Daabaco Boggan | Print Filimada anshaxa xun, ruugidda Qaadka iyo isticmaalka Daroogadu Saamayn intee le'eg Bay ku Leeyihiin Faafidda Cudurka AIDSKA ee Soomaaliya.. Guji... XAMAR DAAWO DACALLADA.. SAWIRRO

Qoraa Faransiis ah oo arrimaha somaliada wax ka qoray ayaa wuxuu ka hadlay degganaanshaha iyo Nabadda waqooyi ka jirta ee laga waayey Koonfurta, wuxuu arintaa sal uga dhigay labadii gumayste ee soo kala xukumay labada mandaqadood.

Wuxuu sheegay in gumaystiihii Ingriisku aanu waxyaalo badan faro gelin sida xushmayntii iyo talo lahaantii Salaadiinta, hab dhaqankii dadka iyo xeerarkoodii toona. intii uu joogayana Salaadiintu talada dhulka wax weyn bay ku lahaayeen aadna waa loo ixtiraami jirey.

halka Talyaanigu uu baabi'iyey gebi ahaanba qaab maamulkii isaga ka horreeyey ee Salaadiinta(Isimada), Xushmaddiina ka qaaday, dhaqankii dadkana si weyn u saameeyey.........

Waxaase jirta in arrintaa xun ee Talyaanigu la yimid goblada qaarkood ay ka badbaadeen sida meelaha ka fog webiyada ee aanu Tayaanigu xoogga ku yeelan

Haddaba arrinta qoraaga faransiiska ah waa mud muuqata.

Markii dawladdii dhexe burburtay ayaa mar kale loo baahaday odayaashii dhaqanka

Dadka degaanadaasina xushmad iyo abaal weyn ayey u hayaan Salaadiintooda.

Waxaa jiray Salaadiin ku abtirsada kuwa soo jirey iyo ku cusub oo hadda la boqray,

1.Kuwii hore waxay ku yimaaddaan Hab is dhaxlid ah. oo wiilkii curad ee Suldaanka(Isimka) ayaa automatic Aabbihii uga dhaxlaya Derjada. Haddaba wiilkaas dhaxalka ku yimid Doqon iyo Diric midba wuu noqon karaa. waa bakhti-yanasiib . waa ilaahaya meesha wuxuu kaa siiyaa.

Tusaale ahaan Berigii hore dadku inta waa ka yaraa degaanka beeluhuna inta waa ka koobnaa. balse hadda dadkii waa batay degaankii waa balaadhay, dawlado xukunkoodu dhulka wada gaadhi karaana ma jiraan. sidaa darteed ayaa beelo badni u baahdeen Madaxweyne u gaar ah. Dabeed intay shir isugu yimaadaan ayey ruux iska soo xulaan.

Ruuxaa la soo xulayaa waa in arrimo badan laga helaa. Sida Garasho dheeri, Degganaan, Dhowrsoonaan, Sumacad dadka dhexdiisa iwm. Taas waxay kaga duwan yihiin inta badan kuwa ku abtirsada Saldanad soo jirtey.

Haddaba Boqor Cimaan Aw-Maxmuud Maxamed Wuxuu ka mid yahay Salaadinta Cusub.

Hawlo badan ee gudaha beeshiisa ka sokow waxaa weligii lagu xusuusnayaa in uu kala badbaadiyey beelo Soomaaliyeed oo isku ragman lahaa. dabcan taasi waa sifihii Boqor lagu yaqiin.

Waxaa maanta fajiciso ah in loo xidhay Majeerteen isku rogman lahaa ayaad dhedhexadisay. Maxaa magac u noqon lahaa haddii Boqorka iyo beeshiisu Kunkii nin ee soo magangalay ay Cadaygii ay ka soo magan galeen u dhiibi lahaayeen.

waar dal iyo degaanba waa la wadaagye billoo mar dambe la isu baahdee.

Waxaan garan la ahay Cadowtinimada intaa le'eg meesha ay salka ku hayso. weligay ma maqal dhibaato dhex martay Majeerteen iyo Isaaq. Haddaad i tidhaado Moorgan ayaa dad laayey. Moorgan ma majeerteen baa dirsaday? Aakhiro iyo Adduunba wixii uu geystey isaga iyo ciddii dirsatay ayaa mas'uul ka ah.

Boqor Buurmadow iyo Habar Jecloba waa yaqaannaan waxaa sharaf u ah, iyo dhaqanka soo jireenka ahi sida uu yahay ee dawladdaan Nimankaan Galbeed Hoggaaminayaan ayaa dhaqanka la socon.

Waxaa Boqorka lagu eedeeyey Qaran dumis, iyo aflagaaddo Madaxweyne.

Ereyada caynkaas ah waxaaaban u haystay in aanay reer Sheekh Isxaaq Uga duwanayn Hangash iyo dhabar jebin oo ay sas ka qabaan. Weger. Dabcan Madaxdu waa kuwiiye Shacabkuse ma kuwiibaa?

Yaa garanaya Qaranimada Isaaq ee Boqor Buurmadow Duminayo ee Rayaale Iyo Qaybe Difaacayaan.

Gabogabadii Habar jeclo ayey u taal sida ay arrinkaa ka yeelaan waxaanse ka baqayaa in xidhidda iyo sharaf ridka salaadiintu noqoto Waddo halqadii Cigaal shiddaad.

Fiiro Gaar ah

Kulaabo bogga hore ee www.somalitalk.com