta, iyo
ganacsiga labada dal, sida warar ku dhaw dhaw wada xajoodkani tibaxaayaan,
waxay u muuqata in horumar balaadhan laga gaadhi karo caqabadda hortaagan
xidhiidhka labada dawladood oo cakirna muddo qarni badhkii ku dhaw dhaw.
waa wada xajoodkii ugu horeeyey ee labada dal sidani oo kale iskugu hor
yimaadan muddo ku siman 20 sanadood, sannadkii 2001 ayaa labada dal waxay soo
dhoobeen xuduudkooda ciidamo kor u dhaafay hal milyan, iyaga oo iskugu
henjabay inuu midiba ka kale kaga takhalusi doono.
shacabka pakistan oo qaar ka mid ah aan arrintani kala sheekaystay ayaa
siyaabo kala duwan u fasilay, qaar ka mid ah dad badan oo aan arrintani kala
sheekaystay ayaa muujinaya niyad sami wanaagsan oo ah in labada dal gaadhi
karaan heshiis wax ku ool ah, xagga qaarkoodna ay ku tilmaamayaan in
madaxweyne Musharaf uu mu'aamaradaynaayo qorshayaashii u yaallay qaranka
pakistan oo ahaa in Jammu iyo Kashmir ay yahiin laba gobol oo ka tirsan
waddanka pakistan, ka dib markuu madaxweynahu shir kaga dhawaaqay inuu soo
dhawaynayo haddii jammu iyo kashmir ay ka madaxbanaanayaan waddanka pakistan,
taasi oo cadho iyo u qaadan waa ku keentay xildhibaano ka tirsan baarlamaanka
waddanka pakistan iyo weliba muwaadiniin badan oo pakistaniyiin ah, taasi oo
sababtay in madaxweyne musharaf laba jeer uu ku sigto in la dilo.
si kasta ha ahaatee dadka odorosa siyaasadda koonfurta aasiya gaar ahaan
xidhiidhka Pakistan iyo India ayaa ku tilmaamay tani dedaal wax ku ool ah oo
labada dal gaadheen, waxaana la sugaya midhaha ka soo baxa siday u ekaadan.
MOHAMED ABDI HASSAN (DIRIDHABA)
KARACHI, PAKISTAN.
diridhaba2001@hotmail.com
Daabaco
Boggan | Print
