WARARKA:
BOOSAASO |
HARGEYSA |
MUQDISHO |
NAIROBI |
QURBAHA |
XORIYO
April 5, 2004
Cod La Baxshaa, Dan La Gaaraa
Soomaalida Minnesota oo ku dhawaaqay daladdii mudada dheer la sugayay
“Somali Action Alliance”.
Maan
deeq u curatay reer Minnesota!
![](am1.jpg)
Qolka xaflada oo lasoo camiray
![](am2.jpg)
Xasan Jaamici oo wacdi jeedinaya
![](am3.jpg)
C/Risaaq Xaaji Xuseen oo madasha ka hadlayey
![](am4.jpg)
Minnesota Senator
Mee Moua oo ka tirsan xisbiga Dimoqraadiga oo madasha ka hadlaysey
![](am5.jpg)
Dan William oo akhrinaya warqad ka timid Senator Coleman oo ka tirsan
xisbiga Republican-ka
![](am6.jpg)
Siciid saalax Axmed oo tilmaamaya tabeelaha ururka cusub
![](am7.jpg)
Martida ka socotey waxbarashada Minnesota
![](am8.jpg)
Abwaan Cusmaan Daahir oo gabay ka soo jeediyey madasha.
![](am9.jpg)
Sakariye Aadan: Somalishowtv oo kamid ah telefishanada kasoo qayb galay
madasha. |
Sawirada waxaa
qaaday: Maxamed Cali (SomaliTalk.com) |
Dad Soomaaliyeed iyo marti kor u dhaaftay
300 oo qof oo ka kala yimid magaalooyin badan oo ka tirsan Minnesota ayaa
bisha April labadeeda isugu yimid goobta la yiraahdo
International Institute of Minnesota.
Maqribka markii la tukaday ayaa cashadii ay soo diyaarisay maqaayadda
Soomaaliyeed ee cuntadeeda loo bogay ee Safaari loo fariistay. Wax yar ka dib
barnaamijka ayaa bilowday. Waxaa shirka daadihinayay Maxamed Allabari iyo
gabadha la yiraahdo Amiira. Sheekh Xasan Jaamici ayaa quraan aqris iyo wacdi
ku furay asagoo dadka kala dar daarmay inaysan gaalnimo ku dhiman iyo inay
midnimada iyo wada jirka ku dadaalaan.
Waxaa ku xigay Ra'iisul Wasaarihii hore ee
Soomaaliya Mudane Cabdirisaaq Xaaji Xuseen oo asagana ku dheeraaday in
Soomaalida Minnesota halkan wax ka qabsadaan oo waxna ka noqdaan oo maanta ay
Minnesota gurigooda tahay.
Waxaa ku xigay Zainab Hassan oo ka hadashay
ujeedada Somali Action Alliance laga leeyahay iyo taariikhdii uu soo maray
iyo waxa uu damacsan yahay. Zainab waxay sheegtay in ururkan loogu talo galay
qofkasta oo Soomaali ah, mana aha wax ay dad gaar ah gooni u leeyihiin waxaa
kale oo ay tiri qofkasta oo Soomaali ah waa u furan tahay inuu xubin ka noqdo.
Ururkan waxaa uu rajaynayaa inuu wax ka qabto danta guud ee Soomaalida
Minnesota iyo danta guud ee Somalida iyo dalkii hooyoba wixii la awoodo.
Ururkan hore waxaa uu uga soo qayb qaatay u
dagaalanka iskuulada la xiri rabay iyo inuu qoro dad badan oo Soomaali ah si
ay codkooda u dhiibtaan. Waxaa kale oo ururkan uu la kulmay murashixiin iyo
mas’uuliyiin sar sare oo ka tirsan dawladda maraykanka kalana hadlay arrimo
quseeya Soomaalida.
Waxaa ku xigay in Xuseen Samatar (GarabYare)
oo aad u sharxay muhimadda ururkan leeyahay iyo muhimada wada jirka iyo wada
shaqaynta.
Waxaa ku xigay oo ayaduna meesha qudbad
dheer ka jeedisay gabadha la yiraahdo
Mee Moua oo ah Minnesota senator
degmada 67aad kana soo jeeda reer soo galooti ah oo ka yimid Laos, waxayna u
dhalatay dadka la yiraahdo
Hmong oo aad ugu badan Minnesota. Gabadhaasi waxay
aad u dhiiri gelisay dadka Soomaaliyeed inaysan iska dhigin dad marti ah oo
dalka laga xigo ee ay u tartamaan xataa ka qayb qaadashada siyaasadda.
Gabadhaasi oo mar ku noolayd xero qaxooti dalka Thailand waxa ay si cajiib ah
isula mid dhigtay dadka Soomaaliyeed oo ayba tiri waaba dadkayga ayadoo
arrintaas ku mutaysatay sacab fara badan.
Waxaa asagana meesha ka hadlay nin African
American ah oo ka wakiil ahaa US Senator Norm Coleman ninkaas oo magaciisa la
yiraahdo Rev. Dan Williams oo asaga naftiisa 1998kii u tartamay kuxigeenka
Governorka Minnesota waxaa kale oo uu wakiil uga yahay Minnesota xafiiska
diimaha (faith based) ee aqalka cad ee maraykanka.
Dan Williams asagana waxaa uu helay
meel uu uga egyahay dadka Soomaalida - waa midabka ee waxaa uu ka sheekeeyay
dhibtii ay soo mareen dadka madow ee maraykanka gaar ahaan xuquuqda codeynta
iyo adoonsigii iyo faquuqii taas oo uu asagan sacab badan ku mutaystay ka
dibna waxa uu dadka Soomaalida ku guubaabiyay in aanay qolona ka dhegaysan
inay u shegaan cidii ay codka siin lahaayeen waayo idinkaa garanaya dantiina
ayuu yiri.
Dan William waxaa uu bilaabay inuu
aqriyo qoraalkii Senatoor Coleman kaasoo uu ku sheegay in uu
labo goor hore
la kulmay Somali Action alliance intii aanay isa soo caan bixin iyo inuu u
rjaynayo ururkan mid Soomaalida iyo guud ahaan reer Minnesotaba wax weyn ku
soo kordhin doono. Waxaa kale oo senatoorku sheegay in imaanshaha Soomaalida
ku soo kordhisay Minnesota wax aad u weyn.
Waxaa kal e oo si marqaati ahaan ah uga
hadlay haweenay maamule ka ah dugsiga Sanford oo hore ula soo shaqaysay
Somali Action Alliance iyo mid ka mid ah Minneapolis School Board. Waxaa
asaguna halkaas ka hadlay arday Soomaaliyeed oo magaciisa la yiraahdo C/laahi
C/Qaadir Faarax oo metelayey dhallinyarada Soomaaliyeed, asaga oo sheegay in
dhallinyaradu ay yihiin mustaqbalka mujtamaca, waxana uu ku maahmaahay: Soomalidu been ma maahmaahdo, hadal
waa
hadalkii hore ragna waa raggii hore, waxase uu raaciyey asagoo yiri: waxaan
taas ku dari lahaa: ragga dambena yaan la ilaawin.
Martida kale ee ka soo qayb gashay shirka
waxaa ka mid ahaa madax Minnesota Science Museum iyo madaxa Jaamacadda
Minnesota qaybta daraasaadka xasuuqyada oo labaduba balan qaadeen in sanadkan
ka qayb qaadan doonaan Somali Education Night oo la qaban doona bisha May,
2004 iyo gudoomiyaha bulshada Hmong ee ku nool Minneapolis.
Waxaa xiisa badnaa hadal dheer oo xigmad
ahaa oo uu soo jeediyey Siciid Saalax kaas oo uu ku muujinayey guusha la
gaari karo marka la is kaashado. Sidaas oo kale waxaa gaban aad qoto dheeraa
madasha ka tiriyey abwaan Cusmaan Daahir oo had io jeer Soomaalida ku
guubaabiya in ay is gacan qabtaan midoobaana.
Dadka Soomaaliyeed ee reer Minnesota waxa ay
dhowraanba waa wax qabad buuxa iyo kaalin libaax waxaanan ilaah ka
rajaynaynaa inuu ururkan noqdo mid iskuduubni iyo guulo dhaliya.
Soomaalida Minnesota ayaa in badan lagu
xaman jiray in ay ku horeeyaan dhinaca siyaasadda, ganacsiga, shaqada, iyo
waxbarashada hase yeeshee ay ku liitaan dhinaca abaabulka iyo is-habaynta (organizing)
iyo isku duubnida arrintaasi maanta ayay beenowday ayaa la dhihi karaa. Baal
cusub ayaa u bilowday Soomaalida reer Minnesota oo markii horeba ahaa dad aad
isu jecel.
Far keliya fool ma dhaqdo. Isku duubni waa
xoog kala faraaruq waa tabar daro. Dhurwaagu neefka gooni u daaqa ayuu jecel
yahay.
Cod La Baxshaa, Dan La Gaaraa: waa hal ku dhegii madasha
Maxamuud nuur wardheere
mnwardere@yahoo.com
Faafin: SomaliTalk.com | April 5, 2004
Minnesota: Macallimiin iyo arday Soomaaliyeed oo xusay Taariikhda Bisha Dadka
Madow “Black History Month” markii u horeysay
Booqasho isugu jirta dalxiis iyo waxbarasho oo
ay arday Soomaaliyeed ku tageen xarunta gobolka Minnesota (State Capitol)
Guji...
Ardayda Dugsiga Sare ee Edison oo ka
Qalin-Jebiyey Guji..
Ardayda Soomaaliyeed ee Ka Qalin Jebinaya
Dugsiga Sare ee Edison oo Buuxiyey Derejooyinka ugu Sareeya
Guji...
Xubno Soomaaliyeed oo ka Qayb Qaatay Maamuuska
Dhalashada Hogaamiyahii dadka madaw ee Maraykanka Dr. Martin Luther King Jr.
Guji.....
Kulaabo bogga hore ee www.somalitalk.com
|