W/Q.Abdi Wali Ibraahim Aaden "Garyare"
Garyare20@hotmail.com
Garyare@msn.com
Garyare20@yahoo.com
Guddiga xaqiiqo raadinta Midowga Afrika
oo ay caqabaddo ka soo wajeheen Magaalada Muqdisho.
Guddiga xaqiiqo raadinta oo ay ka mid
ka yihiin Jaamacadda Carabta, Midowga Afrika iyo IGAD ayaa isfahan waa
dhinaca shaqadooda ah ay ka soo wajeheen Magaalada Muqdisho oo u kala
qeybsan Hogaamiyo kooxeedyo iska soo horjeeda.
Guddigan oo magaalada soo gaaray
maalintii sabtidii ayaa waxaa lagu waday inay socdaalkooda Muqdisho soo
afmeeraan maalintii isniinta ahayd oo aynu soo dhaafnay,waxana ay u sii
gudbi lahaayeen qeybo badan oo ka mid ah Gobolada Dalka Somaliya oo ay
ugu horeeyso Magaalada Jowhar halkaasoo ay kasii wadi lahaayeen
barnaamijkooda ku wajahan ururinta hubka iyo Maleeshiyooyinka Soomaaliya
ku firirsan iyo sida ugu haboon ee hubkaasi loo ururin karo.
Kooxda uu hogaamiyaha u yahay Cusmaan
Xasan Cali "Caato"ayaa guddiga xaqiiqo raadinta Midowga afrika ka hor
istaagay inay booqdaan xarunta uu Magaalada Muqdisho ku leeyahay si ay
kormeer ugu sameeyaan cadadka hubka iyo Maleeshiyada uu haysto,laakiin
qaar ka mid ah kooxda Cusmaan Caato u joogta Muqdisho ayaa isqabsi
dhexdooda ah waxaa uu sababay inay guddigaasi u suurta geliwaysay inay
tirakoobaan hubka iyo Maleeshiyada Cusmaan Caato.
Dhanka kale hogaamiye kooxaadka Muuse
Suudi Yalaxow ayaa si cad u diiday inay guddigaasi booqdaan oo ay
tirakoob ku sameeyaan hubka iyo Maleeshiyada uu haysto,waxaana xitaa
dhacday inay xiriir la sameeyeen guddiga Muuse Suudi oo ku sugan Shirka
Somalida uga socda Dalka Kenya,laakiin isku dayo badan kadib waxa lagu
guuldareeystay in Muuse Suudi uu oggolaado inay guddigaasi xaruntiisa
Muqdisho booqdaan.
Ururka USC/SNA garabka uu hogaamiyo
Saciid Bul-bul ayaa iyaguna diiday inay qaabilaan guddiga xaqiiqo
raadinta Midowga Afrika,hadalkan diidmada ah ee ka soo yeeray Ururkan
ayaa waxaa shaacaka qaaday Xoghayaha Arimaha gudaha ee ururkan C/qaadir
Cod-wayne oo sheegay inaysan qorshaha ugu jirin inay la kulmaan guddiga
xaqiiqo raadinta ee ka socda Midowga Afrika,Jaamacadda Carabta iyo Urur
Goboleedka IGAD ee socdaalka ku maraya qeybo badan oo ka mid ah Somaliya.
Maamulka Gobolka Banaadir oo isu qaban
qaabinaya ka hortagidda afgembi lalal maagan yahay Dr,C/qaasim Salaad
Xasan.
Maamulka Gobolka Banaadir ee taageerada
hoose u ah Dr,C/qaasim Salaad Xasan ayaa heegan buuxa ugu jira sidii ay
uga gaashaaman lahaayeen afgembi Siyaasadeed loogu sameeynayo
Madaxwaynaha Dowlada Ku meel gaar ka ah ee Waqtigeedii dhamaaday Dr,C/qaasim
Salaad oo iminka ku siijeeda sidii uu uga mid noqon lahaa musharixiinta
ugu cad cad Jagadda Madaxwaynenimo ee Dowlada lagu soo dhisi doonto
shirka Kenya Somalida uga socda.
Qorshaha Afembiga loogu sameeynayo Dr,C/qaasim
Salaad oo ay wadaan C/nuur Axmed Darmaan iyo Guddoomiyaha Baarlamaanka
waqtigiisu dhamaaday ee Mustaf Muqtaar Guudow ayaa waxaa lagu wadaa in
maalmaha Khamista ama Sabtida la soo afmeero oo lagu dhawaaqo xilka
qaadista C/qaasim iyo Magacaabista C/nuur Axmed Darmaan loo magacabayo
Madaxwaynaha Jamhuuriyada Somaliya,taasoo ah hafadka kaliya ee laga
leeyahay afembiga Siyaasadeed oo ay wada wadaan C/nuur Darmaan iyo
Mustaf Muqtaar Guudow.
Mustaf Muqtaar Guudow Guddoomiyaha
Baarlamaanka Waqtigeedu dhamaaday ayaa olale xoogan ka wada Magaalada
Muqdisho gaar ahaan Hotelka Happy oo ah halka uu ku shirinayo
Baarlamaanka intiisa jooga Muqdisho,iyadoo inta maqana uu sheegay Guudow
in lagu badali doono Baarlamaan uu ku sheegay inay yihiin kuwo ay isku
beel yihiin inta ku maqan Shirka Kenya.
Guddoomiyaha Maamulka Gobolka Banaadir
Md,Firinbi ayaa waxaa uu shaaca ka qaaday inay ka soo horjeedaan
qorshayaasha ay wadaan Guddoomiyaha Baarlamaanka iyo C/nuur Darmaan oo u
sheegay inay yihiin wax aan loo dulqaadan Karin, waxaana uu intaasi ku
daray Firinbi inay ka digayaan isku dhacyo inay arintaasi sababi karto,
hadalkaasi firinbi ayaa ah mid ay ka muuqato taageero buuxdo oo uu u
hayo Madaxwaynaha TNG-da Waqtigiidu dhamaaday Dr,C/qaasim Salaad Xasan.
Guddiga xalinta khilaafaadka oo sheegay
inaysan beelaha Soomaaliyeed wax u qeybin doonin.
Sida ay sheegayaan wararka naga soo
gaaraya Magaalada Nairobi ee Xarunta u ah Dalka Kenya oo uu ka socdo
Shirka Somalida, guddiga xalinta khilaafaadka ee IGAD ayaa ku dhawaaqay
inaysan dib dambe ugu qeybin doonin Beelaha Soomaalida xubnaha ay kala
leeyihiin haddii ay ku hishiin waayaan.
Guddiga xalinta khilaafaadka ayaa waxaa
uu horay wax ugu qeybiyay Sadex beelood oo ka mid ah Beelaha Soomaalida
ee ka qeyb galaya Shirka Soomaalida uga Socda Dalka Kenya isla markaana
ku hishiin waayay habka ay u qeybsanayaan Xubnaha uga sooaaday
Baarlamaanka Soomaaliya loosoo dhisi doono.
Guddiga xalinta khilaafaadka IGAD ayaa
waxa uu sheegay inay gabi ahaanba uu ka fara laabtay inuu dhexgalo
beelaha isla markaana u Magacaabo Xubanaha Baarlamaanka uga mid noqonaya
Beelaha ku guuldarreeysta inay soo gudbiyaan liisaska ay ku qoran yihiin
Magacyada Xildhibaanadooda iyadoo waqtiga loo qabtay uu dhamaadka
toddobaadkan .
Urur Goboleedka IGAD ayaa lagu wadaa
inay arimahaasi oo dhan kulan ka yeeshan si xal looga gaaro arintaasi ka
soo yeertay guddiga xalinta khilaafaadka ee IGAD u xilsaaran arimaha
Shirka Somalida ee Kenya,iyadoo ay hadana guddiga xalinta khilaafaadka
ku adkeysteen inaysan faraha la gelin wax qeybsiga Beelaha Soomaalida.
la argi doonee halka ayku danbeeyso arintaasi.
Nabiil Canshuur oo sheegay inay
taageeri doonaan Dowlada kasoo baxda Shirka Kenya.
Wakiilka u qabilsan Dowlada Sacuudiga
Arimaha Soomaaliya ayaa waxaa uu markii ugu horeeysay daboolka ka qaaday
in Dowlada Sacuudiga ay taageero dhaqaalo iyo afba ay la garab istaagi
doonto Dowlada Soomaalida ee lagu wado in lagu soo dhiso Shirka Somalida
uga socda Dalka Kenya.
Nabiil Canshuur Wakiilka Sacuudiga ee
Arimaha Soomaaliya waxa uu sidoo kale sheegay inay taageeridoodu noqon
doonto, mid wax ku ool ku filan u balan qaadeeyso Dowlada lagu soo dhisi
doono Shirka Kenya,waxaana uu intaasi ku daray Nabiil Canshuur in
Sacuudigu noqon doono Wadanka ugu horeeya ee aqoonsada Dowlada
Soomaalida ku dhisato Shirka Kenya.
Danjiraha waxaa uu kulan la yeeshay
qaar ka mid ah Hogaamiyayaasha Siyaasada ee ka qeyb galay a Shirka
Kenya,isagoo kala hadlay sidii ay xal deg deg ah ugu keeni lahaayeen
Umadda Soomaaliyeed oo uu sheegay Nabiil Canshuur inay iminka u baahan
yihiin Dowlad ka samata-bixasa Dhibaatada daashatay.
Dhanka kale waxaa uu la kulmay Nabiil
Canshuu r Madaxwaynaha TNG-da waqtigeedu dhamaaday Dr,C/qaasim Salaad
Xasan oo ay kawada hadleeyn arimo badan oo la xiriirra Soomaaliya,iyadoo
uu Dr,Qaasin Salaad Xasan uga warbixiyay Danjiraha Meesha uu marayo
Shirka Kenya iyo xaaladda xulidda Baarlamaanka,waxaana uu intaasi ugu
daray C/qaasin Salaad Danjiraha baaq uu ugu gudbinayo Dowlada Sacuudiga
kaasoo ah inay Dowalda Sacuudiga si buuxda u taageerto Dowlada lagu
dhisayo Shirka Kenya.
"waxaa xaqiiqo ah in Dowlada Sucuudiga
ay Dadka Soomaaliyeed soo gacan qabatay,waxaana taasi marqaati ka ah
inta waxgaradka h ee Soomaaliyeed,laakiin haddana waxaan ka codsanayaa
Dowlada Boqortooyada Sacuudiga inay taageero balaaran u fidiso Dowlada
mustaqbalka dhow lagu soo dhisi doono Shirka Kenya"ayuu yiri
Madaxwaynaha YNG-da waqtigeedu dhamaaday Dr,C/qaasim Salaad Xasan oo
dhanaca kale rajo wanaagsan ka muujiyaay halka uu marayo Shirka
Soomaalida uga socda Wadanka Kenya.
Musharixiinta xillka Madaxwaynenimada
Shirka Kenya oo loo soo jeediyay digniin.
Waa maxay digniintaasi?
Wararka laga helayo deegaanka Embagati
ee duleedka Magaalada Nairobi ee Dalka Kenya oo ah halka uu ka socda
Shirka Soomaalida ee dib u hishiisiinta qaran ayaa waxay sheegayaan in
digniin loo soo gudbiyay raga u sharaxan xilka Madaxwaynenimo inay
helista xilkaasi u adeegsadaan lacag,taasoo ay ka cawdeen qaar ka mid ah
raga u taagan xilkaasi madaxwaynenimo ee Dowlada lagu soo dhisi doono
Shirka Kenya.
Waxay wararku intaasi ku darayaan in
arintan ay salka ku hayso kadib markii qaarka mid ah musharixiinta ay
dacwad ka dhan ah mid ka mid ah raga u taagan xilkaasi ay ku eedeeyeen
inuu lacago siinayo qaarka mid ah xubnaha lagu wado inay ka mid noqdaan
Baarlamaanka Soomaaliya loo dhisi doono,isagoo markaasi doonay inuu
codka uga hormaro inta kula tartameeysa Xilkaasi Madaxwaynenimo,iyadoo
ay arintaasi ku tilmaameen inay tahay mid jahwareer gelin karta Shirka
Somalida marka la gaaro xilliga doorashada Madaxwaynenimo ee Dowlada
lagu soo dhisi doono Shirka Kenya.
Dacwadan ay gudbiyeen qaarka mid ah
musharixiinta Madaxwaynenimada ee ka qeyb qaadanay Shirka Kenya ayaan
shaaca ka qaadin Magaca musharaxa ay dacwada ka yihiin,iyagoo sheegay
inay mar un Soomaalida iyo IGAD ogaan doonto ninkaasi,waxayna intaasi ku
dareen in musharaxaasi uu adeegsanayo lacago aad u faraban,taasoo uu uga
gol leeyahay sidii uu ugu guuleeysan lahaa Jagadda Madaxwaynenimo.
Shirkii Carta ee ahaa shirkii lagu soo
dhishay Dowlada KMG ah ee Soomaaliya ayaa waxaa la isku adeegsaday
Lacago aad u faraban,iyadoo musharax walba sida uu uga lacag badan yahay
kan loolanka kula jira uu uga horeeynayo dhinaca codka doorasha ayaa
hadana waxaa muuqata iyadoo taasi laga dhabaqaadayo in la isku adeegsan
doono lacag,laakiin IGAD ayaa arintaasi digniin kulul ka soo saartay oo
sheegtay in loo baahan yahay in laga fogaado adeegsiga lacagta,haddii ay
ahaan lahayd Xulista xubnaha Baarlamaanka iyo Xilka Madaxwaynenimo
intaba.
C/qaadir Beebe iyo Ganacade Bashiir
Raage oo mucaaraday Dowlada lagu soo dhisi doono Shirka Kenya.
C/qaadir Cabdi Xasan "Beebe"oo sheegta
inuu yahay Guddoomiyaha garab ka mid ah Ururka USC/SSA iyo Ganacasde
Bashiir Raage Shiiraar oo isna sheegta inuu yahay wakiilka SRRC ee
Magaalada Muqdisho ayaa shalay cadeeyay inay kasoo horjeedaan Dowlada
lagu wado in lagu soo dhisi Shirka dib u hishiisiinta Somalida uga socda
Dalka Kenya.
Bashiir Raage iyo C/qaadir Beebe oo ah
laba nin oo aad isugu dhaw ayaa diidmadooda u sheegay guddiga xaqiiqo
raadinta Midowga Afrika oo shalay kulan layeeshay,waxaana ay intaasi ku
dareen inaysan la dhacsaneen geedi socodka Shirka dib u hishiisiinta
Somala uga socda Dalka Kenya oo ay sheegeen inuusan iga waxba ka
quseyn,waxay intaasi u raaciyeen guddiga xaqiiqo raadinta Midowga Afrika
inaysan hubkooda ku wareejin doonin Dowlada lagu wado in lagu soo dhiso
Shirkaasi ay mucaaradsan yihiin.
C/qaadir Cabdi Xasan "Beebe"oo ka mid
ah Golaha abaabul qarameedka ee kol hore looga dhawaqay Magaalada Jowhar
ee xarunta u ah Maamulka Maxamed Cumar Xabeeb "Maxamed
Dheere" ayaa sheegay
mar wax laga waydiiyay waxa uu ku diidan yahay Dowlada ka dhalan doonta
Shirka Somalida uga socda Dalka Kenya inuu ku diidan yahay ayaa waxa uu
yiri"waxaan ka diidanahay Dowladaasi fikradena kuma imaaneyso oo waxaa
wata dadkii aan horay xukunkooda isaga tuurnay,waxaan idiin sheegayaa in
aan hub aan leeyahay u dhiibeeyn Ragii aan xooga uga qaatay,waxaana
aanintaasi ku darayaa lagama yaabo in aan u hogaansamo xukunka ragii aan
Dagaalka ba’an la soo galay ilaa iyo inta uu ina dhexmari doono hishiis
buuxa"sidaana waxaa yiri C/qaadir Cabdi Xasan "Beebe"
Ganacsade Bashiir Raage ayaa isna
sheegay inuu waddo qaldan uu ku socda Shirka dib u hishiisiinta ee
Somaida uga socda Wadanka Kenya oo uu sheegyin loo baahan yahay in la
saxo marka hore isaga kadibna laga wadda hadlo waxa laga yeelayo waxa ka
soo bixi doona shirkaasi,waxaana uu dhaliil xooga u soo jeediyay Bishiir
Rage habka wax qeybsiga ee ku saleeysan 4.5-ka oo uu sheegay inay tahay
mid uu ku qaadacsan yahay Shirkaasi iyo waxa ka soo baxa intaba.
W/Q.Abdi Wali Ibraahim Aaden "Garyare"
Garyare20@hotmail.com
Garyare@msn.com
Garyare20@yahoo.com