Mahad waxay u sugnaatay ilaahay subxanahu watacalaye naxariis iyo nabad gelyo korkiisa ha ahaato Nebigeena suuban Maxamed (C.S.W), marka xigta waxaan mahad ujeedinaya halyeeyada u heelan horumarka iyo aqoonsiga jamhuuriyadda Somaliland, akhristayaal, qoraalkaygani waa mid hor dhac u ah qoraalo badan oo aan soo tabin doono haddii allaha awooda lahi idmo oo aan kaga hadli doono, dhawr arrimood oo warxuma tashiil badani doonayo inuu mugdi ku geliyo xorriyadda nacawdeeda laga dareemay dacalada dalkaan ka dhashay ee Somaliland, waan ogsoonahay dabcan dareenka dadkayga iyo dacarta cadawadeed ee ku geedaman, igama madhna halku dhigyada cunsurinimadu ku dheehantahay ee ay ku hadaaqayaan kuwii shallay ku gebyi jiray "Aabo siyaad Khabiirkii garashadow", isku soo wada duubo, cadawadda loo qabo dalkayga yar ee ku geedaman dacalka beri ee geeska africa noqon maayo mid lagu guulaysto, waxaanan ilaahay idamkii ku kalsoonahay dareenka gaaxsan, hadaf! ka qayaxan sida daruurtu inuu maalin maalmaha ka mid ah oo aan dunidani ku noolahay ka midho dhali doono, dhinaca kale waxaa jirta iyaduna duruufo aan meel loogu tago la garanayn oo dusha lagaga ridaayo Jamhuuriyadda Federaaliga ethiopia oo had iyo goor lagu eedeyo hammuun aan siffo loo hayn, ma jecli akhristow inaan midh midh u qaado, oo aan durbaano tumo, dagal laga soo galana bildhaamiyo, balse waxaa la yaab igu noqday marka dadka qaar u dhigayaan hadalka sida tani "Ethiopia waa cadawga kowaad ee umadda Soomaliyeed, Ethiopia waa hinjiga kala goynaaya somaliweyn" miyay halmaameen kuwa sidaasi ku hadaaqa in ay Ethiopia tahay dawlad rasmi ah oo ku guulaysatay inay bulshadeedu ku noolaadan, nabad iyo nacaw, kaba soo qaad in ay Ethiopia tahay cadaw umadda Soomaliyeed, balse su,aashu waxay tahay Aaway mugsanaanta beel weynta soomaliya, ilayn markaad cadaw leedahay gunta ayaa dhiisha la iskaga dhigaayo waxba la dhistaaye, anigu shakhsibaan ahayo ma aaminsani in Ethiopia u tahay! cadaw cidhif ka tirsan dacalka beriga afrika, ee waxaan guuba! bo usoo jeedin lahaa kuwa liqsan kiniinkii saxnuuniyadda inay tufaan oo ay maskaxda dib uga shaqaysiiyan, midda labaad inkasta oo aan si faahfaahsan uga hadli doono qoraalo huffan oo aan dhawaan soo saari doono, iyo weliba buug aan ku tallo jiro inaan daabaco dhawaan ee aan jecelahay inaan wax ka taatabto waxay tahay qoraal ay dhawaan soo saareen urur lagu magacaabay Ururka daraasadka Geeska Africa, oo aan anigu markaan dhuuxay mugga guud ee ka danbeeya qoraalkooga ku sifeeyey Ururka Argagixisada Geeska Africa, waxaa si kastaba ha loogu yeedhe ururkaasi oo cidda isku qarinaysay ay iska soo bixi doonto isweydiiyeen su,aalo ay jawaabtooda dhinac iska dhigeen balse ay soo tufeen uun intii saxnuuniyaddu ku tarbiyadaysay (zionism), waxaa ka mid ahaa qoraalkooga

1. YAA SAMEEYEY SOMALILAND

Waa su,aal aad u fiican badannana inta wax garadka ah ee ku nool beriga africa ay ka dheragsanyahiin cidda Somaliland samaysay, Somaliland may samaynin qabqablayaal dagaal, Somaliland may samaynin, siyaasiyiin calooshoda u shaqaystayaal ahi, balse Somaliland waxaa ilaahay ku ilhaamiyey Bulshadeeda oo lagu tilmaamo inay u dhasheen aqoon iyo xilkasnimo, taasi oo ay ku muujiyeen midhaheeda xorriyadeed in looga midho dhalliyo, looma isticmaalin Somaliland dhalashadeeda xirfad ee waxaa lagu kasbaday dhiig la daadshay, looma isticmaalin Somaliland hadafkeega qori caaradii ee waxaa loo isticmaalay fikir iyo maskax alla ku ilhaamiyey loona adeegsaday caqli iyo aqoon, waxaanay Somaliland hanaankeeda siyaasadeed (Political agenda) ka go,day bulshadeeda alla isbaday ee ku geedaman min LaasCanood, ilaa Allay Baday, min Saylac ilaa bedda cas, Umaddeedu waa bulsho ku caan ah dhaqan iyo dhaqaale ay wadaagan oo ay ku dhaafeen bulshooyinka la dariska ah, waa bulsho aqooneed, waa ! bulsho ku caan ah soodhawayn iyo xilkasnimo ay u qabaan noocyada kala gedisan ee ganacsiga xorta (Free Markets), taasi oo aan loo adeegsanin asal iyo isir midna toona (Ethnic and triblism or nepotalism), waa mid ka caagan noocyada saxnuuniyadda ee loogu yeedho (egocentric zionism) ama canaadnimada madax adayga leh, dadka Somaliland dabcan waa qabaa,il iyo shucuub isku tegay taasina waxay ku weheliyeen dalalka kale ee la deriska ah ee nabadda ay ku wada noolyahiin sida Jamhuuriyadda Jibouti iyo Dawladda Federalka ee Ethiopia, iyo weliba duulka carbeed ee ku geedaman bedda cas.

N.B: barashada iyo aqoon u hellidda Somaliland waxaan faahfaahin kaga bixin doona qoraaladayda danbe haddii alla idmo

2. YAA BIXIYEY MAGACA SOMALILAND

Waa Su,aal aad u qurux badan in la isweydiiyo siduu ku yimid magaca jamhuuriyadda Somaliland iyo ciddii bixisay, inkasta oo bulshada ama mujtamaca meel wada dega ay khusayso waxay qaranka ay igmadeen ula baxayaan magacuna uu badanka ka turjumo uun umadaasi waxay ku caanka yahiin, hadaba haddii aan isku dayo inaan jawaab kooban ka bixiyo su,aasha kor ku xusan, waxaa jirtay in Mustacmaradii ka hor 1960-kii xukumaysay dhulkan hadda loo yaqaano Somaliland ay ugu yeedhi jireen Mustacmaraddii ingiriisku (The British Protectorate) (British Somaliland) oo macnaheedu yahay dhulkii Soomalida ee ingiriisku xukumaayey, hadaba akhristow waxaa xusuus mudan ileen taariikhda lama inkiri karo oo iyada isa soo celcelisa eh ammintii xorriyadda uu siinaayey Mustacmaradii Ingiriisku Dhulkani Somaliland in siyaasiyiintii wakhtigaasi joogay ee Somaliland sida alla naxariistii janno ha siiye Maxamed Xaaji Ibraahim Cigaal, Micheal Mariamo, Cumar Carte Qaalib, iyo rag kale oo aan ka xumahay inan! an magacyadooda halkani ku soo koobi karayn oo qaarkoodna alla naxariistii janno ha siiye ay geeriyoodeen qaarkoodna ay hadda noolyahiin ay shir albaabada usoo xidheen, iyaga oo ka arrinsanaayey dhawr amuurood oo ay ka mid ahaayeen 1. Sidii dhulkan uu ingiriisku xorriyadiisa wareejinaayo (Somaliland), loogu samayn lahaa dhaqaale ama miisaniyad uu isku kabo (budget) 2. in loo helo magac loo bixiyo dhulkani, hadaba markii laga arrin sanaayey magac bixinta dhulkani (Somaliland) ayaa siyaasiyiintii halkaa iskugu yimid waxay soo jeediyeen magacyo badan oo qaarkood ay ka mid ahaayeen in dhulkan (Somaliland) loo bixiyo "Horn Africa", qaarkood ayaa soo jeediyey "East AFrica", qaarkood ayaa soo jeediyey "Balli-Dhay" oo macnaheedu yahay kelmad soomali ah oo naxwi ah kana turjumaysa dhulka dooxlayda ah, balse ragga badankiisu waxay isku raaceen in loo daayo magacan Somaliland oo intiisa hore "Somali" ka turjumaayo dadka ku nool isirkooga (Ethnically) qaarkiisa danbana ka turjumaayey d! hulka "Land" markaa sidaasi ayaa la iskug waafaqay loona ansix! iyey, wa xaanay ka mid ahayd in dhulkan loogu yeedhi doono Somaliland qaraarkii ku meel gaadhka ahaa ee todobada cisho jiray ee Somaliland beesha caalamku ku aqoonsatay, ka dibna lagu dhex milay isku darkii aan xalaasha ahayn "unlegtimate Unification" ee Somaliland iyo Somalia, dhinaca kale markaan faaqidaad ka bixiyo magac loo bixin karo qaran iyo macnaha uu samaynaayo, taasi waxay ku xidhantahay cidda dhulka leh inay ka go,aansato, tusaale waxaan usoo qaadan karaa dhulka hadda loo yaqaano Jamhuuriyadda Dimuqradiga ee Congo, waxaa loogu yeedhi jiray Zair, dalka Syria waxaa loo yaqaan "Shaam" oo magaca Syria wuxuu ka yimid kala go,i,(Seperation) Masar, Tunisia, iyo Syria iyo Lebenon, haddiba lagu doodayo maxaa magaca loo galbeedeyey oo looga dhigay land, taasi wax macno ah oo ay samaynayso ma jirto u fiirso dawladahani iyo magacyadooda badankoogu waxay ahaayeen ama ku hoos jireen maxmiyaddii Great Britain sida Swizerland, Netherland, Swaziland, Finland,Ireland,Scotland iyo weliba go! bolka ugu weyn waddanka Britain oo loo yaqaano England oo macnaha ka danbeeya yahay (English-land) dhulkii ingiriiska, dadka ingiriiska oo lagu tilmaamo inay ka soo jeedaan asal ahaan qoomiyadahii loo yaqaanay (Germanics) ee ka soo haajiray beriga iyo badhtamaha europe isku soo wada duubo dalalkaasi uu magacyadooda ugu danbeeyo Land dhamaantood waa qaar ay iyagu ka fikireen kuna saleeyen(based upon) isirkooga (ethnically)

N.B: Faaqiyadaad iyo tusaalooyin farabadan oo ka turjumaaya magaca Somaliland waxaan kusoo qaadan doona qoraaladayda danbe haddii alla idmo

3. SIDEE AYEY SOMALILAND U GO,AYSA

Dad badan oo aan is idhi malaha nacayb ay u qabaan mujtacan ilaahay isbaday ayey damacsanyahiin inay ku khaldaan taariikh aan jirin iyo weliba hadallo laga dheegan karo cunsurimo iyo saxnuuniyad, aan isku dayo inaan jawaab waafiyo ku muujiyo mudulooyinka taariikhda ku caanka ah bildhaaminta daahyada qarsoon ee bogaga aan u aqaan tiraabta togan, akhristaha qiimaha badanlow, anigoon dhinac kale waxba ka eegayn gebiga ka tuuraya wixii dhacay si kastaba ha loo turjume, anagu hadaanu nahay shacbigani ilaahay isbaday anagaa go,aanka gaadhnay oo ay naga go,antahay oo taasi garanay, intaanad isweydiin maxay Somaliland ku go,day (Decided the seperation) waxaad maskaxdaada khanadaheeda ka baadha (Search the stores of your mind) Canada iyo U.S.A, Ireland iyo Britain, Sweden iyo Netherland, kuwaasi waa duulka reer europe (european nations) laba kasta oo aan tilmaamayba waxay wadaagan af, diin, jinsi, midab, asal,dhaqan balse waa laba dal, yaa go,aan ka gaadhay! , ma isweydiisay ama su,aal ma weydiisay nin canadian ah ama ku abtirsada british sababta ku keliftay inuu uga keli noqdo ama laba dal ay u kala ahaadaan maraykanka ama Ireland, waa hawl u taalla kuwa ku dooda in Somaliland aanay u go,i karin sababo xagga dhaqanka iyo jinsiga iyo afka ah oo ay wadaagan Somalia awgeed, hadiiba doodaadu tahay duulka aad diridhabow tilmaantay waa reer galbeed usoo daadag dunida islaamka Syria, iyo Lebonon, waxay ahaan jireen dal qudha dunida mar lagu noola, Masar iyo libia waxay ahaan jireen dal qudha dunida mar lagu noola, waxaan ku kalsoonahay duulka dega labadaa dal ee aan tilmaamay inay isku asal, diin, dhaqan iyo luuqadba wadaagan, ma isweydiisay waxaa xaynka u kala qaaday, usoo dag mandaqadda aan ku noolahay ee koonfur beri asia, dalalka India iyo Pakistan iyo Bangaledesh waxay ahaan jireen dal keliya oo loo yaqiin India, tusaale u qaado akhristahayga qiimaha mudanlow India waxaa ku nool muslimiin ka badan laba jeer dalka pakistan, oo ti! rada dadka ku nool lagu qiyaaso 140,000,000 (Boqol iyo afartan! milyan oo qof) markaa india muslimiinta ku nooli waxay gaadhaysa ilaa 250,000,000 (laba boqol iyo konton milyan oo qof ku dhawaad), ma isweydiin kartaa maxaa kelifay goboladii beriga india inay markeliya uun u xuubsibtaan dalweyne laga soo gaagabiyey magaciisa isla goboladaasi oo loo yaqaan PAKISTAN magaca pakistan wuxuu ka yimid

P=punjab A=Afghanistan oo loogu bixiyey bulshada ama mujtamaca gobolada waqooyi ku nool ee loo yaqaano Pukhtoon ka oo asal ahaan ka soo jeeda waddanka afghanistan, K=kashmir, S= Sindh, iyo TAN ugu danbaysa oo laga soo gaabiyey gobolka ugu yar oo loo yaqaano Balochistan, si kastaba akhristow ha ahaate, waxaa halkaa kaaga cadaanaya in go,itaanka (seperation or break away) ee jamhuuriyadda Somaliland aan lagu sallayn karayn mid diimeed, asal ahaaneed, ama luuqad ahaaneed midna toona, waanan ka xumahay kuwa ku dooda sidaasi inay baal marayaan xaqiiqda, habeen madawna gudayaan.

Guntii iyo gebo-gebadii ayaan qoraalkaygani oo aan hor dhac uga dhigaayey qoraalo badan oo aan ku soo bandhigi doono saxaafadda xorta ah ee somalida doonaya inaan ku soo qaato siyaasadda hadda jirta ee ku geedaman mandaqadda Geeska africa, horta anagu hadaanu nahay Reer Somaliland waxaanu jecelahay walaalahayo Somalia oo heshiiya nabadi ka aslaxdo anagoon cidnaba u kala eegayn deegan ahaan iyo qabaa,ilka halkaasi dega, waxaanu jecelahay in ay helaan xasilooni iyo nabad ay kaga raystaan noloshoodan mugdiga ku jirta, anaga siyaasadayada ayey ku jirtaa in ay Somaliland mar walba taageersantahay nabad ka aslaxda beriga afrika, hadaba haddii hadda ay arrinta walaalahayo Somalia ay gacanta kula jiraan ururka IGAD, waxaanu jecelahay inta arrinkooga IGAD meel u ridayso inaanu indho gaar ah ku eegno shirkaa ay Nairobi ugu qabteen guul iyo guul darro midduu ku dhamaado, haddii uu guulaysto, waxaanu diyaar u nahay dawladda halkaasi ka soo baxda in anaga oo laba dal ah wada hadallo! meeshii la doono ha lagu wada hadle, labada dhinacna is hor fadhiistaan iyada oo la adeegsanayo caqli iyo aqoon, haddii shirkaasi waxba ka soo bixi waayana waxaanu walaalahayo leenahay bal haddii arrinkiina la cillan saari waayey aanu Somaliland doorkayga ku cuudine noo kaalaya oo aanu halkani idinku heshiisino, balse waxaanu idin leenahay annagu idiinku ballan qaadi mayno hudheelo waaweyn oo lagu raaxaysto, iyo weliba kharash midawga europe iyo dawladaha deeqda sida ba,an u bixiya hay idinku hirjaasan ee waxaanu xoogga saari doona inaanu hoos wax walba ka soo bilawno, oo kii khaldan aanu dusha ka saarna khaladkiisa oo qayaxan kii kursi u cararana aanu awoodiisa uu kursiga u leeyahay miisaano, annaga oo adeegsanayna waayo aragnimadii aanu Jamhuuriyadayda Somaliland ku dhisnay 1991 18 May, balse waxaa waxaasi oo dhan ka horeeya intaan shirkaa aanan qaban hadiiba kan nairobi ka socda lagu guul daraysto in dhamaan siyaasiyiinta Somalia iyo beelahuba saxeexan inay aqoonsan yah! iin jiritaanka Somaliland.

WAA BILAAHI TAWFIIQ.

SOMALILAND GUUL IYO GOBONIMO. Walaalayga Soomaliyeed inta jecel daris ku wada noolanshaho GUUL IYO GOBONIMO.

Mohamed Abdi Hassan (diridhaba)
Karachi, Pakistan.
diridhaba2001@hotmail.com

Copyright & Islaamku wuxuu ka qabo.... Akhri

Afeef: Aragtida qoraalkaan waxaa leh oo ay gaar u tahay qoraaga ku saxiixan

Xaalada Magaalada Laascaanood:-
Degaanka, dhaqaalaha, nabadgeliyada iyo guud ahaan horumarka Laascaanood ka akhri warbixintii Asad Cadaani

Ururka Darwiish Party oo Tacsi u diray laascaanood
Qoraal uu ururku maanta soosaaray ayaa ku bilaabmay.... GUJI  8/12/2002 

Bayaan ay soo saareen jaaliyada SSH ee Kuwiat
Annagoo ah Jaaliyadda dalka Kuwait deggan ee ka soo jeedda Gobolada Somalia ee Sool,Sanaag iyo Hawd in badan ayaanu   GUJI  12/12/2002

Jaaliyada dhulbahante ee w/america warsaxaafadeed
la xiriira dagaalkii Laascaanood ayey ku sheegeen in GUJI  11/12/2002

Warsaxaafadeedka Puntland ee Dagaalkii Lascanod
Madaxweyne ku xigeenka dawlad goboleedka Puntland mudane Maxamed Cabdi Xaashi oo ku sugan Eldoret ayaa.. GUJI  8/12/2002

Woqooyi Sidee Looga arkay Dagaalkii Laascaanod
Dagaal aad u kulul ayaa ka dhacay magaalada laascaanood, kaasoo ay sabab u ahayd booqashadii Madaxweynaha... GUJI  8/12/2002

DUX LA'AANTA DAWLADDA CUSUB EE RIYAALE
iyo dibin daabyada dadweynaha ... Guji June 7

 QORAALADII HORE EE DIRIDHABA  

Kulaabo bogga hore ee  www.somalitalk.com

... Copyright & Islaamku wuxuu ka qabo.... Akhri