Baaq- Nabadeed oo Kusocda Shacabka kunool Gobolladda Sool, Sanaag iyo Hawd , Gaar ahaan Dagaaladda naxdinta leh ee kasocda Magaaladda Laascaanood iyo agagaarkeeda.

Anigoo Kuhadlaya Magacayga iyo magaca dhamaan Ummadda Soomaaliyeed ee nabadda jecel , yaqaanana dhibta dagaalku leeyahay ayaan waxaan soo jeedinayaa arimahan:

1. In shuruud la’aan la joojiyo xabadda kasocota dadka hilbo-wadaagta ah dhexdooda

2. In Tallaabo deg deg ah ay kaqaadaan Odayaasha Dhaqanka , Culimaa’udiinka, Aqoonyahamiinta, Haweenka, iyo cid Alla cidii aragti Nabad jacayl kujirto sidii loo baadhilahaa , loona dhamayn lahaa waxyaabaha Dagaalka hurinaya.

3. In laqabto oo laysugu tago cid Alla cidii nabadda diida waayo Ilaahay ayaa ina leh hadii labo qolo oo Islaam ahi is disho dhexdhexaadiya , Tii diidana isugu taga.

4. Marlabaad waxaan farayaa Odayaasha Dhaqanka inay kadigtoonaadaan Eexda , Qabiilka, Eagaana wanaaga Ummadda ayku dhaqayeen Mudadii dheerayd ee Dawlad la’aanta wadanka ay kajiray.

Ugu danbayn Waxaan Ilaahay Uga Baryayaa In dagaalkaa Ilaahay Qaboojiyo , cidii waddana Xaqa iyo wadada Toosan Alla Tuso.Aamin Aamiin Aamiin.

Waxaana Mahad usoo jeedinayaa wax garadka Ku hawlan Nabadda ee kuguulaystey in Sool iyo goboladda Sanaag iyo Hawd ay kabadbaadeen colaad balaadhani kadhacdo.